1 Timote 1:9 - U TIENU MAAMA TILI 2013

⁹ Ti go bani ke baa bili li bali maama yeni o niteginka po ka. Ama bi bili ma bi nibiadiba leni yaaba n yie li bali maama, U Tienu yiekaaba, ti tuonbiadi danba, yaaba n kaa ŋua U Tienu sanu, kaa fangi o mo, yaaba n kpaani bi baanba leni bi naanba, nikpalo kuli,

Gourmanchéma Bible

⁹ Ti go bani ke baa bili li balimaama yeni o niteginka po, ama bi bili ma bi nibiadiba leni yaaba n yie li bali leni U Tienu yiekaaba leni ti *tuonbiadi danba po, leni yaaba n kaa ŋua U Tienu sanu kaa fangi o mo yaa po, leni yaaba n ku bi baanba leni bi naanba, leni nikpalo kuli po,

1 Timote 1:9 ပူးပေါင်းရင်းမြစ်များ

2 Samueli 16:11

Davidi go den yedi Abisayi leni o badibaanba kuli: «N bimadiga yaa bua ki kpa nni daa, yaa joa n tie Benjamen buolu na mo te? Cedi mani wan yaa solini kelima o Diedo n puogi o yeni.

2 Bi Badiba 19:37

Dayenli o den kua o bulo Nisiroki dieli nni ki labini ki baa pugi o, o bijaba Adirameleki leni Saretiseli den taa mu jugisiemu ki kpa o, ki sani ki gedi Ararati diema nni. O bijua Asaradoni den gaa o kaanu, ki dini Asiiri diema bali.

2 Bi Badiba Jama 32:21

Lanwani, o Diedo den soani maleki Asiiri bado toagoli nni, ke o bolini a jakoanda kuli leni o toatieba yudanba kuli. Asiiri bado den guani ki kuni o denpo leni i fe. Dayenli o den kua o bulo dieli nni, ke o bijaba den kua ki kpa o leni ki jugisiega lienni.

Mi Ñama 20:13

Yin da kpa nilo.

Mi Ñama 21:14

Ama nilo yaa luni nunfanbu ki baa kpa o lielo, ba o yaa sani ki wuoni n padibinbinli kani, yin dadi ki ñani o ki kpa o.

Mi Kpanjama 20:20

Nilo yaa soli o baa leni o naa, O fidisanga baa gbindi li biigili nni.

Mi Kpanjama 28:17

Yua n kpa o lielo kuli ye mi kuuma tagili nni. O yaa tiini ki baa n baa o takuli nni, Oba kuli n da sieni o.

Mi Kpanjama 28:24

Yua n suni o baa leni o naa, Ki yedi ke laa pia tagili, Wani leni bi sanjiaba kuli tie yenme.

Mi Kpanjama 30:11

Bi nitianba ye ki yen soli bi baamado, Ki kan go jigini bi naa mo.

Mi Kpanjama 30:17

Yaa nunbu n ñuadi bu baamado, Ki yie ke bu kan cengi bu naa maama, U kpenu nni kankala baa fiadi bu, Jiebani bila mo baa je bu.

Jeremi 23:11

Ba bi saawalipuaba leni Bi kopadicianba kuli tua jifela. Ba hali n diegu nni, n laa bi biadima. O Diedo n yedi yeni.

Esekieli 21:25

A baa fuu sanyendu, ke ki jugisiega n pundi Anmoni yaaba dociamu Raba leni Juda diema kaanpaalu Jerusalemi.

Levi 20:9

Yaa nilo n soli o baa bi o naa kuli, bi baa kpa li daano. O soama baa guani ki jagini o yuli po, kelima o den soli o baa bi o naa.

Matie 10:21

Kpelo leni waalo siiga, bi tianba baa cuo biyaba ki teni ban kpa ba. Bibaanba baa cuo bi bila ki teni ban kpa ba. A bila mo baa fii ki sedi bi danba po ki cuo ba ki teni ban kpa ba.

LOMA YAABA 1:30

Bi go tie ñoakpalidanba, ki maadi bi lieba po yaala n bia. Bi tie U Tienu yibalinba, yusiedanba, japaadanba leni yaaba n pagi bi yula. Bi cili yaa biadima n ki den kpa ye, ki go tie danyiekaaba mo.

