1 Timote 4:1 - U TIENU MAAMA TILI 2013

¹ U Tienu Fuoma maadi bonŋanla ki yedi, ke mi juodima yogunu yaa nagini, bi nitianba baa ŋaa li dandanli Kilisiti nni, ki tuo ki ŋoadi i bilisinba yaa boandi leni mu cicibiadimu yaa bangima.

Gourmanchéma Bible

¹ U Tienu Fuoma maadi bonŋanla ki yedi ke mi juodima yogunu yaa nagini, bi nitianba baa ŋa li *dandanli Kilisiti po sanŋoadima, ki tuo ki ŋoadi i bilisinba yaa boandi leni mu cicibiadimu yaa bangima.

1 Timote 4:1 ပူးပေါင်းရင်းမြစ်များ

Mi cilima 3:13

Li Miali Diedo U Tienu den yedi o pua: «Be yaa po yo ke a tieni line?» O pua den yedi: «O wa n boandi nni, ke n ŋmani.»

1 Bi Badiba 13:18

Ama o jakpelo yeni den yedi o: «Nmoko tie saawalipualo nani fini yene. O Diedo teni ke maleki yedi nni ke min guani a n denpo ŋan baa ŋan baa je yaala leni ŋan baa ño yaala.» Li den tie faama.

Esayi 2:2

Mi juodima yogunu yaa pundi, O Diedo bili ke o diegu n ye yaa juali po, Baa kpedi ki cie a joabila kuli, Ba a joaciama moko. I nilanbuoli kuli mo baa yaa tigibi Ki caa likani.

Jeremi 23:26

Hali u laa yogunu yo ke laa saawalipuaba baa yaa baa ki mangidi bi pala mi faama saawalipuama nni? Hali u laa yogunu yo ke bi go baa yaa pua mi faama ki tulindi n niba?

Jeremi 48:47

Ama li daali kpendi, Ke n baa guani ki ŋanbi Moabi. O Diedo n yedi yeni.» Lani n tie Moabi diema buudi gbenma.

Jeremi 49:39

Ama u yogunu kpendi ke n baa Guani ki ŋanbi Elami. Mini o Diedo n yedi yeni.»

Esekieli 38:16

A baa fii ki cua ki baa n niba Isidayeli yaaba, nani ti tawadi n yen libini mi diema maama yeni. Laa bonla baa tieni mi juodima yogunu. N baa teni ŋan cua ki baa n diema, ke i nilanbuoli n bandi nni. N baa teni bi nilanba n bandi nni leni fini Gogi paalu.›

Danieli 10:14

O den yedi nni: n cua a kani ki baa waani a yaala n baa ti faa ki cua a buolu po, kelima li go pia li bonlekaala lanyogunu po.»

Ose Tili 3:5

Li yaa puoli, bi baa lebidi ki cua ki lingi o Diedo, bi Tienu leni bi bado, Davidi puoliŋuani siiga. Bi baa faa ki guani o Diedo kani leni li fangili, ki go baa o ŋanbili.

Mise 4:1

U yogunu yaa pundi, O Diedo bili ke o diegu n ye yaa juali po, Baa kpedi ki cie a joabila kuli, Ba a joaciama moko. I nibuoli baa yaa tigibi ki caa likani.

Mi Coadima 24:14

To, moala n baa lebidi ki kuni n buolu po. Cua ne, min tuodi ki waani a, laa nibuolu n baa ti faa ki soani a niba yaa tuona.»

Matie 18:7

Fala baa yaa ye leni ŋanduna yua n cuani li tingbali bonla. Li kan tuo ke li tingbali bonla kan yaa ye. Ama fala baa ye leni yaa nilo n cuani la.

Luki 17:1

Jesu den yedi o ŋoadikaaba: «Laa pia ke yaala n baa teni bi niba ban yaa tiendi ti tuonbiadi kan yaa kpendi, ama fala baa ye leni yaa nilo n cuani la.

Jan n diani U Tienu Laabaaliŋamo maama 16:13

O yaa cua, wani i moamoani Fuoma yeni, o baa gobidi yi yin bandi i moamoani maama fuuli kuli. O kan maadi o yuceli po ka, ama o baa maadi wan gbadi yaama, ki yaa wangi yi yaa bonla n baa ti cua.

Jesu Tondiba Tuona 13:2

Ban den taani ki jaandi o Diedo yaa yogunu ki luo bu ñoabu U Tienu Fuoma Yua den yedi: «Gagidi mani n po Barnabasi leni Soli ke ban yaa tuuni min yini ba yaa tuonli po.»

