2 Korenti 4:6 - U TIENU MAAMA TILI 2013

⁶ U Tienu yua n den yedi: «Mi yenma n yendi li biigili nni,» teni ke mi yenma yendi ti pala nni, ki puni ti U Tienu kpiagidi yaa bandima, yaadi n yendi Kilisiti nunga nni.

Gourmanchéma Bible

⁶ U Tienu yua n den yedi: «Mi yenma n yendi li *biigili nni,» teni ke mi yenma yendi ti pala nni, ki puni ti U Tienu kpiagidi yaa bandima yaadi n yendi Kilisiti nunga nni.

2 Korenti 4:6 ပူးပေါင်းရင်းမြစ်များ

Mi cilima 1:3

U Tienu den yedi: «Mi yenma n yaa ye!» Mi yenma den tieni.

Pisomi 63:2

Fini U Tienu, a tie n Tienu, n lingi a. U ñuñuunu pia nni a po, N gbanu kuli ŋoa a po, Ke n ye yaa tinga n kuodi, Ke u yialu gbadi ga ke kaa pia ñima nni.

Pisomi 74:16

Fini n die u yensiinu leni ku ñiagu. Fini n tagi o ŋmaalo leni u yienu.

Pisomi 90:16

Teni a bontienkaala N doagidi a naacenba po, A jigidi mo n doagidi bi bila po.

Esayi 35:2

U baa puudi bonŋanla, U pali n mangi, Wun yiini i jakoandiyani Leni i pamandanyani. Bi baa pa u Liban kpiagidi, Karimeli leni Saron jigidi. Bi baa le o Diedo kpiagidi Leni ti Tienu jigidi.

Esayi 40:5

Lani, o Diedo kpiagidi baa doagidi Ke pia miali kuli baa taani ki le ti, Kelima o Diedo yaa ñoabu n maadi.»

Esayi 45:7

N tagi mi yenma ki go tagi li biigili. N puuni mi yanduanma Ki go kpendinni mi yebiadima. Mini Li Miali Diedo n tiendi laa bonla kuli.

Esayi 60:2

Diidi, li biigili ŋoagini ki tinga, Li biigicianli mo baa i nibuoli po, Ama o Diedo cua a kani, O kpiagidi mo doagidi a po.

Luki 10:22

Jesu den pugini ki yedi: «N Baa puni nni li bonla kuli bali. Oba kuli ki bani Bijua n tie yua, kali Baa bebe. Oba kuli mo ki bani Baa n tie yua, kali Bijua leni wani Bijua n bua ki doagidi o yua yaa po.»

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga. Ti den laa wani ki Bonjayenyenga yeni, yua n gbie leni li ŋanbili leni i moamoani kpiagidi. O den baa laa kpiagidi Baa kani.

Jan n diani U Tienu Laabaaliŋamo maama 11:40

Jesu den yedi o: «Mii yedi a ke a yaa daani, ke a baa le U Tienu kpiagidi?»

Jan n diani U Tienu Laabaaliŋamo maama 12:41

Esayi den maadi lani kelima o den laa Jesu kpiagidi ki maadi o maama.

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

1 Korenti 12:8

O Fuoma puni niyendo mi yanfuomaama. Mi Fuoyenma yeni go puni nitoa mi bancianma maama.

2 Korenti 2:10

Yin tieni yua yaa po sugili, nmoko tieni o po sugili. Min tieni yaala yaa po sugili, li yaa tie ke n pia min baa tieni yaala yaa po sugili, n tieni la Kilisiti nintuali, kelima yi yaa po,

2 Korenti 3:18

Tinba yaaba yaa nunmu n pigidi, ke bi nua ti niinni o Diedo kpiagidi n ñuliti maama, U Tienu lebidi ti ke ti naani leni wani o Diedo yeni, ki baadi ti kpiagidi ki pugidi pugidi. O Diedo yua n tie mi Fuoma n tiendi lani kuli.

2 Korenti 4:4

bani yaaba n kaa daani po. Sutaani, yua n die ŋanduna na, juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendima.

Efesa 1:17

Ti Diedo Jesu Kilisiti Tienu, wani Baa yua n pia ti kpiagidi kuli, n teni o Fuoma n yendi yi yantiana, ki go doagidi yi po U Tienu, yin bandi o moamoani.

Efesa 1:18

N go miadi o ke wan yendi yi yantiana nuni, ke yin fidi ki bandi yaa suginma n tuugi leni o yiinu leni wan bili o nigagidiŋanba po yaa ŋalimano, ke o pia ti kpiagidi.

Efesa 5:8

Yi den kpa tie li biigili yaaba, ama moala yi tie mi yenma yaaba o Diedo nni. Yi tagi n yaa tie nani mi yenma yaaba yeni.

Filipi 2:6

O den tie U Tienu n tie maama. Ba ke o den tie yenma leni U Tienu, Waa den sua ke li tie wan baa fie yaala leni u paalu.

Kolosi 1:15

Wani Kilisiti n tie U Tienu, Tin kaa fidi ki nua yua yaa nannanli, Ki go tie o Bijakpiaga, Yua n den ye hali ke bonliba kuli daa tagi.

1 Tesaloniki 2:12

Ti den tundi yi, ki paagidi yi pala, ki go tigini yi ke yin yaa cuoni maama n dagidi U Tienu po, wani yua n yini yi ke yin yaa taa leni o o diema nni leni o kpiagidi nni kuli.

Hebilunba 1:3

Wani Bijua yeni n yadi U Tienu kpiagidi yenma. U Tienu n tie maama, o Bijua moko tie yene cain. O go kubi mi tagima kuli ke mi ye kelima o maama paalu po. Wan den soani ti tuonbiadi ŋuudiñanma tuonli ki dudi, o den kali hali tanpolijoma, U Tienu yua n pia ti kpiagidi jienu po.

Hebilunba 6:4

Yaaba n den baa ke U Tienu yendi ba yenma, ke bi leni yaa paabu n ñani tanpoli po, ki taani leni yaaba n baa U Tienu Fuoma Yua,

1 Pieri 1:12

U Tienu den doagidi ki waani ba ke ban soagindi yaa maama yeni, naa tie bani bi ba po ka, ama yinba yaa po. Moala yi gbadi laa bonla maama yaaba n wangi yi o Laabaaliŋamo kani. Bi den baa o U Tienu Fuoma Yua paalu, U Tienu n soani yua ke o ñani tanpoli po ki cua ŋanduna nni, ki wangi yi la. Ba malekinba bua hali boncianla ki diegi ki bandi laa bonla n tie yaala.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

2 Pieri 1:19

Lanwani, ti dugi ke bi saawalipuaba maama tie moamoani cain. Li pundi yin fangi laa maama bonŋanla. Mi tie nani yaa fidisanga n yendi yaa kaanu n biigi nni yeni, hali lan baa faa mi yenma n yendi, ki tiŋaaŋmabiga mo n pudi yi pala nni.