2 Korenti 11:3 - U TIENU MAAMA TILI 2013

³ Ama n jie, nani o wa n den boandi Awa leni o nunfanbiadibu maama, ke ban da ti biidi yi yantiana, yin yaadi ki ŋaa Kilisiti, yin bua yua leni payenli yeni.

Gourmanchéma Bible

³ Ama n jie ke nani o wa n den boandi Awa leni o nunfanbiadibu maama, ke ban da ti biidi yi yantiana yin yaadi ki ŋa Kilisiti, yin bua yua leni payenli yeni.

2 Korenti 11:3 ပူးပေါင်းရင်းမြစ်များ

Mi cilima 3:1

U Tienu n den tagi yaa moayandi kuli siiga, o wa n den fani ki cie bikuli. O wa yeni den yedi o pua: «Naani li li tie moamoane ke o Diedo yedi: ‹Yin da ŋmani u koaŋamu tiidi bonluonkaala kuli?› »

Mi cilima 3:13

Li Miali Diedo U Tienu den yedi o pua: «Be yaa po yo ke a tieni line?» O pua den yedi: «O wa n boandi nni, ke n ŋmani.»

Mi cilima 3:20

Adama den yini o pua yeli Awa, kelima o den tie mialifo kuli naa.

Mi cilima 3:4

O wa den yedi o pua: «Yi kan kpe ba.

Pisomi 119:53

N pali beni hali boncianla bi nibiadiba po, Kelima bi ŋaa a bali maama.

Matie 24:24

A tuonanda yaaba n yedi ke bi tie U Tienu n gandi yaaba leni bi saawalipua-faadanba baa fii ki yaa tiendi i sinankeenciami leni li bonlidinkaala, hali ke bi yaa bi baa fidi, bi baa boandi ba U Tienu n gandi yaaba moko.

Jan n diani U Tienu Laabaaliŋamo maama 8:44

Yi baa n tie Sutaani, yi bua ki yaa tiendi wani yi baa yaa yanbuame. O tie nikpalo hali mi cilima, waa ye i moamoani nni, kelima i moamoani ki ye o niinni. O yaa pua mi faama, o maadi nani wani o ba yantiali n tie maama, kelima o tie o tuofaadaano, ki go tie mi faama kuli yaa baa.

LOMA YAABA 12:8

Yua mo n pia ki yaa paagidi o lieba pala yaa paabu, wan yaa paagidi bi pala. Yua n pia ki yaa puuni yaaba n luo bu paabu mo, wan yaa puuni ba leni ti bulicindi. Yua n baa mi gobidima yaa paabu mo, wan yaa gobidi leni li yankuali. Yua mo n baa mi ninñingbadima yaa paabu, wan yaa pia li pamanli li po.

2 Korenti 1:12

Tin jigini ti yula yaala yaa po tie ke ti pala siedi doagidi, ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni, yimoko yaa siiga. Tii den pia laa tagiŋamu, kelima o nisaalo yanfuoma po ka, ama kelima U Tienu ŋanbili po.

2 Korenti 11:20

Yi tuo ban kuani yi ti yonbidi nni, ki je yi, ki fagi yi, ki fali yi, ki pabi yi.

2 Korenti 11:29

Bi siiga, ŋme n tadi ke mini mo naa tadi? Ŋme n baa ti tuonbiadi nni ke laa juni n pali?

2 Korenti 2:17

Tii tie nani bi niba boncianla, yaaba n lebidi U Tienu maama, ke man tua baali bi po. Ama tinba, ti maadi U Tienu po leni li payenli, wani U Tienu nintuali, Kilisiti nni.

2 Korenti 4:2

Ti yie yaala n pia i fe ki tiendi ŋasiili nni kuli. Tii tiendi liba leni nunfanbiadibu. Tii lu ki lebidi U Tienu Maama baa waamu. Ama ti doagidi i moamoani, ki tendi ke bi niba kuli pala siedi dua ti po U Tienu nintuali.

Galati 1:6

Li paki nni leni yin jaligi ki lebidi ki ŋaa U Tienu yua n yini yi kelima Kilisiti ŋanbili po, ki baa ŋoadi laabaaliŋantoa.

Galati 2:4

Laa maama den fii mo kelima bi nitianba yaaba n kaa den tie ti kpiiba moamoani den kua ti siiga nni ŋasiili nni, ki bua ki goandi ti ki bandi tin pia yaa faabima Jesu Kilisiti nni, ke ban fidi ki go kuani ti li bali maama yonbidi nni.

Galati 3:1

Yinba Galati yaaba, bi yanluodanba, ŋme ŋmiagi yi yama? Yinba yaaba n den gbadi Jesu maama hali ke li naani ke yi den laa ban den joani o li dapoanpoanli po maama leni yi nuni.

