2 Korenti 13:4 - U TIENU MAAMA TILI 2013

⁴ Moamoani, o den ye leni o tadingu, ban den kpaa o li dapoanpoanli po yaa yogunu. Ama o ye ki fo, kelima U Tienu paalu po. Timoko taani leni o o tadingu nni, ki go baa yaa fo leni o, kelima U Tienu paalu po, tin tiendi yaala yi siiga po.

Gourmanchéma Bible

⁴ Moamoani o den ye leni o tadingu ban den kpaa o li*dapoanpoanli po yaa yogunu. Ama o ye ki fo kelima U Tienu paaciamu po. Ti moko taani leni o o tadingu nni, ki go baa fo leni o kelima U Tienu paaciamu po tin tiendi yaala yi siiga po.

2 Korenti 13:4 ပူးပေါင်းရင်းမြစ်များ

Jan n diani U Tienu Laabaaliŋamo maama 10:18

Oba kuli kan fie nni li, n puni li n yama po yo. N pia li bali ki pa li, ki go pia li bali ki gaa li. Lani n tie n Baa n den teni nni yaa ñoamabonli.»

Jesu Tondiba Tuona 2:36

Pieli go den yedi: «Lani yaa po, yinba Isidayeli yaaba kuli, bandi mani bonŋanla ke U Tienu teni ke Jesu, yin den joani yua li dapoanpoanli po, tie o Diedo leni U Tienu n Gandi Yua.»

Jesu Tondiba Tuona 3:16

Li tie li dandanli wani Jesu yeli nni n teni ke yaa joa n tie ne, yin nua ki go bani yua, paagi kelima Jesu yeli po. Li tie li dandanli wani Jesu po n teni ke o joa na paagi cain yikuli nintuali.

LOMA YAABA 1:4

Ama li doagidi leni U Tienu Fuoma Yua paalu po, ke o tie U Tienu Bijua, kelima o fiima bi tinkpiba siiga yaa po. Wani n tie ti Diedo Jesu Kilisiti.

LOMA YAABA 14:9

Kilisiti den kpe ki go faadi ki ye, ki baa yaa die yaaba n ye leni yaaba n kpe kuli.

LOMA YAABA 6:4

Lanwani, tin den batisi yeni, bi den taani ki piini ti leni o o kuuma nni. Nani ti Baa U Tienu kpiagidi paalu n den teni ke Kilisiti fii bi tinkpiba siiga maama, o baa teni timoko n yaa ye leni li miapanli yene.

1 Korenti 1:25

U Tienu yanluoma fani ki cie bi niba yanfuoma, U Tienu tadingu mo pa ki cie bi nisaaliba yaa paalu.

1 Korenti 15:43

Bi buli ti ke ti gundi, ama ti baa guani ki fii ki pia ti kpiagidi. Bi buli ti ke ti tadi, ama ti baa guani ki fii ki pia u fidu.

1 Korenti 2:3

N den ye yi siiga leni ku tadingu ki digibi kelima ti jawaandi po.

1 Korenti 6:14

U Tienu, yua n den fiini o Diedo bi tinkpiba siiga, o go baa fiini timo, kelima o paalu yaa po.

2 Korenti 10:10

Bi nitianba maadi n maama ki yieni: «Poli tila pia li mabinli leni u paalu, ama o yaa ye ti siiga wani, o tie tadimo, o maama mo ki pia fuoma.»

2 Korenti 12:10

Lani yaa po yo, ke n mangidi n pali leni ku tadingu, ti sugidi, mi luoma leni bi niba n faligidi nni ki mabindi nni, kelima Kilisiti po. Yaa yogunu ke n tadi, lanyogunu yo ke n pa.

2 Korenti 13:9

Ti mangidi ti pala tin tadi ke yimo pa yaa yogunu. Tin miadi yaala ti jaandi nni tie ke yin ŋanbi ki dagidi cain.

Filipi 3:10

Min bua yaala tie min bandi wani Kilisiti leni o fiima bi tinkpiba siiga paalu. Min go bua yaala tie, ki taani leni o o fala nni, ki yaa naani leni o o kuuma nni.

Hebilunba 5:7

Wani, wan den tie nisaalo ki ye o gbanandi nni yaa yogunu, o den miadi U Tienu yua n baa fidi ki faabi o leni mi kuuma, i tantani leni ti nunsiidi nni. U Tienu den gbadi o miabu, kelima o den fangi wani U Tienu.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.

1 Pieri 3:22

Jesu doni tanpoli ki ye U Tienu jienu, ki die malekinba, li bali danba leni tanpoli paaciami danba kuli.