Jesu Tondiba Tuona 17:18

Ban den yi yaa yanfuodanba Epikuriyenba leni Sitoyisieninba siiga, bi tianba den boe leni Poli. Bine den tua: «O maciandaano na bua ki yedi be?» Bine mo n yaa tua: «Li naani ke o bua ki maadi bucaaniba yaa maame.» Bi den yedi yeni, kelima Poli den wangi ba Jesu Laabaaliŋamo leni bi tinkpiba fiima maama.

Jesu Tondiba Tuona 20:23

Ama bonyenla, min gedi yaa dogi kuli, U Tienu Fuoma Yua yen wangi nni, ke ti kpaadi leni fala bili ki guu nni.

Jesu Tondiba Tuona 21:11

O den taa Poli gbanñagidigu ki loli wani o ba yaa taana leni o nii kuli, ki yedi: «U Tienu Fuoma Yua yedi ke Jufinba baa loli ku gbanñagidigu na daano nanda yo Jerusalemi, ki teni o bi nilanba.»

Jesu Tondiba Tuona 28:25

Ban den ña o kani ki nia leni biyaba, Poli den maadi mayenma ki pugini ki yedi: «U Tienu Fuoma Yua den pia moamoani, wan den teni ke o saawalipualo Esayi maadi leni yi yaajanba yaa maama ki yedi:

1 Korenti 10:20

N bua ki yedi ke yaaba n padi i buli yeni, padi mu cicibiadimu po yo, baa padi U Tienu po ka. Mii bua ke yin yaa pia ŋantaadoba leni mu cicibiadimu.

1 Korenti 11:19

kelima li tie tiladi mi paadima n yaa ye yi siiga, ke yaaba n se i moamoani nni n doagidi.

1 Korenti 12:11

Laa Fuoyenma n tuuni laa tuonbuoli kuli, ki puuni nilo kuli oba, nani wani o ba n bua maama.

1 Korenti 2:10

U Tienu teni ke o Fuoma doagidi la tinba yaa po. O Fuoma biigidi li bonla kuli, baa U Tienu jaga ya n wuo ki ñua.

2 Korenti 11:3

Ama n jie, nani o wa n den boandi Awa leni o nunfanbiadibu maama, ke ban da ti biidi yi yantiana, yin yaadi ki ŋaa Kilisiti, yin bua yua leni payenli yeni.

Mi Tiadima 32:29

Bi yaa bi pia yanfuome, bi bi baa bandi lani kuli, Ki yaa faami yaala n baa ti faa ki cua bi po.

Mi Tiadima 4:30

Laa bonla kuli yaa tieni yi, ke yi ye li paboanli nni yaa yogunu, yi baa lebidi ki guani o Diedo yi Tienu kani, ki cengi o nialu.

Kolosi 2:18

Yin da tuo niloba kuli n fie yi nuama panpaani, nani wan bua maama, ba yaaba n kpali ke bi pia li yumiinli ki jaandi malekinba. Bi puni bi yula li bonlekaala po, ki gbengidi bi yula fanma fanma bi gbanandi yantiana po.

2 Timote 3:13

Ama bi nibiadiba leni i boandi danba baa suagi liiga mi biadima nni, ki yaadi biba ki go yaa yaandi nitoaba.

2 Timote 4:4

Bi go baa lebidi ki ŋaa i moamoani cengima, ki yaa cengi a togidifana.

Jaki 3:15

Laa yanfuoma buolu naa tie yaama n ñani tanpoli. Ama mi tie ŋanduna yaama, ki go tie ti gbanandi yaama, ki ñani mu cicibiadimu kani.

1 Pieri 1:20

U Tienu den tuodi ki gandi wani Kilisiti lani kuli po, hali ke ŋanduna daa tagi, ki doagidi o ŋanduna juodima yogunu yinba yaa po.

2 Pieri 2:1

Nani bi saawalipua-faadanba n den ye Isidayeli yaaba siiga maama, bi bangi-faadanba moko baa yaa ye yi siiga yene. Bi baa boandi ki kuani mi bangifaama yaama n bia yi siiga. Laa bangima baa bolini bi niba. Bi baa yie ba o Diedo yua n den daa ki faabi ba, ki jaligi ki cuani bi yula po mi bolinma.

2 Pieri 3:3

Yin tuodi ki bandi ke mi juodima yogunu, li ñuali danba baa cua leni bi ñuali, bani yaaba n ŋua bi gbanandi bonbuakaala.

1 Jan 2:18

Yinba n bila, mi juodima yogunu nagini. Yi gbadi ke Kilisiti yieka baa cua. Ba moala Kilisiti yiekaaba ye boncianla. Lani yaa po, ti bani ke mi juodima yogunu nagini.

