1 Timote 4:6 - U TIENU MAAMA TILI 2013

⁶ A yaa tundi ti kpiiba laa tundi kuli, a baa yaa tie Jesu Kilisiti naacenŋamo, yua n dindi o yuli leni li dandanli maama leni mi bangiŋanma, ŋan ŋoadi yaama cain yeni.

Gourmanchéma Bible

⁶ A yaa tundi ti kpiiba laa tundi kuli, a baa tie Jesu Kilisiti naacenŋamo, yua n dindi o yuli leni li dandanli maama leni mi bangiŋanma ŋan ŋoadi yaama cain yeni.

1 Timote 4:6 ပူးပေါင်းရင်းမြစ်များ

Pisomi 19:7

O yen fii poyendu ki tagini o sanu tanpoli, Ki ban pundi u poyuu, Puu kuli kan fidi ki cia u jama.

Mi Kpanjama 4:2

N tundi yi tundiŋame, Yin da yie n bangima.

Jeremi 15:16

N yaa li gbadi a maama kuli, N yen li di ma yo, Kelima mi mangidi n pali hali boncianla. A maama yeni mani ki go nuagi n po, Kelima fini Li Miali Diedo U Paaciamu Kuli Daano n die nni. A yeli mo maa n po.

Matie 13:52

O den yedi ba: «Lanwani, li bali maama banda siiga yua n tuo ki gaa yaala n tie tanpoli diema bonla kuli, tie nani yaa diedaano n ñandi o ŋalimano nni li bonpanla leni li bonkpelila kuli.»

Luki 1:3

N den tagidi ki bandi laa bonla kuli bonŋanla ki cili hali li cilima. Min bandi likuli yeni, nmoko sua ke li ŋani min diani a po ki ŋoadi ŋoadi li fuuli,

Jesu Tondiba Tuona 1:15

Laa dana nni Pieli den fii ki sedi o kpiiba siiga, bani yaaba n den taani ki bua ki pundi niba kobiga n piilie ki yedi:

Jesu Tondiba Tuona 20:31

Lani yaa po, yin yaa guu mani, ki yaa tiani ke hali binataa banlu, n tuodi ki tundi yi siiga yuakuli leni ti nunsiidi ku ñiagu leni u yensiinu kuli, mii cedi.

Jesu Tondiba Tuona 20:35

N den waani li bonla kuli nni, ke yi baa yaa tuuni yene, ki todi a tadima. Yin tiadi o Diedo Jesu n den maadi yaa maama: ‹Yua n puni bu paabu pia li pamanli ki cie yua n gaa bu.› »

LOMA YAABA 15:15

Ba yeni, n diani yi po bonyenla yenla leni li papaali, ki bua ki tiadi yi yin bani yaala, kelima U Tienu n puni nni yaa ŋanbili po,

1 Korenti 4:17

Lani yaa po yo, ke n soani Timote, yua n tie n bibuadiga ki tie nidugika o Diedo nni, yi kani. O baa tiadi yi min ŋua Kilisiti maama, nani min bangi Kilisiti Nitaana ya n ye i kaani kuli maama.

2 Korenti 11:23

Bi tie Kilisiti naacenba ka? N maadi nani o gaado yeni, nmoko tie yene, ki cie ba. Li tuonli po, N cie ba boncianla, A kpaadidiena kuama po, N cie ba boncianla, Ti puadi po, N cie ba boncianla. I yogini boncianla Mini leni mi kuuma ki den foagi.

2 Korenti 3:6

Wani n teni ke ti dagidi ki tua o Ŋantaadipaano tuonsoanba ke laa ŋua leni ban den diani yaa bali maama, ama ke li ŋua leni U Tienu Fuoma. Ban den diani yaa bali maama kpendinni mi kuuma, ama mi Fuoma puuni li miali.

2 Korenti 6:4

Ama li bonla kuli nni, ti moandi ki pia yaa siedi n ŋani bi niba kani nani U Tienu yaa naacenba yeni, kelima tin pia yaa juunli o falaciamo nni po, mi luoma nni leni li paboanli nni kuli yaa po.

