2 Korenti 7:1 - U TIENU MAAMA TILI 2013

¹ N buakaaba, kelima tin pia laa ñoaniani yeni, tin yaa ŋanbidi mani ti yula. Tin yaa ñandi ti gbanandi leni ti yantiali kuli joagindi. Tin yaa tiendi ania ki suagi liiga leni mi gagidiŋanma, hali ki pundi li bianu U Tienu fangili nni.

Gourmanchéma Bible

¹ N buakaaba, kelima ti pia laa ñoaniani, tin yaa ŋanbidi mani ti yula ki ñandi ti gbanandi leni ti yantiali kuli *joagindi, ki yaa tiendi ania ki suagi liiga leni mi gagidiŋanma hali ki pundi li bianu U Tienu fangili nni.

2 Korenti 7:1 ပူးပေါင်းရင်းမြစ်များ

2 Bi Badiba Jama 19:9

O den teni yaa ñoamabonli n tie ne: «Yin yaa pia o Diedo po li fangili, ki yaa tuuni leni payenli mi teginma nni.

Pisomi 119:9

O Jawaalo baa tieni lede o tagu n yaa tiegi? Se wan kubi a maama n yedi yaala.

Pisomi 19:9

O Diedo ñoamabonbilikaana tiegi, Ki mangidi li pali. O Diedo bali maama ŋani cain, Ki yendi i nuni.

Pisomi 51:10

Teni min le li pamancianli. Teni ŋan mudi n kpaba ya yeni mo N le li pamankandikaali, ki jeli ki ciaga.

Mi Kpanjama 16:6

I moamoani leni mi buama teni ke i tagili gbeni, O Diedo fangili po teni ke o nilo Foagidi leni mi biadima.

Mi Kpanjama 20:9

Ŋme n baa yedi: «N pendi n pali cain, Mii pia tuonbiadiba kuli.»

Mi Kpanjama 30:12

Bi nitianba tama ke bi ŋani cain, Ke bi naa duuni ki ñani joagindi.

Mi Kpanjama 8:13

Yua n fangi o Diedo baa yaa nani mi biadima. Mini mi yanfuoma, n nani ti japaadi, li yusieli, Leni yaa ñoabu n maadi yaa maama n bia.

O Yanfuodaano 11:10

Ŋan foagidi leni yaala n baa cuani pabiidili bi yianu, kelima mi panma leni mi panma paalu kuli baa pendi tontoni.

Esayi 1:16

Wali mani ki ŋanbi yiba. Ñani mani n kani yi tuonbiada. Cedi mani mi biadima tienma.

Esayi 55:7

O nibiado n ŋaa o tagibiadu, Fanma miali mo n ŋaa o yantiabiadili, Ki lebidi ki guani o Diedo kani. Wani yua n baa gbadi o po mi ninñima Leni ti Tienu yua n puuni sugili Leni ti bulicindi kaa cedi yeni kani.

Jeremi 13:27

Jerusalemi n laa a conconma leni a cagindi n ñiidi maama, A juana yula po leni i kuani nni. Lani n teni ke fala jagi a yuli po, Fini yua n ye ti joagindi nni yeni! Beyogunu yo, ke laa tuongunda baa gbeni?»

Jeremi 4:14

Jerusalemi, ñani a pali nni mi biadima, Lani n tie ŋan baa mi faabima. Hali u laa yogunu yo, ke a baa waagi Ki kubi a pali nni ti yantiabiadi?

Levi 13:58

Ban den ŋuudi yaa tiadi, yaa ka yaa gaali bi yaa suobu, yaa ka yaa bonla n jabi leni gbandi, ke a lega bodi, bi go baa ŋuudi ti miliema, lan ŋanbi cain.»

Matie 12:33

Tuo mani ke yaa tibu n ŋani, bu bonluonkaala moko baa yaa ŋani. Yaa tibu n kaa ŋani, bu bonluonkaala moko kan yaa ŋani. Bi bandi tibu kuli bu bonluonkaala po yo.

Matie 5:48

Yin gagidi ki yaa ŋani nani yi Baa yua n ye tanpoli n gagidi ki ŋani maama.

Matie 5:8

Li pamanli ye leni bi papiendanba, kelima bi baa le U Tienu.

Jesu Tondiba Tuona 9:31

Lani, Kilisiti Nitaanli den ye leni mi yanduanma Jude, Galile leni Samari diema nni kuli. Kilisiti Nitaanli yeni den fandi ki pugidi o Diedo sanŋoadima nni, ki go fangi o boncianla. U Tienu Fuoma Yua den paagidi li niba pala, ke bi coali pugidi.

