1 Timote 2:5 - U TIENU MAAMA TILI 2013

⁵ Kelima U Tienu ye ki tie yendo bebe, o candanbaalo moko ye ki tie yendo bebe U Tienu leni bi niba siiga. Lani n tie Jesu Kilisiti yua n den tua nisaalo.

Gourmanchéma Bible

⁵ Kelima U Tienu ye ki tie yendo bebe, o *candanbaalo moko ye ki tie yendo bebe U Tienu leni bi niba siiga, lani n tie Jesu Kilisiti yua n den tua nisaalo.

1 Timote 2:5 ပူးပေါင်းရင်းမြစ်များ

Jobi 9:33

Ti siiga nni naa pia yua n baa Saa ti po i moamoani, Yua n baa maani o nuu tipo.

Esayi 44:6

O Diedo Isidayeli bado, Wani Li Miali Diedo U Paaciamu Kuli Daano Yua n daa ki faabi ba, Yedi yaa maama n tie ne: «N tie o kpialo leni o juodika Mini yaa ka, toa ki ye.

Matie 1:1

Jesu Kilisiti yaajanba yela togida n tie ne: Jesu Kilisiti tie Davidi bijua, ke Davidi mo tie Abalahama puoliŋuanu.

Matie 1:23

«Diidi, li puowandiali baa punbi ki maa bonjaga. Bi baa yini o Emanueli.» Laa yeli bundima n tie “U Tienu ye leni ti.”

Luki 14:22

Lan yeni waamu, o naacemo den guani ki yedi o: ‹Canbaa, n tieni ŋan bi puogi nni yaala, ama u kaanu go sieni.›

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga. Ti den laa wani ki Bonjayenyenga yeni, yua n gbie leni li ŋanbili leni i moamoani kpiagidi. O den baa laa kpiagidi Baa kani.

Jan n diani U Tienu Laabaaliŋamo maama 17:3

Yaa miali n kan gbeni tie, ban bandi fini bebe, yua n tie U Tienu moamoani, ki go bandi ŋan soani yua, Jesu Kilisiti.

Jesu Tondiba Tuona 4:12

Mi tindima ki ye nitoa kuli kani, kelima yetoali kuli ki ye ŋanduna nni tin baa tindi kelima yaali yaa po.»

LOMA YAABA 1:3

O Laabaaliŋamo yeni maadi o Bijua maama fuule. A yaa diidi ban mali o yaa buolu nni, o tie Davidi puoliŋuanu.

LOMA YAABA 10:12

Lanwani, mi gagidima ki ye Jufi leni yua n kaa tie Jufi siiga, bikuli taa Diediyendo, wani yua n seligidi yaaba n jaandi ki miadi o kuli boncianla.

1 Korenti 8:4

Moala n baa maadi ti padinandi maama. Ti bani ke bulo naa ye ŋanduna nni, ke tiento mo ki ye, se Tienyendu bebe.

1 Korenti 8:6

Ama tinba yaa po wani, Tienyendu bebe n ye, yua n tie Baa. Wani n den tagi li bonla kuli, timo ye o yaa po yo. Diediyendo bebe n ye, wani n tie Jesu Kilisiti. Li bonla kuli den tagi kelima o po, timo ye kelima wani yaa po.

Galati 3:20

O candanbaalo kan yaa ye niyendo bebe po. Ama U Tienu wan tie yendo.

Efesa 4:6

Tienyendu bebe n ye, yua n tie Baa tikuli po, yua n die tikuli, ki ye tikuli siiga, ki go ye tikuli yaa niinni.

Mi Tiadima 6:4

Cengi mani, yinba Isidayeli yaaba! O Diedo ti Tienu, o Diedo yeni tie YENDO.

1 Timote 6:13

N teni a li ñoamabonli U Tienu yua n puni yaala n fo kuli li miali yaa nintuali leni Jesu Kilisiti nintuali, wani yua n den tieni o siediŋamo Ponsi Pilati nintuali,

Hebilunba 12:24

Yi cua Jesu kani, wani yua n tie o ŋantaadipaano yaa candanbaalo leni o soama kani, yaama n mii ki maadi yaa maama n ŋani ki cie Abeli yaa soama n den maadi yaala.

Hebilunba 7:25

Li tie lani yaa po, ke o baa fidi ki faabi yaaba n nagidi U Tienu, kelima o yaa todima po yaa yogunu kuli. O ye ki fo yogunu kuli, ki miadi U Tienu bi po.

Hebilunba 8:6

Ama moala Kilisiti pia yaa tuonli n ŋani ki cie yeni, kelima o tie yaa ŋantaado n ŋani ki cie yaa candanbaalo. Laa ŋantaado se yaa ñoaniani n ŋani ki cie po.

Hebilunba 9:15

Li tie lani yaa po ke Kilisiti tie o ŋantaadipaano candanbaalo, ke U Tienu n yini yaaba kuli n baa wan den niani ba yaa ŋalimano, yua n baa yaa ye hali yaa yogunu kuli. Lani kuli baa tieni kelima Kilisiti kpe, ke o kuuma faabi ba leni ban den tieni yaa tuonbiadi o ŋantaadikpialo n den die ba yaa yogunu.

1 Jan 2:1

N bibuadimu, n diani yi po yaala n tie ne ke yin da tieni tuonbiadi. Yi siiga nilo yaa tieni tuonbiadi, ti pia o candanbaalo ti Baa U Tienu kani. Lani n tie Jesu Kilisiti o niteginka.

Mi Doagidima 1:13

Yua n naani leni o nisaalo den ye i fidisantuankaani yeni siiga. O den la liadicianli ke li jiidi hali o taafaadi, ki ñaagi o benli wula ñagidu.