Galati 4:11

N jie ke daalinba min soani yaala yi siiga n da ti tua fanma fanma.

Efesa 4:14

Lanwani, ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

Efesa 4:22

Lani n tie ke yin da go tie nani yin den kpa tie maama. Ama yi siiga yuakuli n landi o tagikpelu nani li liadili yeni, o yanbuabiadima boandi n den biidi yuu.

Efesa 6:24

Li ŋanbili n yaa ye leni yaaba n bua ti Diedo Jesu Kilisiti leni yaa buama n kan lebidi abada.

Kolosi 2:18

Yin da tuo niloba kuli n fie yi nuama panpaani, nani wan bua maama, ba yaaba n kpali ke bi pia li yumiinli ki jaandi malekinba. Bi puni bi yula li bonlekaala po, ki gbengidi bi yula fanma fanma bi gbanandi yantiana po.

Kolosi 2:4

N waani yi laa maama kuli, ke oba kuli n da boandi yi, ki tulini yi leni mi mamanma.

Kolosi 2:8

Fangi mani yi yula, ki da tuo oba kuli n cuo yi yama leni o nisaalo yanfuoma, yaama n ŋua bi nisaaliba bangima yaama n tie fanma fanma, ki tie boandi, ki ŋua bi nisaaliba danbogida leni ŋanduna paaciami, ki naa ŋua Kilisiti.

1 Tesaloniki 3:5

Nani min kan go den fidi ki juuni kaa laa yi maama po, n den soani Timote yi kani ke wan bandi yin se li dandanli nni maama. N den jie ke mi tulinma daano n da ti tulini yi, ki teni ti tuonli yi siiga n tua fanma.

1 Timote 1:3

N bua ki tiadi a min den puogi a yaala, min den baa fii ki gedi Maseduani diema yaa yogunu. N den mia ŋa, ŋan yaa ye Efesi ki tundi bi nitianba, ke ban da bangi bangitoama.

1 Timote 2:14

Li naa tie Adama ka den kua mi tulinma nni, ama li tie o pua n den kua mi tulinma nni, ki miidi li bali maama, ki tua i tagili daano.

2 Timote 3:13

Ama bi nibiadiba leni i boandi danba baa suagi liiga mi biadima nni, ki yaadi biba ki go yaa yaandi nitoaba.

Titi 1:10

Li pia bi niyiekaaba boncianla, ama bi yabi yaaba n kua ku koanciagu siige ki cie. Bi boandi biyaba, ki go maadi majoagindi buoli kuli.

Hebilunba 13:9

Yin da tuo bangicanmiba kuli n cuo yi yama, kelima li ŋani li ŋanbile n yaa paagidi o nilo pali. Ama lan da tie mi jiema kuana mabilikaama ka. Yaaba n ŋua laa mabilikaama buolu kuli, naa baadi todimiba lipo.

2 Pieri 3:17

Lanwani n buakaaba, kelima yi tuodi ki bani laa bonla kuli, yin yaa fangi yi yula, ke U Tienu yiekaaba n da dadi yi bi yaadima nni, ke yi kan go yaa se ke li pa.

2 Pieri 3:3

Yin tuodi ki bandi ke mi juodima yogunu, li ñuali danba baa cua leni bi ñuali, bani yaaba n ŋua bi gbanandi bonbuakaala.

1 Jan 2:18

Yinba n bila, mi juodima yogunu nagini. Yi gbadi ke Kilisiti yieka baa cua. Ba moala Kilisiti yiekaaba ye boncianla. Lani yaa po, ti bani ke mi juodima yogunu nagini.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma Yua kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi saawalipua-faadanba boncianla yadi yadi ŋanduna nni.

Jude 1:4

Bi nitianba wuoni ki kua yi siiga. I Diani den maadi laa niba buudi cuonu hali yogu. Bi tie U Tienu yiekaaba, yaaba n lebidi ti Tienu ŋanbili, ke lin tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

Mi Doagidima 12:15

O wa yeni den sii yaa ñima n yabi nani u kpenciamu yeni, ke man ŋoadi ki tugi o pua yeni.

Mi Doagidima 12:9

Bi den luni o bonfuodi-biadiciamo yeni, wani o Waakpelo, ban go yi yua ku Tuotabigu yudaano leni Sutaani, wani yua n boandi ki tinga nni yaaba kuli. Bi den luni o ki tinga po, wani leni o malekinba.

Mi Doagidima 20:2

O den cuo o bonfuodibiado, o waakpelo yeni, lani n tie, ku tuotabigu yudaano Sutaani, ki loli o hali bina tudili po.