1 Timote 4:12 - U TIENU MAAMA TILI 2013

¹² Ŋan da tuo niloba kuli n fali a kelima a tie nipaano. Ama ŋan tua li bontogidikaala bi nidugikaaba po a maama nni, a tagu nni, a buama nni, a dandanli nni leni a yantugupiengu kuli nni.

Gourmanchéma Bible

¹² Ŋan da tuo ke niloba kuli n fali a kelima a tie jawaalo. Ama ŋan tua li bontogidikaala bi nidugikaaba po a maama nni, a tagu nni, a buama nni, a dandanli nni leni a yantugupiengu nni kuli.

1 Timote 4:12 ပူးပေါင်းရင်းမြစ်များ

Sakari 2:4

N den buali o: «Bi cua ki tiendi be?» O den guani ki yedi: «Bi cua ki baa jieni ki go bolini yaa nilanbuoli n den fii ki sedi ki yadi Juda diema yaaba, hali maama ke ba niyendo ki den ye yua n baa fidi ki mua jama.»

Matie 18:10

Fangi mani yi yula ki da fali a bonwaala na siiga ba yendo, kelima n yedi yi ke tanpoli po, bi malekinba ye Baa yua n ye tanpoli nintuali yogunu kuli. [

1 Korenti 11:1

Yin yaa ŋua n fuuli nani min ŋua Kilisiti fuuli maama.

Filipi 4:8

N kpiiba, yaa maama n sieni tie mine: yin yaa tia yaala n tie moamoani, yaala n pia ti jigidi, yaala n tiegi, yaala n ŋani, bi niba n bua yaala ki faadi la kuli, yaala n pia o siediŋamo leni ti bulicindi, ki pundi bi niba n pagi la kuli. Yaa tia mani lankuli yaa po!

1 Tesaloniki 1:6

Yi den ŋoadi tinba leni o Diedo fuuli ki gaa U Tienu Maama, ba o falaciamo siiga leni U Tienu Fuoma Yua n puuni yaa pamanli.

1 Tesaloniki 2:10

Yinba leni U Tienu kuli tie ti po siedi, ke ti den pia yaa tagi n gagidi ki go tiegi ki naa pia ban baa fidi ki kuli ti leni yaala yinba yaaba n daani siiga.

1 Timote 1:14

Ti Diedo den ŋanbi n po hali ke li kandi, ki puni nni yaa dandanli leni yaa buama n ñani Jesu Kilisiti kani.

2 Timote 2:15

Ŋan moandi ki doagidi U Tienu nintuali ke a tie ban biigi ki pagi yaa nilo, nani yaa tuonsoanlo n kaa jie i fe o tuonli po, ama ki wangi i moamoani maama ke li tiegi.

2 Timote 2:22

Ŋan sani ki ŋaa bi nipanba bonbuaka-biadila, ki yaa lingi mi teginma, li dandanli, mi buama, mi yanduanma, ki taani leni yaaba n jaandi o Diedo leni li papienli.

2 Timote 2:7

Ŋan gaa min yedi a yaala na, kelima o Diedo baa pa ŋa mi yanfuoma, ŋan fidi ki bandi likuli.

Titi 2:15

Lani n tie ŋan baa maadi maama, ki tundi ba ki tigini ba, ki fu leni ba leni li bali. Ŋan da tuo oba kuli n fali a.

Titi 2:7

Ŋan tua bi po li bontogidikaala a tuonŋama nni. Ŋan yaa bangi yaa bangima n ŋani, ki go dagidi.

Jaki 3:13

Yi siiga, ŋme n tie o yanfuodaano ki pia mi bancianma ki fani? Wan doagidi o tagiŋamu nni o tuonŋama, ya n yegi leni li yumiinli leni mi yanfuoma.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, ki dingi, ki pia li yumiinli, ki gbie leni mi ninñingbadima. Mi tiendi a tuonŋama, maa tiendi gagidima bi niba siiga, maa pia palalie mo.

1 Pieri 5:3

Yin da gobidi ban piani yi yaaba leni u paalu, ama yin yaa tie li bontogidikaala u yankulu po.