1 Timote 5:17 - U TIENU MAAMA TILI 2013

¹⁷ Li dagidi ke Kilisiti Nitaanli nikpela yaaba n gobidi bonŋanla n baa ti jigidi ki cie. Lan pundi yaaba n ba yeni ki cie, tie yaaba n kuandi bi yama U Tienu maama wangima nni leni U Tienu maama bangima nni.

Gourmanchéma Bible

¹⁷ Li pundi ke Kilisiti n yini yaaba nikpeliba yaaba n gobidi bonŋanla n baa ti jigidi ki cie. Lan pundi yaaba n baa yeni ki cie tie yaaba n kuandi bi yama U Tienu maama wangima nni leni U Tienu maama bangima nni.

1 Timote 5:17 ပူးပေါင်းရင်းမြစ်များ

2 Bi Badiba 2:9

Ban den duodi, Elia den yedi Elise: «Mia nni ŋan bua min tieni a po yaala kuli, hali ke U Tienu daa taa nni ki paadi nni leni a.» Elise den guani ki yedi o: «N bua ki baa U Tienu paaciamu yuu n ye a niinni yeni bole taalimilie.»

Esayi 40:2

Maadi mani leni Jerusalemi yaaba Ki waani ba ke bi janjanma gbeni, Ke bi baa sugili bi tagili po, Kelima bi baa U Tienu kani Bi tuonbiadi panpaani taalimilie.»

Jeremi 16:18

N baa pa ba bi tuonbiadi panpaani taalimilie bi tagili leni bi tuonbiadi po, kelima bi joagini n diema leni bi tuongunda leni bi cancaginbuli yii n ki fo yeni.»

Jeremi 17:18

Teni i fe n cuo yaaba n sedi n po. Ama mini wani n da fiagi, Teni ban digibi, Ama mini wani n da digibi. Teni fala daali n cua bi po, Teni fala n yaa lindi ki baali ba.

Sakari 9:12

Yinba yaa kpaada n sugini ki baa mi faabima, Lebidi ki kuni mani yi dogu po, Ban guani ki maa yuu yaa bilini yeni. Dinla n yedi ke n baa seligi yi hali taalimilie, Yin laa yaa fala kuli po.

Mi Coadima 18:31

Yinba leni yi diegu nni yaaba, yi baa je laa jiema, yin baa naani kuli, kelima lani n tie yin tuuni yaa tuonli u Kadikaanu Gbandieli nni yeni panpaani.

Matie 24:25

N tuodi ki waani yi laa bonla.

Luki 10:7

Yin yaa ye laa diegu nni ki di ki go ñu ban puuni yi yaala kuli, kelima o tuonsoanlo pundi ki baa o panpaani. Yin da ña diegu nni, ki tuadi dietoagu.

Luki 12:42

O Diedo den yedi: «Ŋme n tie yaa tuonsoan-jiididugika n pia mi yanfuoma, ke o canbaa guuni o o niba ke wan yaa tendi ba, mi jiema li yogunu yaa pundi?

Jan n diani U Tienu Laabaaliŋamo maama 4:38

N soani yi ke yin yendi yin ki den soani yaala yaa po. Nitoaba den soani li tuonli, moala yimo taani ti kpaandi, kelima bi den soani.»

Jesu Tondiba Tuona 11:30

Bi den tieni yeni ki soani Barnabasi leni Soli, ke bi gedini mi todima yeni ki ban teni Jude nikpela.

Jesu Tondiba Tuona 20:35

N den waani li bonla kuli nni, ke yi baa yaa tuuni yene, ki todi a tadima. Yin tiadi o Diedo Jesu n den maadi yaa maama: ‹Yua n puni bu paabu pia li pamanli ki cie yua n gaa bu.› »

Jesu Tondiba Tuona 28:10

Bi den jigini ti bonŋanla. Tin baa fii yaa yogunu, bi den puni ti tin luo yaala kuli.

LOMA YAABA 12:8

Yua mo n pia ki yaa paagidi o lieba pala yaa paabu, wan yaa paagidi bi pala. Yua n pia ki yaa puuni yaaba n luo bu paabu mo, wan yaa puuni ba leni ti bulicindi. Yua n baa mi gobidima yaa paabu mo, wan yaa gobidi leni li yankuali. Yua mo n baa mi ninñingbadima yaa paabu, wan yaa pia li pamanli li po.

LOMA YAABA 15:27

Bi den tieni yeni bi yama po, li pundi ban tieni yeni moko. Bani bi nilanba yaa den taani leni Jufinba ki boagidi U Tienu seli, li pundi bi nilanba n boagidi bi yema bonbaakaala leni Jufinba.

LOMA YAABA 16:12

Yin fuondi Tirifeni leni Tirifosi, yaa puoba n tuuni o Diedo tuonli boncianla. Yin fuondi Persidi n danlimoano, yua n soani o Diedo tuonli hali boncianla.

