2 Korenti 4:4 - U TIENU MAAMA TILI 2013

⁴ bani yaaba n kaa daani po. Sutaani, yua n die ŋanduna na, juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendima.

Gourmanchéma Bible

⁴ bani yaaba n kaa daani po. Sutaani, yua n die ŋanduna, na juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendi.

2 Korenti 4:4 ပူးပေါင်းရင်းမြစ်များ

1 Bi Badiba 22:22

O den guani ki yedi o: ‹N baa tua i boandi ciciliga bi saawalipuaba kuli ñoana nni.› O Diedo den yedi: ‹A baa boandi o, a baa fidi mo. Gedi ki ban tieni yeni.› »

Pisomi 50:2

Siyon dogu, yuu n ŋani hali boncianla, U Tienu yendi Siyon dogu Yuu yaa ŋamu n ki pia lie.

Esayi 6:10

Teni bi naa niba pala n juagi, Biini bi tuba Ki pigini bi nuni. Lani n tie ban da le leni bi nuni, Ki da gbadi leni bi tuba, Bi pala n da gaa liba. Lani n tie ban da lebidi bi pala, Min paagi ba.

Matie 13:22

Yii n den baa ti konkondi nni, tie yua n gbadi U Tienu maama, ama ŋanduna yema yanyagidi leni ŋalimani boandi kuli dini ma, ki teni ke maa luoni puu.

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga. Ti den laa wani ki Bonjayenyenga yeni, yua n gbie leni li ŋanbili leni i moamoani kpiagidi. O den baa laa kpiagidi Baa kani.

Jan n diani U Tienu Laabaaliŋamo maama 1:18

Oba kuli daa laa U Tienu. Ama ki Bonjayenyenga, yua n tie U Tienu ki ye Baa kani yogunu kuli, n teni ke ti bandi o.

Jan n diani U Tienu Laabaaliŋamo maama 12:31

Moala ŋanduna buudi baa jia ki kadi. Moala, bi baa deli ki ñani ŋanduna bado.

Jan n diani U Tienu Laabaaliŋamo maama 12:35

Jesu den guani ki yedi ba: «Mi yenma da baa yaa ye yi siiga u yogunu waamu po. Yin yaa cuoni mani hali yin pia mi yenma yaa yogunu kuli, ke li biigili n da ludi yi. Yua n cuoni li biigili nni naa bani wan caa naani.

Jan n diani U Tienu Laabaaliŋamo maama 12:40

«U Tienu juani bi nuni, Ki juagi bi pala, Ke ban da le leni bi nuni, Ki da gaa leni bi pala, Ke ban da ti lebidi ki ŋaa bi tuonbiadi, Min paagi ba.»

Jan n diani U Tienu Laabaaliŋamo maama 12:45

Yua n nua nni, laa yua n soani nni.

Jan n diani U Tienu Laabaaliŋamo maama 14:30

N kan go maadi leni yi boncianla, kelima ŋanduna bado kpendi. Waa pia n po baliba kuli.

Jan n diani U Tienu Laabaaliŋamo maama 15:24

N yàá den soani bi siiga nitoa kuli n daa soani yaa tuona, bi kan bi yaa pia tuonbiadi. Moala, bi laa laa tuona ki nani mini leni n Baa kuli.

Jan n diani U Tienu Laabaaliŋamo maama 16:11

Ti buudi po mo, kelima U Tienu jia leni ŋanduna bado buudi no.

Jan n diani U Tienu Laabaaliŋamo maama 8:12

Jesu go den yedi bi niba: «Mini n tie ŋanduna yenma, yua n ŋua nni kuli, kan go cuoni li biigili nni, ama o baa baa li miali yenma.»

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

Jesu Tondiba Tuona 26:23

Lani n tie ke U Tienu n Gandi Yua baa le fala tiladi, ki tua U Tienu n kpia fiini yua bi tinkpiba siiga. O ba yaa wangi Jufinba leni bi nilanba kuli mi yenma maama.»

1 Korenti 10:20

N bua ki yedi ke yaaba n padi i buli yeni, padi mu cicibiadimu po yo, baa padi U Tienu po ka. Mii bua ke yin yaa pia ŋantaadoba leni mu cicibiadimu.

2 Korenti 2:11

ke Sutaani n da ti fidi ti, kelima ti bani o jagibiada po.

