1 Timote 5:25 - U TIENU MAAMA TILI 2013

²⁵ Li go tie yeni leni a tuonŋama, ya n doagidi bonŋanla bi niba kuli po ye, ya n duagi mo kan yaa wuo hali yaa yogunu kuli.

Gourmanchéma Bible

²⁵ Li go tie yeni leni a tuonŋama, ya n doagidi bonŋanla bi niba kuli po ye, ya n duagi mo kan yaa wuo hali yaa yogunu kuli.

1 Timote 5:25 ပူးပေါင်းရင်းမြစ်များ

Mi Kpanjama 10:9

Yua n cuoni mi teginma nni, Kan yaa bangi liba po. Ama bi baa cuo yua n tagi i sangolimi.

Matie 5:16

Lani, yin cedi yi yenma n yendi bi niba kani, ke ban le yi tuonŋama ki kpiagi yi Baa yua n ye tanpoli po.

Luki 11:33

Niloba kan cuoni fidisanga ki kuani ga yaa kaanu n wuo, yaa ka ki taa li sancianli ki ŋoagini ga. Ama o baa taa ki tuani ga u fidisantuankaanu, ke yaaba n kua li dieli nni kuli n yaa nua mi yenma.

Jesu Tondiba Tuona 10:22

Bi den yedi o: «Toatieba kobiga yudaano Korneyi n soani ti a kani. O tie niteginka, ki go fangi U Tienu. Jufinba buolu kuli tiendi o po yaa siedo n ŋani. U Tienu soani maleki o kani ki waani o ke wan yini a ŋan cua o denpo, wan gbadi ŋan baa yedi yaala.»

Jesu Tondiba Tuona 22:12

O joa den ye Damasi ki yi Ananiasi. O den ŋua U Tienu, ki fangi o, ki kubi o bali maama. Yaa Jufinba n ye Damasi kuli, den tiendi o po o siediŋamo.

Jesu Tondiba Tuona 9:36

O pua den ye Jope dogu nni ke bi yi o Tabita, yaali n soagini ki yedi Dorkasi, lani n tie o piañoago. O den tiendi a tuonŋama, ki puuni a luoda mi todima boncianla.

Filipi 1:11

Yeni, yi baa yaa tuuni mi teginma tuona, ya n ñani Jesu Kilisiti kani, lan tua ti kpiagidi leni ti pagidi U Tienu po.

1 Timote 3:7

Li go tie tiladi yaaba n kaa tie Kilisiti Nitaanli yaaba n yaa tiendi o po yaa siedo n ŋani, ke wan da ti le i fe, ki baa Sutaani jogidu nni.

Mi Doagidima 14:13

N den gbadi ke u nialu maadi tanpoli ki yedi: «Diani yaa maama n tie ne: ‹Li pamanli ye leni yaaba n kpe leni li dandanli o Diedo nni.› » U Tienu Fuoma Yua den guani ki yedi: «Yeni de! Bi baa fuodi leni bi tuonfala, kelima bi tuonŋama ŋua ba.»