2 Korenti 4:7 - U TIENU MAAMA TILI 2013

⁷ Laa bonmoanla, ti kubi la ti tandi tiadi nni, ke lan doagidi ke laa paacianmoanu tie U Tienu yaa paalu yo, ke laa tie ti yaa yu ka.

Gourmanchéma Bible

⁷ Laa bonmoanla, ti kubi la ti tandi tiadi nni, ke lan doagidi ke laa paacianmoanu tie U Tienu yaa paaciamu yo, laa tie ti yaa yu ka.

2 Korenti 4:7 ပူးပေါင်းရင်းမြစ်များ

Jobi 10:9

Tiadi ke a tagi nni leni ku yoagu yo. Naani a bua ki guani nni mi tama nne?

Jobi 33:6

U Tienu nintuali, n tie nani fini yene. Bi tagi nmoko leni ku yoagu yo.

Jobi 4:19

Naani landaano kan le i tagili Bi nisaaliba yaaba n tie ti tandi kani, Bani yaaba yaa gbani kuli n tie tama, Ke bi tadi ki cie a sidibila, Ban baa fidi ki midi yaaba faala po?

Jeremi Bubula 4:2

Siyon dogu yaaba, Yaaba n bi pia li mayuli boncianla, Li gaa lede ke bi ji nua ba nani O maado n maa yaa boba yeni?

Matie 13:44

Tanpoli diema go tie nani yaa ŋalimano n den wuo u kuanu nni yeni. O nilo den piidi o ki guani ki wuoni. Lanwani o pamanli po, o gedi ki ban kuadi wan pia yaala kuli ki daa laa kuanu.

Matie 13:52

O den yedi ba: «Lanwani, li bali maama banda siiga yua n tuo ki gaa yaala n tie tanpoli diema bonla kuli, tie nani yaa diedaano n ñandi o ŋalimano nni li bonpanla leni li bonkpelila kuli.»

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni, yi baa le o falabiado. Ama yin paagi mani yi pala. Mini, n paadi ŋanduna.»

1 Korenti 1:28

O gandi bi nisaaliba n nua yaala ke li tie bonfanla ki fali la ke laa tie puu, ki baa bolini ban nua yaala ke li tie bonmoanla.

2 Korenti 10:10

Bi nitianba maadi n maama ki yieni: «Poli tila pia li mabinli leni u paalu, ama o yaa ye ti siiga wani, o tie tadimo, o maama mo ki pia fuoma.»

2 Korenti 13:4

Moamoani, o den ye leni o tadingu, ban den kpaa o li dapoanpoanli po yaa yogunu. Ama o ye ki fo, kelima U Tienu paalu po. Timoko taani leni o o tadingu nni, ki go baa yaa fo leni o, kelima U Tienu paalu po, tin tiendi yaala yi siiga po.

2 Korenti 4:1

Nani U Tienu n gbadi ti ninñima, ki puogi ti li naa tuonli yeni, ti kan luo papaali.

2 Korenti 5:1

Ti bani ke ti gbanandi yaadi n tie nani li gbandieli, tin ye yaali yaa niinni li ŋandunli nni baa bodi. Li yaa bodi, ti pia li dieli tanpoli po, nisaalo n ki maa yaali. Li tie U Tienu n maa yaali, ke li baa yaa ye hali yaa yogunu kuli.

2 Korenti 6:10

Bi nua ti nani li pabiidili danba, ama ti pia li pamanli yogunu kuli. Bi nua ti nani a luoda, ama ti teni ke niba boncianla tua piada. Bi nua ti nani tii pia puu, ama ti pia li bonla kuli.

Efesa 2:5

Lani yaa po, tin den tie bi tinkpiba kelima ti tagili po, o den guani ki puni ti li miali leni Kilisiti. Li tie o ŋanbili paabu yaa po, ke yi faabi.

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili, ki baa yaa wangi bi nilanba o Laabaaliŋamo, yua n doagidi Kilisiti n pia yaa ŋalimano n yabi hali ke li kandi maama.

Kolosi 1:27

O bua ki teni o nigagidiŋanba n yaa bani o bondoaginkaala, yaala n tie ŋalimani, ki pia ti kpiagidi, ki ye i nibuoli kuli po. Laa bondoaginkaala tie line, Kilisiti ye yi niinni, ki teni ke yi pia ti dugidi, ke yin taani ki baa U Tienu kpiagidi.

Kolosi 2:12

Nani ban den taani ki piini yi leni Kilisiti kelima mi batisima po yeni, yi go fii bi tinkpiba siiga o yaa niinni, ki taani leni o, kelima li dandanli U Tienu yua n den fiini o bi tinkpiba siiga paalu po.

Kolosi 2:3

Mi yanfuoma leni U Tienu bandima ŋalimano kuli wuo wani Kilisiti yaa niinne.

1 Tesaloniki 1:5

Tii den wangi yi o Laabaaliŋamo leni mi maama bebe ka, ama leni U Tienu Fuoma Yua paalu leni ti dugidi o Laabaaliŋamo yeni po. Yi bani tin den ye yi siiga leni yaa tagu buolu kelima ti den bua yi ŋamu.

1 Tesaloniki 4:4

O go bua ke yi siiga yuakuli n kubi o gbanandi mi gagidiŋanma nni leni yaa yema n dagidi nni,

2 Timote 2:20

Li diecianli nni, a kan le yaa tadimu n tie wula leni ŋanjilifa bebe ka, a go baa le yaamu n tie ti daadi leni ti tandi moko. Mu taditianmu ye yaa tuona n pia ti kpiagidi po, mu tianmu mo a tuonfana po.

Bi Bujiaba 7:2

O Diedo den yedi Gedeon: «Yaaba n ye leni a yabi ki kandi leni min baa taa Madiani yaaba ki tieni bi nuu nni. Li fidi Isidayeli yaaba n ti yedi ke bi nuceli n faabi ba, ki kpiagi bi yula, ki ŋaa nni.