Efesa 6:21

Tikika, yua n tie ti kpibuado leni o Diedo naacendugika, baa waani yi n laabaalo leni min tiendi yaala, ke yimoko n bandi likuli.

Filipi 2:20

Mii pia nitoa yua n taa leni nni yantiayenli, ki yagini o yama yi ŋamu po.

Filipi 2:22

Yikuli bani Timote n doagidi ke o tie nidugika maama, ki taa leni nni ki tuuni o Laabaaliŋamo wangima tuonli, nani ki biga n baa yaa taa ki tuuni leni o baa maama yeni.

Filipi 3:16

Ama tin pundi yaa bianu po, tin taani mani ki suagi liiga yenma.

Kolosi 2:19

Baa tuugi leni yua n tie li yuli, ti gbanandi kuli n tuugi yenma, ki go baadi yaala n dagidi yua yaa kani. Li tie kelima i jiini leni a tuga po, ke ti gbanandi kpedi nani U Tienu n puni maama.

Kolosi 3:16

Kilisiti maama leni man pia yaa ŋalimano kuli, n gbie yi pala nni. Yaa bangi mani ki go tundi yiyaba leni mi yanfuoma. Yaa yiini mani Pisomi, U Tienu yani leni yaa yani n doagidi mi Fuoma n bangi yi yaala, ki yiini ki pagi U Tienu leni i tuondi yi pala nni.

Kolosi 4:7

Tikika baa waani yi n laabaalo kuli. O tie ti kpibuado, ti todika tin dugi yua yaa po leni ti naacenlielo o Diedo tuonli nni.

1 Tesaloniki 3:2

ki soani ti kpiilo Timote yi kani. O taa ki tuuni leni U Tienu, ki tie ti tuonsoanlielo Kilisiti Laabaaliŋamo wangima nni. Ti soani o wan paagi yi pala, ki tundi yi yin yaa se bonŋanla yi dandanli nni,

1 Timote 1:10

mi conconma danba, yaa jaba n taagi leni biyaba, yaaba n kuadi bi niba, bi tuofaadanba, yaaba n tiendi mi siedifaama leni yaala n nia leni mi bangiŋanma po kuli.

1 Timote 4:16

Ŋan kubi a yuli, ki go kubi a bangima, ki yaa se ke li pa likuli nni. A yaa tiendi yeni, a baa faabi a yuli, ki go faabi yaaba n cengi a bangima kuli.

1 Timote 6:3

Niloba yaa bangi bangitoama, kaa ŋua ti Diedo Jesu Kilisiti mamoanma, yaama tuugi leni U Tienu tuoma,

2 Timote 1:6

Lani yaa po, n bua ki tundi a ŋan yaa tigi nani u mu yeni, U Tienu n den puni a yaa ŋanbili paabu, min den maani a po n nii yaa yogunu.

2 Timote 3:10

Ama fini, a den ŋoadi n bangima, n tagu, n jaga, n dandanli, n dingima, n buama, n juunli,

2 Timote 4:3

U yogunu baa ti cua ke bi niba kan go tuo ki yaa ŋua mi bangiŋanma. Ama bi baa yaa bua yaala n mani bi po bebe, ki lingi bi bangikaaba ki pugidi, yaaba n baa bangi ba ban bua ki yaa gba yaala.

Titi 2:1

Ama fini wani, ŋan yaa bangi yaala n ŋua mi bangiŋanma.

1 Pieri 2:2

Nani a canpanda n bua mi biima maama, yimo n yaa bua yaa naaŋanma n tie U Tienu maama yeni. Laa maama ŋani cain, ki baa teni yin kpedi mi tindima nni, kelima mi yaa po,

2 Jan 1:9

Yua n suagi liiga ki naa ye Kilisiti yaa bangima nni kuli, waa pia U Tienu. Ama yua n se mi bangima yeni niinni, wani n pia Baa leni Bijua.

Jude 1:5

Ba ke yi bani yaala n tie ne kuli bonŋanla, n bua ki go tiadi yi ke o Diedo den faabi o niba Isidayeli yaaba, ki ñani ba Ejipiti nni. Ama o den yuandi ki bolini bi siiga yaaba n naa den dugi o po kuli.