1 Timote 4:13 - U TIENU MAAMA TILI 2013

¹³ Hali min baa cua, ŋan tieni ania ki yaa cogi U Tienu maama, ki yaa tundi ba ki go bangi ba.

Gourmanchéma Bible

¹³ Hali min baa cua, ŋan tieni ania ki yaa cogi U Tienu maama ki yaa tundi ba ki go bangi ba.

1 Timote 4:13 ပူးပေါင်းရင်းမြစ်များ

Jan n diani U Tienu Laabaaliŋamo maama 5:39

Yi cogi ki kpaagi i Diani po bonŋanla, kelima yi tama ke yi baa baa yaa miali n kan gbeni lienni. Laa Diani n tiendi n po siedi.

Jesu Tondiba Tuona 17:11

Yaa Jufinba n ye laa dogu nni den tie nimoanba ki cie Tesaloniki yaaba. Bi den kuani bi yama ki gaa U Tienu maama, ki lingi daali kuli i Diani nni, ki baa le ban wangi ba yaala yaa tie moamoani.

Jesu Tondiba Tuona 6:4

ama tinba wani baa pa ti yula i jaandi leni U Tienu maama wangima po.»

LOMA YAABA 12:8

Yua mo n pia ki yaa paagidi o lieba pala yaa paabu, wan yaa paagidi bi pala. Yua n pia ki yaa puuni yaaba n luo bu paabu mo, wan yaa puuni ba leni ti bulicindi. Yua n baa mi gobidima yaa paabu mo, wan yaa gobidi leni li yankuali. Yua mo n baa mi ninñingbadima yaa paabu, wan yaa pia li pamanli li po.

1 Korenti 14:26

N kpiiba, ti baa tieni lede? Yi yaa taani, one baa yaa pia bu yanbu, one mi bangima, one mi doagidima, one mi malanma, one mi malanma soaginma. Likuli n tieni ke Kilisiti Nitaanli n baa mi todima.

1 Korenti 14:3

Ama yua n wangi U Tienu n yedi o yaala maadi leni bi niba, ki todi ba ke bi suagi liiga, ki tundi ba ki paagidi bi pala, ki go baagidi ba.

1 Korenti 14:6

N kpiiba, li baa yaa pia yi po be yaa fuome n yaa cua yi kani ki maadi yi mi malanma, ki naa doagidi yi po bondoaginkaaliba, bi bandimiba, bi U Tienu n yedi yaala, yaa ka bangimiba?

Mi Tiadima 17:19

O baa yaa kubi ma o baa kani, ki yaa cogi ma o miali dana nni kuli, ki bangi wan baa yaa fangi o Diedo o Tienu maama, ki yaa kubi mi naa bali maama leni mi naa mabilikaama kuli, ki go yaa tiendi man yedi yaala.

1 Timote 4:16

Ŋan kubi a yuli, ki go kubi a bangima, ki yaa se ke li pa likuli nni. A yaa tiendi yeni, a baa faabi a yuli, ki go faabi yaaba n cengi a bangima kuli.

1 Timote 4:6

A yaa tundi ti kpiiba laa tundi kuli, a baa yaa tie Jesu Kilisiti naacenŋamo, yua n dindi o yuli leni li dandanli maama leni mi bangiŋanma, ŋan ŋoadi yaama cain yeni.

2 Timote 3:15

Hali a biwaama nni a bani i Diani. I baa fidi ki pa ŋa mi yanfuoma, yaama n baa ciani a mi tindima nni, kelima a daani Jesu Kilisiti.

2 Timote 4:2

ŋan yaa wangi U Tienu Maama. Ŋan tieni ania, ki yaa moandi lan pa leni lan dingi kuli. Ŋan maadi ki guli yaaba n pia mi niama, ki fu leni yaaba n tudi, ki yaa tundi bi niba, ki go bangi ba leni li juunmoanli.

Titi 2:15

Lani n tie ŋan baa maadi maama, ki tundi ba ki tigini ba, ki fu leni ba leni li bali. Ŋan da tuo oba kuli n fali a.

Josue 1:8

Ŋan yaa tiadi yogunu kuli n bali maama tili ne bangima, ki yaa cogi, ki kpaagi mi po u yensiinu leni ku ñiagu kuli. Tieni man yedi yaala kuli! Yeni, ŋan fii ki jagi yaala kuli, a baa tieni la, li baa cuoni a po bonŋanla mo.