2 Korenti 2:12

Min den pundi Troasi dogu nni Kilisiti Laabaaliŋamo po, ba ke o Diedo den luodi n po u sanu likani po,

2 Korenti 3:11

Yaala n den tie bonpendikaala yaa den pia ti kpiagidi yeni, yaala n ye ki kan pendi abada baa yaa pia ti kpiagidi boncianla ki cie.

2 Korenti 3:14

Ama bi yama den pii. Hali dinla, bi yaa cogi o Ŋantaadikpelo Diani, laa cabili baa ki ye. Li kan pigidi, li yàá tie Kilisiti nni bebe yaa ka.

2 Korenti 3:18

Tinba yaaba yaa nunmu n pigidi, ke bi nua ti niinni o Diedo kpiagidi n ñuliti maama, U Tienu lebidi ti ke ti naani leni wani o Diedo yeni, ki baadi ti kpiagidi ki pugidi pugidi. O Diedo yua n tie mi Fuoma n tiendi lani kuli.

2 Korenti 4:6

U Tienu yua n den yedi: «Mi yenma n yendi li biigili nni,» teni ke mi yenma yendi ti pala nni, ki puni ti U Tienu kpiagidi yaa bandima, yaadi n yendi Kilisiti nunga nni.

Galati 1:4

Wani Jesu Kilisiti n den puni o yuli ti tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima.

Efesa 2:2

Lanyogunu yi den ŋua ŋanduna na yema sanbiadu leni mi fawaama nni paaciami bado, yua yaa yantiali n tuuni moala U Tienu yiekaaba pala nni.

Efesa 6:12

Tii koani leni yaa yibalinba n pia ti gbanandi leni mi soama ka. Ama ti koani leni li bali danba, i paaciami danba leni yaaba n die li biigili ŋandunli, ki tie yaa cicibiadimu n ye mi fawaama nni.

Filipi 2:6

O den tie U Tienu n tie maama. Ba ke o den tie yenma leni U Tienu, Waa den sua ke li tie wan baa fie yaala leni u paalu.

Kolosi 1:15

Wani Kilisiti n tie U Tienu, Tin kaa fidi ki nua yua yaa nannanli, Ki go tie o Bijakpiaga, Yua n den ye hali ke bonliba kuli daa tagi.

Kolosi 1:27

O bua ki teni o nigagidiŋanba n yaa bani o bondoaginkaala, yaala n tie ŋalimani, ki pia ti kpiagidi, ki ye i nibuoli kuli po. Laa bondoaginkaala tie line, Kilisiti ye yi niinni, ki teni ke yi pia ti dugidi, ke yin taani ki baa U Tienu kpiagidi.

1 Timote 1:11

Laa bangiŋanma ŋua o Laabaaliŋamo, U Tienu yua n pundi ki yaa baadi ti kpiagidi ki go pia mi yemanmoanma n piani nni yua.

Titi 2:13

ki go guu tin sugini yaala ke li pia li pamancianli yeni. Lani n tie ti Tienu, yua n tie Tienciamu leni ti Candaano Jesu Kilisiti kpiagidi doagidima.

Hebilunba 1:3

Wani Bijua yeni n yadi U Tienu kpiagidi yenma. U Tienu n tie maama, o Bijua moko tie yene cain. O go kubi mi tagima kuli ke mi ye kelima o maama paalu po. Wan den soani ti tuonbiadi ŋuudiñanma tuonli ki dudi, o den kali hali tanpolijoma, U Tienu yua n pia ti kpiagidi jienu po.

Hebilunba 6:4

Yaaba n den baa ke U Tienu yendi ba yenma, ke bi leni yaa paabu n ñani tanpoli po, ki taani leni yaaba n baa U Tienu Fuoma Yua,

2 Pieri 1:19

Lanwani, ti dugi ke bi saawalipuaba maama tie moamoani cain. Li pundi yin fangi laa maama bonŋanla. Mi tie nani yaa fidisanga n yendi yaa kaanu n biigi nni yeni, hali lan baa faa mi yenma n yendi, ki tiŋaaŋmabiga mo n pudi yi pala nni.

1 Jan 2:11

Ama yua n nani o kpiilo ye li biigili nni. O cuoni li biigili nni, kaa bani wan caa naankani, kelima li biigili teni ke o joa.

1 Jan 2:8

Ba yeni, n diani yi po li bali mapanma, yaama n doagidi Kilisiti niinni leni yi yaa niinni, kelima li biigili pendi, ke mi yenmoanma mo yendi.

1 Jan 5:19

Ti bani ke ti tie U Tienu yaaba, ki go bani ke o Biado diedi ŋanduna kuli.