LOMA YAABA 5:20

U Tienu bali maama den yuandi ki cua ki teni ke i tagili n yabidi. Ama ti tuonbiadi n den yabidi naankani, U Tienu ŋanbili den yabidi likani ki cie.

1 Korenti 6:20

Moamoani o daa yi leni yaa dunga n pa. Lanwani, yin yaa kpiagidi U Tienu yi gbanandi nni.

2 Korenti 1:20

U Tienu ñoaniani kuli tie: «Mm» o yaa niinni. Li tie wani yaa po ke ti tua: «Amina,» U Tienu kpiagidi po.

Efesa 2:3

Tikuli den kpa tie yeni, ki tiendi nani laa niba n tiendi maama moala, ki ŋua ti gbanandi bonbuakaala, ki tiendi ti gbanandi leni ti yantiana n bua yaala kuli. Bi den mali ti ke ti tie U Tienu pali n be yaaba yaa po, nani bi nisaaliba kuli yeni.

1 Tesaloniki 3:13

O Diedo n yaa paagidi yi pala, ke ti Baa U Tienu n yaa nua ke yi gagidi ki ŋani cain wani U Tienu po, kaa pia ban baa fidi ki kuli yi leni yaala, ti Diedo Jesu n go baa cua leni o nigagidiŋanba kuli yaa yogunu.

1 Tesaloniki 4:7

U Tienu ki den yini ti ke tin yaa ye mi conconma nni ka, ama mi gagidiŋanma nni.

1 Tesaloniki 5:23

Mi yanduanma Tienu, wani o ba n yaa gagidi ki ŋanbidi yi cain yi pala nni, yi yantiana nni leni yi gbanandi nni kuli. Lani n tie yin da pia tagiliba kuli ti Diedo Jesu Kilisiti cuama daali.

Hebilunba 12:23

Yi cua yaaba n tie U Tienu bikpiala, ban diani yaaba yaa yela tanpoli po nitaanli kani, yi cua U Tienu kani, bi niba kuli bujialo kani. Yi cua bi niteginkaaba naani n ye naankani, bani U Tienu n ŋanbi yaaba ke bi dagidi cain kani.

Hebilunba 12:28

Lanwani, kelima ti baa baa yaa diema n kan digibi, tin yaa ye leni i tuondi, ki kpiagidi U Tienu, ki ŋua o leni li fangili leni i jeje, ke li mani o po,

Hebilunba 4:1

Lanwani, hali ke U Tienu n den niani yaa ñoanianu o fuodima nni kuama po da baa ki ye, tin fangi mani ti yula, ke yi siiga ba niyendo n da ti sua ke li pendi.

Hebilunba 6:9

Ama n buakaaba, ba ke ti maadi yeni, ti bani cain ke yi se u sanŋamu nni yaala n tie mi tindima po.

Jaki 4:8

Yin nagini U Tienu kani, omo baa nagini yi kani. Yinba ti tuonbiadi danba, nidi mani yi nii. Ŋanbi mani yi pala, yinba yamilie danba.

1 Pieri 1:15

Ama, nani yua n yini yi n gagidi ki ŋani maama, yimo n gagidi ki yaa ŋani yeni, yi tagi kuli nni.

1 Pieri 1:17

Yi yaa miadi U Tienu ki go yini o yi Baa, wani, waa tiendi gagidima bi niba siiga, ki ja yuakuli buudi nani o tuona n tie maama. Lani yaa po, yin yaa ye leni li fangili o nintuali yin ye ŋanduna nni ki tie canba yaa yogunu bianu kuli.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Pieri 2:11

N buakaaba, n mia ki go tundi yi, yinba yaaba n tie canba leni sancenba ŋanduna nni, ke yin yaa yiedi ki da tiendi yi gbanandi bonbuakaala, yaala n tiendi bu toabu leni yi yantiana.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

1 Jan 1:7

Ama ti yaa cuoni mi yenma nni, Nani U Tienu wani o ba n ye mi yenma nni, Ti pia yanyenma leni tiyaba, O Bijua Jesu soama baa yaa ŋuudi ti pala, Ki ñandi ti po ti tuonbiadi kuli cain.

1 Jan 1:9

Ti yaa tuo ti tuonbiadi, Nani wan tie nidugika ki go tiegi yeni, O baa pa ti ti tuonbiadi sugili, Ki go ŋuudi ki ñani ti biadima kuli cain.

1 Jan 3:3

Yua n pia laa dugidi kuli baa yaa ŋanbidi o yuli, nani wani o Diedo n ŋani maama yeni.