2 Korenti 4:3 - U TIENU MAAMA TILI 2013

³ Tin wangi yaa Laabaaliŋamo yaa baa ki duagi, o duagi yaaba n bodi yaa po,

Gourmanchéma Bible

³ Tin wangi yaa Laabaaliŋamo yaa baa duagi, o duagi yaaba n bodi yaa po,

2 Korenti 4:3 ပူးပေါင်းရင်းမြစ်များ

Matie 11:25

Lanyogunu Jesu den jaandi ki yedi: «N Baa, fini yua n tie tanpoli leni ki tinga kuli Diedo, n pagi a kelima a doagini li naa bonla bi yanfuodanba leni bi nunfandanba kuli po, ki doagidi la yaaba n tie a biwaala po.

LOMA YAABA 2:16

Lani n baa doagidi, U Tienu n baa teni Jesu Kilisiti n jia bi nisaaliba n wuoni yaala kuli buudi yaa daali. Min wangi yaa Laabaaliŋamo moko yedi ke li baa yaa tie yeni.

1 Korenti 1:18

Li dapoanpoanli yaa mawangima tie yanluoma yaaba n baa bodi po. Ama tinba yaaba n tindi po, li tie U Tienu paalu.

1 Korenti 2:6

Min bangi yaala, tie yanfuoma bangima yo Kilisiti niba yaaba n kpeligi li dandanli nni po. Laa yanfuoma naa tie o naa jamaano yaama ka, laa tie ŋanduna bali danba yaaba n ye mi bodima sanu nni yanfuoma mo ka.

2 Korenti 2:12

Min den pundi Troasi dogu nni Kilisiti Laabaaliŋamo po, ba ke o Diedo den luodi n po u sanu likani po,

2 Korenti 3:14

Ama bi yama den pii. Hali dinla, bi yaa cogi o Ŋantaadikpelo Diani, laa cabili baa ki ye. Li kan pigidi, li yàá tie Kilisiti nni bebe yaa ka.

2 Korenti 4:4

bani yaaba n kaa daani po. Sutaani, yua n die ŋanduna na, juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendima.

1 Tesaloniki 1:5

Tii den wangi yi o Laabaaliŋamo leni mi maama bebe ka, ama leni U Tienu Fuoma Yua paalu leni ti dugidi o Laabaaliŋamo yeni po. Yi bani tin den ye yi siiga leni yaa tagu buolu kelima ti den bua yi ŋamu.

1 Timote 1:11

Laa bangiŋanma ŋua o Laabaaliŋamo, U Tienu yua n pundi ki yaa baadi ti kpiagidi ki go pia mi yemanmoanma n piani nni yua.