1 Korenti 15:10

U Tienu ŋanbili po yo, ke n tua min tie yua na. O ŋanbili n po naa tua fanma, li teni ke n soani ki cie Jesu tondiba kuli. Laa tie mini n ba ka soani yeni, ama U Tienu ŋanbili n tuuni leni nni.

1 Korenti 16:16

Yin miini yi yula laa nibuolu kani leni yaaba n kuani bi yama ki tuuni o Diedo tuonli kuli kani.

1 Korenti 3:9

Kelima ti taa ki tuuni leni U Tienu. Yinba n tie U Tienu kuanu. Yi go tie U Tienu diegu.

2 Korenti 6:1

Lanwani, nani tin taa ki tuuni leni U Tienu yeni, ti tundi yi ke yin da fali yin den baa U Tienu ŋanbili paabu yaabu.

Galati 6:6

Ban bangi yua U Tienu maama n boagidi wan pia yaala kuli leni yua n bangi o.

Mi Tiadima 18:8

O baa yaa baadi o jiema po yaa biinu n da leni o lieba yaa biini, ke laa taa leni ban baa kuadi wan bi pia yaala o diegu nni, ki cuani o po.»

Filipi 2:16

ki wangi ba li miali maama. Yi yaa tiendi yeni, li baa yaa tie n po ti jigidi Kilisiti guacuama daali, kelima li baa doagidi ke mii den tiini mi nuama fanma fanma, kaa tuuni fanma fanma mo.

Filipi 2:29

Lanwani, yin gaa o cangu bonŋanla, kelima o Diedo po leni li pamancianli, ki go yaa jigindi laa nibuolu.

Filipi 4:3

N go mia fini min dugi yua yaa po, yua n tuuni leni nni ti Diedo tuonli. Ŋan todi bi puoliediba yeni, bani yaaba n den taani leni nni, ki moa o Laabaaliŋamo muali. Bani, Kilema leni nitoaba, n tuonsoanlieba yaaba taani leni nni laa tuonli nni, bimoko yela diani li miali tili nni.

1 Timote 3:5

O nilo yàá bani ki gobidi wani o ba yaa diegu, o baa gaa lede ki fidi ki yaa guu U Tienu Nitaanli?

1 Timote 4:10

Ti tuuni ki moa kelima ti bili ti suginma U Tienu yua n fo kani, wani yua n tie bi niba kuli Candaano. Ama o tie yaaba n daani o po yo ki cie.

1 Timote 4:14

Ŋan da fali ŋan den baa yaa paabu, U Tienu n den teni ke bi pua saawali ki puni a yaabu, Kilisiti Nitaanli nikpela n den maani a po bi nii yaa yogunu.

1 Timote 4:16

Ŋan kubi a yuli, ki go kubi a bangima, ki yaa se ke li pa likuli nni. A yaa tiendi yeni, a baa faabi a yuli, ki go faabi yaaba n cengi a bangima kuli.

1 Timote 4:6

A yaa tundi ti kpiiba laa tundi kuli, a baa yaa tie Jesu Kilisiti naacenŋamo, yua n dindi o yuli leni li dandanli maama leni mi bangiŋanma, ŋan ŋoadi yaama cain yeni.

1 Timote 5:19

Ŋan da gaa makuligiba kuli Kilisiti Nitaanli nikpelo po, li yàá tie siedinbilie, yaa ka siedinbitaa yaa ñoana nni.

1 Timote 5:3

Ŋan yaa jigindi yaa kpepuona n kaa go pia kubikaaba.

2 Timote 2:6

O kpakpaalo yua n tuuni o tuonli leni fala, n tie yua n baa kpa baa o tuonli ñuadi.

2 Timote 4:2

ŋan yaa wangi U Tienu Maama. Ŋan tieni ania, ki yaa moandi lan pa leni lan dingi kuli. Ŋan maadi ki guli yaaba n pia mi niama, ki fu leni yaaba n tudi, ki yaa tundi bi niba, ki go bangi ba leni li juunmoanli.

Hebilunba 13:17

Yin yaa tuodi ki ŋua yaaba n gobidi yi, ki yaa fangi ba, kelima bi guu yi naani, ki bani ke bi baa togidi U Tienu yi maama. Yaa tiendi mani yeni, ke ban fidi ki yaa togidi ma leni li pamanli ki naa yenbidi, kelima li kan yaa pia yi po fuomiba.

Hebilunba 13:24

Yin fuondi yi gobidikaaba leni bi nigagidiŋanba kuli. Yaaba n ye Itali diema nni fuondi yi.

Hebilunba 13:7

Yin yaa tiani yi gobidikaaba po, bani yaaba n den waani yi U Tienu maama. Yin kpaagi bi yema leni bi juodima po, ki yaa togidi bi dandanli.