2 Korenti 11:2 - U TIENU MAAMA TILI 2013

² N pia yi po U Tienu nunponli buolu, kelima n den bua ki caa yi jayendo, ki teni yi Kilisiti, nani yaa puowandiali n ŋani cain yeni.

Gourmanchéma Bible

² N pia yipo U Tienu *nunponli buolu, kelima n den bua ki caa yi jayendo nani yaa *powandiali n ŋani cain yeni ke min teni yi Kilisiti.

2 Korenti 11:2 ပူးပေါင်းရင်းမြစ်များ

Esayi 54:5

Kelima a tagido n tua a calo. O yeli yi Li Miali Diedo U Paaciamu Kuli Daano. A daafaabika n tie Isidayeli Tienu Yua n Gagidi ki ŋani. O yeli n tie: “Ki tinga kuli Tienu.”

Esekieli 44:22

Bi kan taa kpepuoli, bi puoñaka, ama bi baa fidi ki taa o kopadiciamo yaa kpepuoli wani. Bi baa yaa taani yaa jafanba n daa bani jaba, ki tie Isidayeli buolu.

Jan n diani U Tienu Laabaaliŋamo maama 3:29

Yua n die o puocaano tie o puocaano calo. Ama o puocaano calo danli, yua n ye o kani ki cengi o, pali mani boncianla o yaa gbadi o puocaano calo nialu. Nmoko pia laa pamancianli buolu yo, ke li dagidi cain.

LOMA YAABA 7:4

N kpiiba, li tie yene leni yinba moko. Yi kpe yaala n tie li bali maama po, kelima yi taani leni Kilisiti o gbanandi nni. Moala nitoa n ji die yi, lani n tie Kilisiti. U Tienu den fiini wane bi tinkpiba siiga, ke tin yaa luoni li bonluonkaala U Tienu po.

1 Korenti 4:15

Lanwani, ba yi yaa pia gobidikaaba tuda piiga (10 000) Kilisiti nni, yii pia baanba wani boncianla. Mini n den mali yi Jesu Kilisiti nni, min den cuani yi po o Laabaaliŋamo yaa yogunu.

2 Korenti 4:14

Ti bani ke wani yua n den fiini o Diedo Jesu bi tinkpiba siiga, baa fiini timo leni Jesu, ki teni ke tinba leni yinba kuli n taani ki sedi o nintuali.

Galati 4:11

N jie ke daalinba min soani yaala yi siiga n da ti tua fanma fanma.

Filipi 1:8

U Tienu tie n siedo, ke n bua yikuli leni Jesu Kilisiti yaa buamoanma.

Kolosi 1:28

Ti tuodi ki wangi nilo kuli wani yaa maame, ki go bangi laa maama leni mi yanfuoma, ki bua ki cuani nilo kuli U Tienu kani, ke o dagidi cain Kilisiti nni.

1 Tesaloniki 2:11

Yi go bani ke ti den ye yi siiga ki tie yuakuli po nani o jamado n tie o bila po maama.

Mi Doagidima 14:4

Bani n tie yaaba n kaa den joagini bi yula leni bi puoba, ki tie nani a puowandiana yeni. Bi baa yaa ŋua ki Pebiga wan caa naani kuli. Bi tie wan daa yaaba bi niba kuli siiga, ke bi tie nani li bonluonkakpiala yeni U Tienu po leni ki Pebiga po.