1 Timote 3:2 - U TIENU MAAMA TILI 2013

² Li tie tiladi ke yua n tie o gobidika Kilisiti Nitaanli siiga, n da pia ban baa fidi ki kuli o leni yaala. Wan yaa pia puoyendo bebe, ki pia mi yansoangima leni u tagiŋamu, ki kubi o yuli, ki gaani bi niba cangu leni mi buama, ki go tie yua n fidi mi bangima.

Gourmanchéma Bible

² Li tie tiladi ke yua n tie o gobidika Kilisiti n yini yaaba siiga n da pia ban baa fidi ki kuli o leni yaala. Wan yaa pia poyendo bebe, ki pia mi yansoangima leni u tagiŋamu, ki kubi o yuli, ki gaani bi niba cangu leni mi buama, ki go tie yua n fidi mi bangima.

1 Timote 3:2 ပူးပေါင်းရင်းမြစ်များ

Esayi 56:10

Yaaba n guu Isidayeli kuli tie juama, Baa bani puu kuli. Bikuli tie sangbanmuula. Bi kan fidi ki gogi, Kelima bi faadi mi guama. Bi faadi ki waagi ki dua, Ki dangi boncianla.

Luki 1:6

Bani nibilie yeni kuli den tiegi U Tienu nintuali. Bi den ŋua o Diedo bali maama leni o mabilikaama kuli cain kaa pia tagili.

Luki 2:36

O saawalipualo den ye ki yi Anni ki tie Fanueli bisalo Aseri buolu yua, ki den kpeligi boncianla. O den tieni binalele leni o calo hali o jafandi nni.

LOMA YAABA 12:13

Yin yaa todi mani bi nigagidiŋanba leni ban luo yaala, ki gaani bi canba cangu bonŋanla.

Filipi 2:15

Yeni n tie yin yaa ŋani cain, ki pia li papienli, ki tie U Tienu bila ban kan fidi ki kuli yaaba leni liba kuli, moala ne niba yaaba n joagini ki bia siiga. Yin yaa yieni nani i mukaani yeni ŋanduna yaaba siiga,

1 Timote 3:12

Kilisiti Nitaanli todika n yaa pia puoyendo bebe, ki gobidi o bila leni o diegu bonŋanla.

1 Timote 3:8

Li go tie tiladi Kilisiti Nitaanli todikaaba moko n yaa tie bi niba n jigindi yaaba, ban da pia palalie, ki da kuani bi yama li dañoli nni, ki da kuani bi yama yaa ñuadi n pia i fe moko nni.

1 Timote 4:3

Bi bangi ke joa n da taa pua, ki go bangi ke ban da di jetianma U Tienu n tagi yaama, ke yaaba n tie bi nidugikaaba ki go bani i moamoani, n yaa di ki tuondi U Tienu.

1 Timote 5:10

ki tie bi niba n pagi yua o tuonŋama po, ki go tie yua n den wubi a bila, ki gaani bi canba cangu leni mi buama, ki nigidi bi nigagidiŋanba taana, ki todi yaaba n ye leni fala, ki tieni a tuonŋama buoli kuli.

1 Timote 5:22

Ŋan da jaligi ki maani a nii niloba po, ki da taani leni nitoa o tuonbiadi nni. Fini a ba mo n kubi a yuli, ki yaa ŋani.

1 Timote 5:9

Ŋan da diani kpepuoli yeli a kpepuona tili nni, kali o pundi bina piiluoba, ki den pia jayendo,

2 Timote 2:24

Laa ŋani o Diedo naacemo n yaa pia a koana, ama wan yaa tie yua yaa yama n dingi bi niba kuli po, ki yaa pia mi bangima paabu, ki go yaa pia li juunli.

Titi 2:2

Ŋan yaa wangi a jakpela ke ban yaa kubi bi yula, ki yaa tie bi niba n jigindi yaaba, ki pia li yantiaŋanli, ki se ke li ŋani li dandanli nni, mi buama leni li juunli nni.

Hebilunba 13:2

Yin da sundi ki yaa gaani bi canba cangu, kelima bi tianba den tieni yeni, ki gaa malekinba cangu kaa bani.

Hebilunba 3:14

Kelima ti taa leni Kilisiti, ki tie yenma leni o li yaa tie ke ti kubi tin den kpa pia yaa dugidi hali mi juodima.

1 Pieri 4:7

Li bonla kuli juodima nagini. Yin faami ki yaa kubi yi yula, lani n tie yin fidi ki yaa jaandi.

1 Pieri 4:9

Yin yaa gaani yiyaba cangu, ki da yenbidi.

1 Pieri 5:8

Yin yaa kubi mani yi yula ki yaa faami, kelima yi yibali Sutaani, goadi nani yaa yangbanlo n duni ki lingi wan baa cuo yua ki ŋmani yeni.