1 Jan 4:6

Ama tinba wani tie U Tienu yaaba. Yua n bani U Tienu kuli cengi ti maama. Yua n kaa tie U Tienu yua kuli, waa cengi ti maama. Lani n teni ke ti bani i moamoani Fuoma leni mi tuofaama gagidima.

Jude 1:18

Bi den tua yi: «Mi juodima yogunu li ñuali danba baa yaa ye, yaaba n ŋua bi gbanandi bonbuakaala, ki yie U Tienu.»

Jude 1:4

Bi nitianba wuoni ki kua yi siiga. I Diani den maadi laa niba buudi cuonu hali yogu. Bi tie U Tienu yiekaaba, yaaba n lebidi ti Tienu ŋanbili, ke lin tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

Mi Doagidima 13:14

O den boandi ki tinga yaaba leni wan den tiendi yaa bancianma, ki fuayankpiaga nintuali. O den teni ke ki tinga yaaba n tagi ki fuayankpiaga, yua n den baa ki jugisiega poagilima ki go paagi yeni, nannanli.

Mi Doagidima 16:14

Mu tie yaa cicibiadimu n tiendi yaa bancianma n tie mi maalima. Mu caa ki tinga kuli badiba kani, ki baa taani ba bu toabu po, U Tienu U Paaciamu Kuli Daano dacianli daali.

Mi Doagidima 18:2

O den kpaani leni u nialiciamu ki tua: «U baa, u baa, u dociamu Babilonni baa. U tua mu cicibiadimu yekaanu, Muni i bilisinba buoli kuli yekaanu, Leni yaa bonyugiditi n joagini Ki gundi mo n jiidi naankani.

Mi Doagidima 18:23

Ki fidisanga yenma Kan go yendi a niinni abada. Bi kan go gbadi li puocaan-pamanli Niali a niinni abada, Kelima a kpenda den tie Bi nicianba ki tinga nni, A den boandi i nibuoli kuli Leni a tanbipuali.

Mi Doagidima 19:20

O den cuo ki fuayanga, wani leni o saawalipua-faadaano, yua n den tiendi mi bancianma o nintuali, ki boandi yaaba n gaa ki fuayanga maalima, ki go gbaani ki kpiagi o nannanli. O den luni bani bonbilie kuli ku fantanbuogu nni ke bi fo, li cidibili n co naani.

Mi Doagidima 2:11

Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, mi kuliedima kan nandi o.› »

Mi Doagidima 2:17

Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, n baa pa o yaa manni n den wuo, ki go pa o li tanpienli, ban diani li yepanli yaali yaa po, oba kuli n ki bani yaali, se yua n baa li bebe.› »

Mi Doagidima 2:29

Yua n pia a tuba, wan cengi mi Fuoma n tua Kilisiti Nitaana yaala.› »

Mi Doagidima 2:7

Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, n baa pa o wan yaa di li miali tibu, yaabu n ye ŋalijani nni, bonluonkaala.› »

Mi Doagidima 20:10

Bi den luni ku tuotabigu yudaano yua n den boandi ba, u fantankpenu nni, li cidibili n co u mu naani, ki fuayanga leni o saawalipua-faadaano n ye naankani, ke bikuli baa yaa ye leni mi funfunma u yensiinu leni ku ñiagu kuli, hali yaa yogunu kuli.

Mi Doagidima 20:8

O baa ña ki boandi i nibuoli, yii n ye hali ki tinga kaannaadi kuli, lani n tie Gogi leni Magogi, ke wan fidi ki taani ba bu toabu po. Bi coali baa yaa tie nani mi ñincianma tanbiima yeni.

Mi Doagidima 3:13

Yua n pia a tuba, wan cengi mi Fuoma n tua Kilisiti Nitaana yaala.› »

Mi Doagidima 3:22

Yua n pia a tuba, wan cengi mi Fuoma n tua Kilisiti Nitaana yaala.»

Mi Doagidima 3:6

Yua n pia a tuba, wan cengi mi Fuoma n tua Kilisiti Nitaana yaala.› »

Mi Doagidima 9:20

O falabiado yeni n kaa den kpa yaaba, baa den lebidi bi pala leni bi nii n tagi yaala. Baa den cedi kaa go kpiagidi mu cicibiadimu, i buli, yaala n tie wula, yaa ka ŋanjilifa, yaa ka ti kumoandi, yaa ka a tana, yaa ka ti daadi, yaala n kaa nua, kaa gba, kaa cuoni mo.