2 Korenti 6:3 - U TIENU MAAMA TILI 2013

³ Tii teni oba n tudi liba kuli nni, ke ti tuonli n da tua ban baa fidi ki sugi yaali.

Gourmanchéma Bible

³ Tii tieni oba n tudi liba kuli nni, ke ti tuonli n da tie ban baa fidi ki sugi yaali.

2 Korenti 6:3 ပူးပေါင်းရင်းမြစ်များ

Matie 17:27

Ama lan baa tieni maama ke ti kan tua bi po tingbali bonla, ŋan gedi mi ñincianma po ki ban lu ki jandiaga, ki dadi ki ñani yaa jamo n baa kpa cua. A yaa yaadi o ñoabu, a baa le li kujapienli. Ŋan taa li ki teni ba, mini leni fini po.»

Matie 18:6

Ama yua mo n baa teni ke yaa bonwaamu n daani nni na siiga ba yendo n tudi kuli, li bi baa yaa ŋani ki cie landaano po ban lani o li naacianli, ki lu o mi ñincianma nni wan mia ki bodi.

Jesu Tondiba Tuona 19:27

Li fidi ke bi niba baa fali ti tuonli na, yaali n tie ti loagu. Laa tie lani bebe ka, li go baa fidi ke ti bupua Artemisi yua n pia ti kpiagiciandi yaa dieli kpiagidi n bodi. Li go baa teni Asi yaaba leni ŋanduna yaaba kuli n jigindi wani yua, yaa jigidi kuli n bodi.»

LOMA YAABA 14:13

Lanwani, tin cedi ki da ja ti lieba buudi. Ama yin jagi mani ki bili ke yi kan tieni yaala n baa tua yi kpiilo po, tantuudikaali bi tingbali bonla.

1 Korenti 9:12

Nitoaba yaa pia u sanu ki baa gaa yi kani ŋanduna bonla, tinba kaa pia ki cie yo? Ama tii den gaa yi kani nani tin pia u sanu ki baa gaa maama. Ti den tuo ki gaa fala buolu kuli ki juuni li po, ke bonliba kuli n da pigini Kilisiti Laabaaliŋamo.

1 Korenti 9:22

N yaa ye yaaba n tadi U Tienu sanŋoadima nni siiga, n tie nani yua n tadi yeni, ki baa gobidi ki cuani ba o Diedo kani. N moandi ki tiendi yeni li bonla kuli nni, ki baa faabi bi nitianba.

2 Korenti 1:12

Tin jigini ti yula yaala yaa po tie ke ti pala siedi doagidi, ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni, yimoko yaa siiga. Tii den pia laa tagiŋamu, kelima o nisaalo yanfuoma po ka, ama kelima U Tienu ŋanbili po.

2 Korenti 8:20

Ti tieni yeni, kelima tii bua ban jaligi ti leni ban piani ti tin cuani yaa todicianma.