1 Timote 6:16 - U TIENU MAAMA TILI 2013

¹⁶ Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua, Ki kan fidi ki le o mo. Wani n pia yaa jigidi leni yaa paalu N ki pia gbenma, hali yaa yogunu kuli. Amina!

Gourmanchéma Bible

¹⁶ Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua Ki kan fidi ki le o mo. Wani n pia yaa jigidi leni yaa paaciamu N ki pia gbenma hali yaa yogunu kuli. Amina!

1 Timote 6:16 ပူးပေါင်းရင်းမြစ်များ

Jobi 37:23

Ti kan fidi ki pundi U Paaciamu Daano kani, Kelima o paalu n yabi maama po. O moamoani leni o teginma ki pia lie. O kan faligi yua n tiegi.

Pisomi 104:2

A la mi yenma, Nani li liadicianli yeni, Ki dadi ki tandi ti tawadi, Nani li gbandieli caba yeni.

Pisomi 90:2

Hali ke a juana daa den ye, Ke fini mo daa tagi ki tinga leni ŋanduna, A li tie U Tienu yaa yogu n tuu yaa yogu kuli po yo.

Mi Ñama 3:14

U Tienu den yedi Musa: «N TIE MIN TIE YUA.» O go den yedi: «Ŋan maadi Isidayeli yaaba yaa maama n tie ne: ‹“N YE,” n soani nni yi kani.› »

Mi Ñama 33:20

O go den yedi Musa: «A kan fidi ki le n nunga, kelima o nisaalo kan fidi ki le nni, ki go yaa ye.»

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Habakuki 3:4

O kpendi leni mi yenma boncianla, Mi yenma ña o nuu nni Ki tuodi nani u yienu yeni, O paalu wuo lankane.

Jan n diani U Tienu Laabaaliŋamo maama 1:18

Oba kuli daa laa U Tienu. Ama ki Bonjayenyenga, yua n tie U Tienu ki ye Baa kani yogunu kuli, n teni ke ti bandi o.

Jan n diani U Tienu Laabaaliŋamo maama 14:9

Jesu den yedi o: «Filipi, ba ke n waagi ki ye leni yi, a daa bani nni? Yua n laa nni kuli, laa Baa. Be yaa po ke a yedi min waani yi Baa?

Jan n diani U Tienu Laabaaliŋamo maama 6:46

Niloba kuli daa laa Baa, se yua n ñani U Tienu kani. Wani bebe n laa Baa.

Jan n diani U Tienu Laabaaliŋamo maama 8:58

Jesu den yedi ba: «N yedi yi i moamoani, hali ke Abalahama daa den ye, “N Ye.”»

Efesa 3:21

wani n yaa baadi ti kpiagidi Kilisiti Nitaanli siiga leni Jesu Kilisiti yaa po, hali nifiima n tuu nifiima, hali yaa yogunu kuli. Amina!

Mi Tiadima 32:40

Kelima n yugidi n nuu tanpoli po ki poli ki yedi: ‹Ke mini n tie yua n ye yaa yogu n tuu yaa yogu.

Filipi 4:20

U Tienu ti Baa n yaa pia ti kpiagidi hali yaa yogunu kuli. Amina!

Kolosi 1:15

Wani Kilisiti n tie U Tienu, Tin kaa fidi ki nua yua yaa nannanli, Ki go tie o Bijakpiaga, Yua n den ye hali ke bonliba kuli daa tagi.

1 Timote 1:17

U Tienu, yua n tie o Badiciamo hali yaa yogunu kuli kaa pia kuuma, tin ki nua yua, wani yua bebe n tie U Tienu, n yaa baadi ti jigidi leni ti kpiagidi yaa yogu n tuu yaa yogu. Amina!

Hebilunba 13:8

Jesu Kilisiti tie yenma wonli, dinla leni yaa yogunu kuli.

Jaki 1:17

Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

1 Jan 1:5

Tin den gbadi yaa maama o kani, Ki wangi yi tie, Ke U Tienu tie mi yenma. Li biigili naa ye o niinni ba waamu.

1 Jan 1:7

Ama ti yaa cuoni mi yenma nni, Nani U Tienu wani o ba n ye mi yenma nni, Ti pia yanyenma leni tiyaba, O Bijua Jesu soama baa yaa ŋuudi ti pala, Ki ñandi ti po ti tuonbiadi kuli cain.

1 Jan 4:12

Oba kuli daa laa U Tienu, ama ti yaa bua tiyaba, U Tienu ye ti niinni, o buama moko ye ti niinni ki dagidi cain.

Jude 1:25

Wani U Tienu bebe yua n tie ti Candaano, kelima Jesu Kilisiti ti Diedo po, n yaa baadi ti kpiagidi, ti jigidi, u paalu leni li bali, yaa yogunu n pendi, moala leni yaa yogunu kuli! Amina!

Mi Doagidima 1:6

ki go teni ke ti tua kopadicianba diema o Baa U Tienu po, n baa ti kpiagidi leni u paalu hali yaa yogunu kuli. Amina!

Mi Doagidima 1:8

Li Miali Diedo U Tienu U Paaciamu Kuli Daano, yua n den kpa ye, ki ye moala ki go baa ti cua, wani n yedi: «N tie Alifa leni Omega. Lani n tie mi cilima leni mi juodima.»

Mi Doagidima 21:3

N den gbadi u nialiciamu ke u maadi li bali kalikaanu kani, ki yedi: «Diidi ki le, moala U Tienu yekaanu ye bi nisaaliba siiga. O baa yaa ye leni ba, bi baa yaa tie o buolu, wani U Tienu oba mo baa yaa ye leni ba, ki tie bi Tienu.

Mi Doagidima 22:5

Ku ñiagu kan go yaa ye. O naacenba kan go bua u yienu yenma, ki bagi ki fidisanga yaama, kelima o Diedo U Tienu baa yaa yendi ba. Bi baa yaa die hali yaa yogunu kuli.

Mi Doagidima 4:11

«Ti Diedo, ti Tienu, A pundi ki yaa baadi ti kpiagidi Leni ti jigidi leni u paalu, Kelima fini n tagi li bonla kuli, A yanbuama po mo ke likuli tagi, Ki go baa ye.»

Mi Doagidima 7:12

«Amina! Ti Tienu n die ti pagidi leni ti kpiagidi, Mi yanfuoma leni i tuondi, Ti jigidi, u paalu leni u fidu Hali yaa yogunu kuli. Amina!»