2 Korenti 3:8 - U TIENU MAAMA TILI 2013

⁸ laa pia kuli tama ke U Tienu Fuoma n soani yaa tuonli baa yaa pia ti kpiagidi ki cie.

Gourmanchéma Bible

⁸ laa pia kuli tama ke U Tienu Fuoma n soani yaa tuonli baa pia ti kpiagidi ki cie.

2 Korenti 3:8 ပူးပေါင်းရင်းမြစ်များ

Esayi 11:2

O Diedo Fuoma baa yaa ye o po. Mi yama leni mi yanfuoma Fuoma baa yaa ye o po, I tundi leni mi jama Fuoma baa yaa ye o po, Mi bandima leni o Diedo fangili Fuoma baa yaa ye o po.

Esayi 44:3

N baa wuli mi ñima ki tinkuonga po, Ki tieni i fuani yaa tinga n kuodi nni. N baa yadi n Fuoma yi puoliŋuani po, Ki go maani n seli yi madi kuli po.

Esayi 59:21

O Diedo yedi: «Diidi, mini wani n baa kuani Yaa ŋantaado leni ba: N Fuoma yaama n ye a po Leni n maama min kuani yaama A ñoabu nni yeni, kan ña a ñoabu nni, Bi a bila ñoana nni, bi a yaabila ñoana nni.» O Diedo n yedi yeni, Moala leni yaa yogunu kuli po.

Jan n diani U Tienu Laabaaliŋamo maama 1:17

Musa den cuani li bali maama, ama li ŋanbili leni i moamoani cua kelima Jesu Kilisiti yaa po.

Jan n diani U Tienu Laabaaliŋamo maama 7:39

Jesu n den maadi yeni, o den maadi U Tienu Fuoma yaa maame, yaa niba n tuo ki daani wani Jesu n baa baa yua. U Tienu daa den puni ba o Fuoma yeni, kelima Jesu daa baa o kpiagidi.

1 Korenti 3:16

Yii bani ke yi tie U Tienu diegu ke o Fuoma ye yi niinni yo?

2 Korenti 11:4

Niloba yaa cua yi kani ki wangi yi Jesutoa, tin kaa waani yi yua, bi yantiatoali, yin ki den kpa baa U Tienu Fuoma kani yaali, bi ki ŋua yaa laabaaliŋamo n ki taa leni yin den kpa ŋua yua, yi yen juuni ki tuo ki gaa lani kuli bonŋanla.

2 Korenti 3:17

Nekanba lan yedi o Diedo yeni, li bagi mi Fuome. O Diedo Fuoma n ye naani mo, mi faabima mo ye lankane.

2 Korenti 3:6

Wani n teni ke ti dagidi ki tua o Ŋantaadipaano tuonsoanba ke laa ŋua leni ban den diani yaa bali maama, ama ke li ŋua leni U Tienu Fuoma. Ban den diani yaa bali maama kpendinni mi kuuma, ama mi Fuoma puuni li miali.

2 Korenti 3:7

Lanwani, li yaa tie ke ban den diani yaa bali maama mu tanpabimu po, mani yaama n kpendinni mi kuuma yaa den pia ti kpiagidi, hali yaala ke Isidayeli yaaba kan den fidi ki diidi Musa nunga, kelima laa kpiagidi yaadi n baa pendi yeni, n ñuliti maama po,

2 Korenti 3:9

Li yaa tie ke ti buudi cuonu tuona den pia laa kpiagidi, laa pia kuli tama ke li moamoansaali yaa tuonli baa yaa pia ti kpiagidi hali boncianla ki cie.

Galati 3:14

Li den tua yeni ke bi nilanba n baa Abalahama seli kelima Jesu Kilisiti yaa po, ke tikuli n baa U Tienu n den niani ti yaala kelima li dandanli yaa po. Lani n tie o Fuoma.

Galati 5:5

Ama tinba, li tie li dandanli leni U Tienu Fuoma paalu po yo ke ti guu ki daani ke ti baa li moamoansaali.

Efesa 2:18

Wani yaa po, tikuli pia u sanu ki baa fidi ki pundi Baa kani, Fuoyenma nni.

2 Tesaloniki 2:13

Ti kpiiba, o Diedo buakaaba, li pundi tin yaa tuondi U Tienu yi po yogunu kuli. O den gandi yi hali mi cilima mi tindima po, kelima o Fuoma yaama n gagidi ki ŋanbidi po leni li dandanli i moamoani nni yaa po.

1 Pieri 1:2

U Tienu yua n tie Baa den gandi yi, nani wan den tuodi ki bani ki jagi maama, ki teni ke o Fuoma gagidi ki ŋanbi yi, ke yin yaa tuodi ki tiendi Jesu Kilisiti n yedi yaala, o soama mo n mii ki ŋanbi yi. Li ŋanbili leni mi yanduanma n yaa pugidi yi po boncianla.