1 Timote 5:5 - U TIENU MAAMA TILI 2013

⁵ Yaa kpepuoli n ye obebe kaa pia kubika, bili o suginma U Tienu kani, ki miadi o u yensiinu leni ku ñiagu kuli, ke wan yaa todi o.

Gourmanchéma Bible

⁵ Yaa kpepuoli n ye obebe kaa pia kubika bili o suginma U Tienu kani ki miadi o u yensiinu leni ku ñiagu kuli ke wan yaa todi o.

1 Timote 5:5 ပူးပေါင်းရင်းမြစ်များ

Pisomi 91:4

O baa ŋoagini a leni o fiabi kobidi, Ki wuoni a o fiabi nni. O teginma tie gbankoandigu leni kudi liadile.

Esayi 12:2

N faabima Tienu, N baa dugi a po, n kaa jie, Kelima Li Miali Diedo n tie n fidu leni n yanbu. Wani n tua n faabima.»

Esayi 3:26

Siyon dogu buliñoana n mua Ki go yaa ye li paboanli nni.

Esayi 49:21

Yi baa yedi yi pala nni: ‹Ŋme n mali ti po ba, Kelima tii den pia biga. Ti den tie ŋoalimu, ti den ye ti yonbidi, Ke bi go ñani ti mo bi niba siiga. Ŋme n nan wubi bine? Diidi, ti den ye ti bebe. Bine mo nan den ye le?› »

Esayi 50:10

Yi siiga ŋme n fangi o Diedo Ki cengi o naacemo nialu? Yua n cuoni li biigili nni kuli, Ki naa pia mi yenma, Wan bili o dugidi o Diedo kani, Ki yaa dugi o Tienu po.

Esayi 54:1

Fini ki ŋoaliga, mangi a pali! Fini yua n ki mali, Yigini mi paadima yigimi, Fini yua n ki bandi maditugukoanu, Mangi a pali kelima ku puonanbangu Bila baa yaa yabi ki cie, Yua n taa ki ye leni o calo yaa bila. O Diedo n yedi yeni.

Jeremi Bubula 1:13

Hali tanpoli, o teni ke u mu Kua n kpaba nni, ki juugi a. O dia nni ti cuadi, Ki teni ke n ŋmadi ki baa. O teni ke n pali boandi, Ke n ye leni fala li yentunli kuli nni.

Luki 18:1

Jesu den pua ba mi kpanjama ki baa waani, ke li pundi ban yaa jaandi yogunu kuli, ki da cedi bi gbani n wudi.

Luki 18:7

N buali yi, naani U Tienu kan tuu wan gandi yaaba po bi panli, bani yaaba n kpaani ki miadi o u yensiinu leni ku ñiagu kuli? Naani o baa waagi ki kan todi ba?

Luki 2:37

O ji den tie kpepuoli ki pia piinii n binanaa. Waa den ña U Tienu diegu nni. O den tuuni U Tienu po, u yensiinu leni ku ñiagu kuli, mi ñoalolima leni mi jaandi nni.

Jesu Tondiba Tuona 26:7

Ti buolu, bani i piiga n buoliedi yeni, yaaba n jaandi ki miadi U Tienu u yensiinu leni ku ñiagu kuli, moko sugini laa ñoanianu kuama. O bado, li tie laa suginma po yo ke Jufinba kuliti nni.

Jesu Tondiba Tuona 6:1

Laa dana nni, Jesu ŋoadikaaba den pugidi pugidi, ke yaa Jufinba n maadi Gireki maama den yenbidi, kelima yaa Jufinba n tie dentieba yaa den boagidi daali kuli todima, bi yen kandi yaa Jufinba n maadi Gireki maama yaa kpepuona kaa puuni ba.

Jesu Tondiba Tuona 9:39

Pieli den fii ki yegi leni ba. Wan pundi likani, bi den ciani o li dietuadili yeni nni. A kpepuona kuli den nagini o kani ki buudi, ki waani o Dorkasi n den ye leni ba yaa yogunu, wan den hali bi po yaa tiayiekaadi leni yaa tialakaadi.

Jesu Tondiba Tuona 9:41

Pieli den cuo o nuu ki fiini o, ke o sedi. O den yini bi nigagidiŋanba leni a kpepuona, ki taa o ki teni ba ke o fo.

LOMA YAABA 1:12

bi mo, n yaa cua yi kani, tikuli n baa li papaali, kelima mini leni yinba n taani ki pia yaa dandanli po.

LOMA YAABA 1:5

O yaa po yo, ke ti den baa li ŋanbili ki tua o tondiba, ke tin yaa gobidi i nibuoli kuli, ban daani o ki tuo o maama.

1 Korenti 7:32

N bua yin yaa ye ki da pia yanyagidi. Yua n ki pia pua kuandi o yama o Diedo ŋantaadi nni, ki lingi wan baa yaa mangidi o Diedo pali maama.

1 Korenti 7:34

Lani n teni ke o puodaano yama boagidi kaanilie. O pua moko, yua n ki pia joa leni yua n daa bani joa, bimoko kuandi bi yama o Diedo ŋantaadi nni, ki moandi ki gagidi bi ki ŋanbi bi gbanandi leni bi yantiali nni. Yua n kuni o joa, kuandi o yama ŋanduna ŋantaadi nni, ki lingi ki baa yaa mangidi o calo pali.

Efesa 6:18

Mi Fuoma n teni yin yaa jaandi yogunu kuli, ki yaa miadi U Tienu yogunu kuli bu miabu buoli kuli. Yaa miadi mani U Tienu o nigagidiŋanba kuli po ki da yoaligi, ki da cedi.

Filipi 4:6

Yin da yagi mani yi yama bonliba kuli po. Ama li bonla kuli yaa po, yin waani U Tienu yin luo yaala, ki yaa jaandi ki miadi o, ki go tuondi o.

1 Timote 2:1

Min kpa tundi yi yaala tie ke yin yaa jaandi U Tienu, ki miadi o ki tuondi o bi niba kuli po,

1 Timote 5:16

Yaa pua bi yaa joa n daani yaa pia o danba ke bi tie kpepuona, wan yaa todi ba, ki da tuni Kilisiti Nitaanli laa tugili, ke bi baa fidi ki todi yaa kpepuona n ki pia kubikaaba.

1 Timote 5:3

Ŋan yaa jigindi yaa kpepuona n kaa go pia kubikaaba.

2 Timote 1:3

N tuondi U Tienu min tuuni yua yaa po leni yaa pali siedi n ŋani, nani n yaajanba n den tuuni o po maama. U yensiinu leni ku ñiagu kuli, n yaa jaandi U Tienu, n miadi o a po ki tuondi o kaa cedi.

1 Pieri 3:5

Yaa puoba n den ye hali yogu, ki bili bi dugidi U Tienu kani den maani ki sibidi biba yene, ki miindi bi yula bi ciaba kani,

Ruti 2:12

O Diedo n guani a a ŋanma, nani ŋan tieni maama. Yeni de! Wani o Diedo, Isidayeli yaaba n ŋua yaa Tienu, ŋan cua ki wuoni wani yua yaa kani, n guani a po a panpaani, ki ŋanbi a po cain!»