2 Korenti 2:3 - U TIENU MAAMA TILI 2013

³ N den diani yi po yeni, kelima mii den bua ki baa li pabiidili yinba yaaba n mangidi n pali yaa kani. N dugi yi po ke n pamanli tie yikuli yaa pamanli.

Gourmanchéma Bible

³ N den diani yipo yeni kelima mii den bua ki baa li pabiidili yinba yaaba n baa mangidi n pali yaa kani. Kelima n dugi yipo ke n pamanli tie yikuli yaa pamanli.

2 Korenti 2:3 ပူးပေါင်းရင်းမြစ်များ

1 Korenti 4:21

Yi bua be? Min cua yi kani leni u fibu bi? Bi min cua leni mi buama leni li padingile?

2 Korenti 1:15

Min den bani cain ke li baa yaa tie yeni, n den jagi ke n baa kpa gedi yi kani, ke yin baa li ŋanbili ki pugini.

2 Korenti 1:23

U Tienu tie n siedo. Li yaa tie ke n pua faama, wan taa n miali. Min den lebidi n jagili kaa cua Korenti yeni, tie ke mii bua ki cuani yi po pabiidile.

2 Korenti 12:11

Min kpiagi n yuli yeni, n tua nani o yanluodaano, ama yinba n teni ke n tua yeni, kelima li bi pundi yinbe n tieni n po siedi. Yaa tondiba n nua ke bi tie tondicianba yeni naa cie nni ba waamu, ba ke mii tie puu.

2 Korenti 12:21

N jie ke n yaa cua, n Tienu baa miidi nni yi siiga. N jie ke n baa buudi kelima tianba po, bani yaaba n den kpa tieni ti tuonbiadi ki naa lebidi bi pala ki ŋaa ban den kubi ki tiendi yaa joagindi leni yaa conconma leni yaa cagindi kuli yeni.

2 Korenti 13:10

Li tie lani yaa po ke n diani yi po laa maama kuli min ki ye yi kani yaa yogunu, ke n yaa ti cua yi kani, min da mabini yi leni o Diedo n dini nni yaa bali yaala n tie yi ŋamu po, kaa tie yi tingbali po.

2 Korenti 2:9

Min den diani yi po yeni, li tie ke n den bua ki biigi yi, ki bandi yi yaa baa tuo ki yaa tiendi min yedi yaala kuli.

2 Korenti 7:12

Lanwani, ba ke n den diani yi po li tili yeni, laa tie yua n tudi yaa po, laa tie wan den tudi yua yaa po mo. Ama li tie ke yin puni yi yula ti po maama n doagidi yi siiga, U Tienu nintuali.

2 Korenti 7:16

N pali mani ke n baa fidi ki dugi yi po li bonla kuli nni.

2 Korenti 7:6

Ama U Tienu, yua n baagidi yaaba n ye fala nni, den baagi ti leni Titi cuama.

2 Korenti 7:8

Ba ke n den biidi yi pala leni min den diani yi po yaa tili, mii mua ke n yàá den diani li. Ba n yaa den mua lipo, li tie ke n laa ke laa tili den biidi yi pala u yogunu waamu po yo.

2 Korenti 8:22

Ti go soani nitoa leni ba. Omoko tie ti kpiilo, tin biigi yua i yogini boncianla, ki sua ke o pia li yankuali. Moala o yankuali go yabidi, kelima wan pia yi po yaa dugiciandi yaa po.

Galati 5:10

Mini yaa po, n pia yi po ti dugidi o Diedo nni, ke yi kan tuo ki tia bontoala po. Ama yua n lengidi yi yama, wan tie yua kuli, U Tienu baa bu ki cuo o.

2 Tesaloniki 3:4

Ti pia yi po laa dugidi o Diedo nni, ke yi tiendi ki go baa yaa tiendi tin den puogi yi yaala kuli.

Filemon 1:21

Min diani lani kuli yeni, n dugi a po ke a baa tuo ki tieni min yedi yaala, ki go bani ke a baa tieni, ba ki cie min yedi yaala.