1 Timote 4:8 - U TIENU MAAMA TILI 2013

⁸ Ti gbanandi tuonli pia mayuli waamu bebe, die ki bua ki yaa suagi liiga U Tienu sanŋoadima nni, lani n pia mayuli li bonla kuli po. Li niani u ñoanianu yaa miali n tie ne po leni yaa miali n baa cua moko yaa po.

Gourmanchéma Bible

⁸ Ti gbanandi tuonli pia mayuli waamu bebe, die ki bua ki yaa suagi liiga U Tienu sanŋoadima nni, lani n pia mayuli li bonla kuli po, kelima li niani u ñoanianu yaa miali n tie na po leni yaa miali n baa cua moko yaa po.

1 Timote 4:8 ပူးပေါင်းရင်းမြစ်များ

Jobi 22:2

«Naani o nilo baa fidi ki yaa pia Mi fuoma U Tienu po? Yaa nilo n pia mi yanfuoma, Pia ma o yuli po bebe yo.

Jobi 36:11

Bi yaa cengi ki go tuo ki miini bi yula, Se ban kali mi kpama nni, Bi miali dana mo n juodi leni mi yemanma.

Pisomi 145:19

O tendi ke yaaba n fangi o baadi Ban miadi yaala kuli. O gba bi bubula ki faabidi ba.

Pisomi 37:11

Bi yumiindanba baa diedi mi diema, Bi baa yaa mangidi bi pala Leni mi yanduanmoanma.

Pisomi 37:29

Bi niteginkaaba baa diedi mi diema. Bi baa yaa ye mi niinni yaa yogunu kuli.

Pisomi 37:9

Yaaba n tiendi mi biadima baa bodi. Ama yaaba n dugi o Diedo po wani, Baa diedi mi diema.

Pisomi 84:11

N yaa tieni dayenli a luoli nni, Li cie n po min tieni dana tudili poto. N yaa ye U Tienu diegu buliñoabu kani, Li mani n po ki cie, Min yaa ye bi nibiadiba gbandiena nni.

Mi Kpanjama 19:23

O Diedo fangili caani li miali kani, Lankani a baa guo ki yaa dua ki goa Ke yebiadimiba mo ki goandi a.

Mi Kpanjama 22:4

Li yumiinli leni o Diedo fangili Kpendinni mi piama, ti kpiagidi leni li miali.

O Yanfuodaano 8:12

Ama, ba ke o nibiado yen tieni mi biadima taalima kobiga ki go waagi boncianla, mini wani n bani ke yaaba n fangi U Tienu bebe n pia mi yemanma, kelima bi fangi o.

Esayi 3:10

Yedi mani: «O niteginka pali mani Kelima o baa je o tuonli ñuadi.

Esayi 33:16

Landaano baa yaa ye yaa kaani n kpedi, Yaa tanciangu n juagi n baa yaa tie o wuonkaanu, O baa yaa baadi mi jiema, Ñima mo kan poadi o.

Jeremi 6:20

N baa tieni be yo Saba diema dugibila? Yaa kpenmuadi yaa nuulu n mani, Ki ñani hali yaa diema n ye foagima, Pia be yaa fuome n po? Mii bua yi padijuukaana, Yin kpendinni n po yaa pada mo fa.»

Matie 12:32

Yua n maadi mini o Joa Bijua po yaala n bia baa baa sugili, ama yua n maadi U Tienu Fuoma Yua po yaala n bia, kan baa sugili moala leni yaa yogunu n kpendi kuli.

Matie 19:29

Yua mo n fii ki ŋaa o diena, o naataanjaba, o naataanpola, o baa, o naa, o bila, yaa ka o kuani kelima n yeli po, o baa baa likuli taalima kobiga kobiga, ki go baa yaa miali n kan gbeni.

Matie 6:33

Yin kpa lingi mani U Tienu diema leni o yaa teginma, lani, laa bonla kuli baa yuandi ki pugini yi po.

Marki 10:30

ki kan baa likuli taalima kobiga kobiga ki daa ye ŋanduna na niinni. O baa baa ku diegu, baa, naa, i naataani leni i kuani. O go baa baa bi niba n waani o fala boncianla. Yaa yogunu n kpendi mo, o go baa baa yaa miali n kan gbeni.

Luki 5:38

Tiladi ban piagi duvenpaano ti dayuapandi nni.

LOMA YAABA 8:28

Ti bani ke U Tienu tuuni li bonla kuli nni, yaaba n bua o ŋamu po, bani, wan yini yaaba o yanjagili po.

1 Korenti 3:22

Li yaa tie Poli, li yaa tie Apolosi, li yaa tie Sefa, li yaa tie ŋanduna, li yaa tie li miali, li yaa tie mi kuuma, li yaa tie yaa yogunu n tie ne, li yaa tie yaa yogunu n baa ti cua, likuli tie yi yaa yaala.

1 Korenti 8:8

Laa tie mi jiema ka baa teni tin nagini U Tienu. Ti yàá dini, li kan wadi ti po liba, ti yaa dini mo, li kan pugini ti liba.

1 Timote 4:7

Ama ŋan yie yaa togida n tie fanma fanma, ki nia li dandanli. Ŋan moandi ki yaa se ke li pa U Tienu sanŋoadima nni.

1 Timote 6:3

Niloba yaa bangi bangitoama, kaa ŋua ti Diedo Jesu Kilisiti mamoanma, yaama tuugi leni U Tienu tuoma,

1 Timote 6:5

Li go teni ke yaaba yaa yama n biidi, bani yaaba n kaa go kubi i moamoani, nia leni biyaba yogunu kuli. Bi tama ke U Tienu tuoma tie ñuade.

1 Timote 6:6

Moamoani, U Tienu tuoma pia ti ñuadi boncianla, li yaa tie ke o nilo mangi o pali leni wan pia yaala.

2 Timote 3:5

Bi baa yaa pia U Tienu tuoma nannanli, ama bi nia yaala n tie li paalu. Ŋan foagidi leni laa nibuolu.

Titi 3:8

Laa maama tie mi madugikaama. N bua ŋan bangi ki go ñii li po bonŋanla, ke yaaba n daani U Tienu n yaa tiendi ania a tuonŋama tienma po. Lani n ŋani, ki go pia mi fuoma bi niba kuli po.

Hebilunba 13:9

Yin da tuo bangicanmiba kuli n cuo yi yama, kelima li ŋani li ŋanbile n yaa paagidi o nilo pali. Ama lan da tie mi jiema kuana mabilikaama ka. Yaaba n ŋua laa mabilikaama buolu kuli, naa baadi todimiba lipo.

1 Jan 2:25

Wan niani ti yaala tie yaa miali n kan gbeni.

Mi Doagidima 3:12

Yua n koani mi jama ki paadi kuli, n baa teni wan tua benjielu n Tienu diegu nni, ki kan go ña lienni. N go baa diani o po n Tienu yeli leni n Tienu dogu yeli, lani n tie Jerusalemi-paano, yuu n baa ña tanpoli po n Tienu kani ki jiidi. N go baa diani o po n yepanli.

Mi Doagidima 3:21

Yua n koani mi jama ki paadi, n baa teni wan yaa ka leni nni n bali kalikaanu, nani mini n ba n den koani mi jama ki paadi, ki kaa leni n Baa o bali kalikaanu po maama yeni.

1 Samueli 15:22

Samueli den yedi: «Naani ki tuo ki tieni o Diedo n bua yaala, Ki cie a padijuukaana leni a pada? Mi tuoma pia mayuli ki cie a pada, O ñoamabonli tienma pia mayuli ki cie a petona kpama.