2 Korenti 3:1 - U TIENU MAAMA TILI 2013

¹ Naani ti didi go baa cili ki yaa tiendi ti yula po siedi? Bi ti baa bua yi kani, yaa tila n baa tieni ti po siedi, nani nitianba n tiendi maama? Bi ti baa mia yinba n diani ti po laa tila?

Gourmanchéma Bible

¹ Naani ti didi go baa cili ki yaa tiendi ti yula po siedi bi? Bi ti baa bua nani nitianba n tiendi maama yaa tila n baa tieni tipo siedi yi yaa kani, bi ki mia yinba n diani tipo laa tila?

2 Korenti 3:1 ပူးပေါင်းရင်းမြစ်များ

Jesu Tondiba Tuona 18:27

Wan den bua ki gedi Akayi diema nni, o kpiiba yaaba n ye Efesi den waani o ke wan moandi. Bi go den diani li tili bi ŋoadikaaba yaaba n ye Akayi po, ke ban gaa o cangu bonŋanla. Apolosi n den pundi Akayi, o den todi yaaba n tuo ki daani Jesu hali boncianla, kelima U Tienu ŋanbili po.

LOMA YAABA 16:1

N bua ki waani yi ke ti kpiilo Febe, Kilisiti Nitaanli Sankile dogu nni todika, tie yin baa fidi ki dugi yua yaa po.

1 Korenti 10:33

Nmoko moandi ki tiendi yeni, ki baa dagidi leni bi niba kuli, min tiendi yaala kuli nni. Mii tiendi yeni ki bua ki lingi n yuceli ŋamu ka, n lingi yaaba n yabi yaa ŋamu yo, ke ban baa ki tindi.

1 Korenti 16:3

N yaa cua, n baa diani a tila Jerusalemi yaaba po, ki teni yin gandi yaa nidugikaaba, ki soani ba ban gedini yi paabu Jerusalemi.

1 Korenti 3:10

Nani U Tienu n puni nni yaa ŋanbili po, n den puu li tanpuuli nani o diemaa-yanfuodaano yeni, ke nitoa mo ŋuandi lipo. Die yuakuli n fangi o yuli leni wan ŋuandi lipo maama.

1 Korenti 4:15

Lanwani, ba yi yaa pia gobidikaaba tuda piiga (10 000) Kilisiti nni, yii pia baanba wani boncianla. Mini n den mali yi Jesu Kilisiti nni, min den cuani yi po o Laabaaliŋamo yaa yogunu.

2 Korenti 10:12

Ti kan tuo ki biigi ti yula ki dagini leni bi nitianba, yaaba n pagi bi yula. Bi tie yanluodanba leni ban biigidi bi yula leni bani bi ba yaa bonbiigikaala.

2 Korenti 10:18

Laa tie yaa nilo n tieni o yuli siedi ka, baa baa o Diedo n saa o po i moamoani. Ama o Diedo n tieni yua yaa po siedi n baa baa wan saa o po i moamoani.

2 Korenti 10:8

O Diedo den dini nni li bali, ke min todi yi yin suagi liiga o sanŋoadima nni, laa tie ke min guli yi ka. Ba ke n mangi n pali laa bali po ki pendi waamu, fe ki pia nni li po.

2 Korenti 12:11

Min kpiagi n yuli yeni, n tua nani o yanluodaano, ama yinba n teni ke n tua yeni, kelima li bi pundi yinbe n tieni n po siedi. Yaa tondiba n nua ke bi tie tondicianba yeni naa cie nni ba waamu, ba ke mii tie puu.

2 Korenti 12:19

Hali yogu yi tama ke ti bua ki saa ti yula po i moamoani yi kani bi? Ama li tie Kilisiti nni leni U Tienu nintuali, ke ti maadi. N buakaaba, tin maadi yaala yeni kuli tie ki baa todi yi, yin suagi liiga li dandanli nni.

2 Korenti 2:17

Tii tie nani bi niba boncianla, yaaba n lebidi U Tienu maama, ke man tua baali bi po. Ama tinba, ti maadi U Tienu po leni li payenli, wani U Tienu nintuali, Kilisiti nni.

2 Korenti 5:12

Tii didi tieni ti yula siedi yi kani ka. Ama ti puni yi u sanu, ke yin yaa mangidi yi pala kelima ti po. Lani n tie yin fidi ki guani bi nitianba yaaba n pagi bi yula leni ban nua o nilo maama po. Baa faami ki diidi yaala n ye o nisaalo pali nni.