1 Timote 3:8 - U TIENU MAAMA TILI 2013

⁸ Li go tie tiladi Kilisiti Nitaanli todikaaba moko n yaa tie bi niba n jigindi yaaba, ban da pia palalie, ki da kuani bi yama li dañoli nni, ki da kuani bi yama yaa ñuadi n pia i fe moko nni.

Gourmanchéma Bible

⁸ Li go tie tiladi Kilisiti n yini yaaba todikaaba moko n yaa tie bi niba n jigindi yaaba, ban da pia pala lie, ki da kuani bi yama li dañoli nni, ki da kuani bi yama yaa ñuadi n pia i fe moko nni.

1 Timote 3:8 ပူးပေါင်းရင်းမြစ်များ

Pisomi 12:2

O Diedo, gaa ti, Kelima bi niteginkaaba ki go ye. Bi papiendanba bodi bi nisaaliba siiga.

Pisomi 5:9

O Diedo, gobidi nni a teginma nni, Kelima yaaba n sedi n po yabi. Ŋanbi a sanu n nintuali.

Pisomi 50:19

A teni ke a ñoabu maadi yaala n bia, A lanbu mo pia i janbi.

Pisomi 52:2

Li maadi Edomi yua Doyegi N den waani Sayuli ke Davidi ye Ahimeleki kani yaa maame.

Esekieli 44:21

Kopadiciamoba kan ño daama o yaa baa kua deeni yaa luolu nni.

Levi 10:9

«Yi yaa baa kua u Kadikaanu Gbandieli nni, fini leni a bijaba n da ño duven bi dabiadimiba kuli. Yeni, yi kan kpe. Laa bali maama baa yaa ye hali yaa yogunu kuli, yinba leni yi puoliŋuani po.

LOMA YAABA 3:13

Bi niabonma kuli tie nani yaa takuli n ya yeni, Bi landi mo gbie leni i boandi. Yaa maama n ña bi ñoacuuna nni bia, Nani o duduuno loabidi yeni.

Filipi 1:1

Mini Poli leni Timote, Jesu Kilisiti naacenba, n diani yi po li tili, yinba yaaba n tie bi nigagidiŋanba Jesu Kilisiti nni, ki ye Filipi dogu nni leni yi nitaanli yudanba leni yi todikaaba kuli.

1 Timote 3:12

Kilisiti Nitaanli todika n yaa pia puoyendo bebe, ki gobidi o bila leni o diegu bonŋanla.

1 Timote 3:2

Li tie tiladi ke yua n tie o gobidika Kilisiti Nitaanli siiga, n da pia ban baa fidi ki kuli o leni yaala. Wan yaa pia puoyendo bebe, ki pia mi yansoangima leni u tagiŋamu, ki kubi o yuli, ki gaani bi niba cangu leni mi buama, ki go tie yua n fidi mi bangima.

1 Timote 3:3

Wan da tie yua n puni o yuli li dañoli, wan da tie yua n bua janjanma, wan yaa tie yua n dingi kaa bua koanli, kaa bua ligi ke li pendi.

1 Timote 5:23

Ŋan da go ñu mi ñima bebe, ŋan yaa ñu duven waamu waamu, yaala n baa todi a a tugukoanu po leni yaa yiani n lindi ki co ŋa po.

Titi 1:7

Li tie tiladi ke Kilisiti Nitaanli gobidika n yaa tie U Tienu naacendugika, wan da pia ban baa fidi ki kuli o leni yaala. Wan da tie tupaalu daano, mutuodaano, dañolo, yua n faadi li koanli leni yua n kuandi o yama i janbi ñuadi nni.

Titi 2:3

Ŋan go yaa wangi a puociana ke bi tagi n yaa tuugi leni mi gagidiŋanma, ban da tie tuotabigu danba, yaa ka dañogaada. Ama li pundi ban yaa bangi yaala n ŋani,

Jaki 3:10

Ti pagidi leni ti solindi kuli ña ñoayenbu nni. N kpiiba, laa ŋani lan yaa tie yeni.

1 Pieri 5:2

Yin yaa kpaa U Tienu yankulu, yuu n ye yi kani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la, ke yi yama ye lienni moamoani.