1 Timote 3:1 - U TIENU MAAMA TILI 2013

¹ Yaa maama n tie ne tie mi madugikaama. O nilo yaa lingi ki bua ki tua gobidika Kilisiti Nitaanli siiga, o bua yaa tuonli n ŋani.

Gourmanchéma Bible

¹ Yaa maama n tie na tie mi madugikaama. O nilo yaa lingi ki bua ki tua gobidika Kilisiti n yini yaaba siiga, o bua yaa tuonli n ŋani.

1 Timote 3:1 ပူးပေါင်းရင်းမြစ်များ

Mi Kpanjama 11:30

O niteginka bontienkaala tie li miali tibu. O yanfuodaano mo dadi bi niba ki kpendinni o kani.

Luki 15:10

N yedi yi ke li baa yaa tie yeni tanpoli po. U Tienu malekinba baa mangi bi pala kelima ti tuonbiadi daano yendo yua n lebidi o yama.»

Jesu Tondiba Tuona 1:20

Li diani Pisomi tili nni: ‹O diegu n tua diegbengu, Oba kuli n da go yaa ye lienni.› Li go diani: ‹Nitoa n gaa o tuonli.›

Jesu Tondiba Tuona 20:28

Fangi mani yi yula, ki go yaa guu u yankulu kuli, yuu n tie Kilisiti Nitaanli, U Tienu Fuoma Yua n kaani yi yaaba siiga, ke yin yaa tie bi gobidikaaba. Yin yaa tie nani bi yankpaaba, ki kpaa U Tienu nitaanli yaaba, wan daa yaaba leni o soaceli.

LOMA YAABA 11:13

Moala, n maadi leni yinba bi nilanba, kelima n tie U Tienu tondo bi nilanba po. N jigini min pia yaa tuonli bi nilanba siiga,

Efesa 4:12

O den tieni yeni ki bua ki yaa ŋanbidi o nigagidiŋanba cain, ki bogini ba ban yaa tuuni, ki teni wani Kilisiti gbanandi n yaa kpedi ki suagi liiga.

Filipi 1:1

Mini Poli leni Timote, Jesu Kilisiti naacenba, n diani yi po li tili, yinba yaaba n tie bi nigagidiŋanba Jesu Kilisiti nni, ki ye Filipi dogu nni leni yi nitaanli yudanba leni yi todikaaba kuli.

1 Tesaloniki 5:14

Ti kpiiba, ti go tundi ki mia yi yin tuodi ki yaa tundi yaaba n ye sindi-sindi yema, ki yaa paagidi yaaba yaa gbani n wudi, ki todi yaaba n tadigi, ki yaa pia li juunli leni bi niba kuli.

1 Timote 1:15

Yaa maama n tie ne tie mi madugikaama, ki pundi bi niba n gaa ma cain, ke Jesu Kilisiti den cua ŋanduna nni ki baa tindi ti tuonbiadi danba. Bi siiga nni mini n cie.

1 Timote 4:9

Laa maama tie mi madugikaama, ki pundi bi niba kuli n gaa ma.

2 Timote 2:11

Mine n tie mi madugikaama: Ti yaa kpe leni o, Ti baa yaa ye ki fo leni o.

Titi 1:7

Li tie tiladi ke Kilisiti Nitaanli gobidika n yaa tie U Tienu naacendugika, wan da pia ban baa fidi ki kuli o leni yaala. Wan da tie tupaalu daano, mutuodaano, dañolo, yua n faadi li koanli leni yua n kuandi o yama i janbi ñuadi nni.

Titi 3:8

Laa maama tie mi madugikaama. N bua ŋan bangi ki go ñii li po bonŋanla, ke yaaba n daani U Tienu n yaa tiendi ania a tuonŋama tienma po. Lani n ŋani, ki go pia mi fuoma bi niba kuli po.

Hebilunba 12:15

Yin fangi yi yula, ke oba n da muni o yuli U Tienu ŋanbili. Yin go fangi yi yula ke yaa jiinu n bia ki to kuli, n da toa a benkpela, ki cuani ti yanyagidi, ki yaa joagindi bi niba boncianla.

1 Pieri 2:25

Yi den tie nani yaa pe n yaadi yeni, Ama moala, yi guani yi yankpaaŋamo kani, Wani yi guudika yaa kani.

1 Pieri 4:15

Ama yi siiga nni oba kuli n da le fala kelima o tie nikpalo, suudo, bi kelima o tieni biaditoama po. Lan didi da tie ke o kua yaa maama n kaa pundi o yaa niinni.

1 Pieri 5:2

Yin yaa kpaa U Tienu yankulu, yuu n ye yi kani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la, ke yi yama ye lienni moamoani.