2 Korenti 13:9 - U TIENU MAAMA TILI 2013

⁹ Ti mangidi ti pala tin tadi ke yimo pa yaa yogunu. Tin miadi yaala ti jaandi nni tie ke yin ŋanbi ki dagidi cain.

Gourmanchéma Bible

⁹ Ti mangidi ti pala tin tadi ke yi mo pa yaa yogunu. Tin miadi yaala ti jaandi nni tie ke yin ŋanbi ki dagidi cain.

2 Korenti 13:9 ပူးပေါင်းရင်းမြစ်များ

LOMA YAABA 15:2

Li pundi ke ti siiga yendo yendo kuli, n yaa tiendi yaala n baa yaa mani o lielo po, ki tiendi o po yaala n baa todi o, wan suagi liiga U Tienu sanŋoadima nni.

1 Korenti 1:10

N kpiiba, n mia yi ki go tundi yi, kelima ti Diedo Jesu Kilisiti yeli po, ke yikuli n yaa mani leni yiyaba, ke paadimiba kuli n da ye yi siiga. Lani n tie yin yaa taa yenma yi yantiana leni yi jaga kuli nni.

1 Korenti 2:3

N den ye yi siiga leni ku tadingu ki digibi kelima ti jawaandi po.

1 Korenti 4:10

Tinba, ti tie yanluodanba kelima wani Kilisiti po. Ama yinba wani tie yanfuodanba Kilisiti nni. Ti tadi, ama yinba wani pa. Bi kpiagi yinba, ama bi yuandi tinba.

2 Korenti 11:30

Li yaa tie tiladi min kpiagi n yuli, n baa kpiagi li kelima n tadingu po.

2 Korenti 13:11

N kpiiba, n majuodikaama tie mine: Yin yaa mangidi mani yi pala. Moandi mani ki ŋanbi ki dagidi cain, baagi mani yiyaba, ki yaa pia mani yantiayenli, ki yaa mani leni yiyaba. Lanwani, mi buama leni mi yanduanma Tienu baa ye leni yi.

2 Korenti 13:4

Moamoani, o den ye leni o tadingu, ban den kpaa o li dapoanpoanli po yaa yogunu. Ama o ye ki fo, kelima U Tienu paalu po. Timoko taani leni o o tadingu nni, ki go baa yaa fo leni o, kelima U Tienu paalu po, tin tiendi yaala yi siiga po.

2 Korenti 4:12

Lanwani, mi kuuma tuuni ti niinni, ama li miali n tuuni yi yaa niinni.

2 Korenti 7:1

N buakaaba, kelima tin pia laa ñoaniani yeni, tin yaa ŋanbidi mani ti yula. Tin yaa ñandi ti gbanandi leni ti yantiali kuli joagindi. Tin yaa tiendi ania ki suagi liiga leni mi gagidiŋanma, hali ki pundi li bianu U Tienu fangili nni.

Kolosi 1:28

Ti tuodi ki wangi nilo kuli wani yaa maame, ki go bangi laa maama leni mi yanfuoma, ki bua ki cuani nilo kuli U Tienu kani, ke o dagidi cain Kilisiti nni.

Kolosi 4:12

Epafrasi yua n tie yi siiga yua, ki go tie Jesu Kilisiti naacemo moko fuondi yi. O moa yi po yogunu kuli o jaandi nni, ki miadi yi po, ke yin yaa tie yaaba n dagidi cain, ki bani U Tienu n bua yaala, ki yaa se ke li pa U Tienu sanŋoadima nni.

1 Tesaloniki 3:10

U yensiinu leni ku ñiagu kuli, ti miadi o leni ti pala kuli, wan tuo tin go le yi nunmu, ki yaa todi yi ke yin baa ki biini yaala n poadi yi dandanli nni.

2 Timote 3:17

Lani n tie U Tienu nilo n ŋanbi cain, ki bogini ki fidi ki yaa tiendi a tuonŋama kuli.

Hebilunba 12:23

Yi cua yaaba n tie U Tienu bikpiala, ban diani yaaba yaa yela tanpoli po nitaanli kani, yi cua U Tienu kani, bi niba kuli bujialo kani. Yi cua bi niteginkaaba naani n ye naankani, bani U Tienu n ŋanbi yaaba ke bi dagidi cain kani.

Hebilunba 13:21

Wani U Tienu n teni yin fidi ki yaa tiendi yaala n ŋani, ki go ŋua o yanbuama kuli. Wan teni Jesu Kilisiti n yaa tuuni ti niinni yaala n mani o po kuli. Wani Kilisiti n yaa baadi ti kpiagidi hali yaa yogunu kuli. Amina!

Hebilunba 6:1

Lanwani, tin cedi Kilisiti maama bangicilikaama, ki suagi ki pundi yaa bangima n tie yaaba n kpedi ki dagidi yaa po. Tin da go puu yaa tanpuupanli n tie: Ki lebidi ki ŋaa yaa tuona n baa cuani mi kuuma leni li dandanli U Tienu po,

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.