LOMA YAABA 4:13

Li naa tie kelima li bali maama kubima po ka ke U Tienu den niani Abalahama leni o buolu kuli, ke o baa teni ban diedi ŋanduna. Ama li tie wan den baa yaa moamoansaali, kelima li dandanli yaa po.

LOMA YAABA 5:20

U Tienu bali maama den yuandi ki cua ki teni ke i tagili n yabidi. Ama ti tuonbiadi n den yabidi naankani, U Tienu ŋanbili den yabidi likani ki cie.

LOMA YAABA 6:14

Ti tuonbiadi kan go yaa die yi, kelima U Tienu bali maama ki go die yi, ama o ŋanbili n ji die yi.

Galati 3:19

Lanwani, be yaa po ke li bali maama ye? Mi den pugini ki baa doagidi bi niba tuonbiadi, hali U Tienu n den niani u ñoanianu yua yaa po n baa cua. Malekinba den doagidi ma, ke o candanbaalo mo soagini ma.

Galati 5:18

U Tienu Fuoma yaa gobidi yi, li bali maama kaa go die yi.

Galati 5:21

li nunponbiadili, li dañogaadili, ku nuagu leni laa bonbuoli kuli. N go tuodi ki waani yi nani min den kpa wani yi maama, ke yaaba n tiendi laa bonjoagindi buoli kan kua U Tienu diema nni.

Galati 5:23

Li bali maama naa koani leni laa bonla.

Mi Tiadima 27:16

‹Ti solindi n baa yua n fali o naa leni o baa!› Lani, bi niba kuli baa taani ki gaa: ‹Amina!›

2 Tesaloniki 2:8

Lanyogunu, mi biadima daano baa doagidi, o Diedo Jesu n baa bolini yua leni o ñoabu fawaama. O cuama kpiagidi baa biidi o tuonli cain.

1 Timote 4:7

Ama ŋan yie yaa togida n tie fanma fanma, ki nia li dandanli. Ŋan moandi ki yaa se ke li pa U Tienu sanŋoadima nni.

1 Timote 6:20

Fini Timote, ŋan yaa guu U Tienu pianli, ki foagidi leni yaaba ki ŋua U Tienu, n pia yaa mafanma. Ŋan foagidi leni yaa niama n ñani bi niba banma, yaama n tie faama yeni kani.

2 Timote 2:16

Ŋan sani ki foagidi leni mi mafanma, yaama n nia li dandanli. Yaaba n kubi ma baa suagi liiga U Tienu yiema nni yogunu kuli.

2 Timote 3:2

Bi niba baa yaa bua bi yula ŋamu bebe, ki tua i ligi buakaaba. Bi baa yaa tie ñoakpalidanba leni japaadanba, nisugida, danyiekaaba leni ŋanwaadanba, ki go tie yaaba n kaa fangi U Tienu.

Titi 1:10

Li pia bi niyiekaaba boncianla, ama bi yabi yaaba n kua ku koanciagu siige ki cie. Bi boandi biyaba, ki go maadi majoagindi buoli kuli.

Titi 1:16

Bi tua ke bi bani U Tienu, ama bi nia o bi bontienkaala nni. Bi tie cancaginniba leni niyiekaaba, ki kan fidi ki tieni tuonŋanliba kuli.

Titi 1:6

Li tie tiladi ke nikpelo kuli n yaa tie ban kan fidi ki kuli yua leni bonliba. O baa yaa pia puoyendo bebe leni yaa bila n daani Jesu, bi niba n kan fidi ki tabi yaaba leni cagindiba, bi ke bi tie biyenyieda.

Titi 3:3

Timoko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.

Hebilunba 11:31

Li tie li dandanli yaa po ke li puoconconli Rahabi ki den taani ki bodi leni U Tienu yiekaaba, kelima o den gaa Isidayeli yaaba dodiidiba cangu, ki todi ba.

Hebilunba 12:16

Yin go fangi yi yula ke oba n da tie conconma daano leni yua n fali yaala n gagidi, nani Esayu yeni, yua n den kuadi o nikpedi kelima jeyenma po.

1 Pieri 2:7

Laa tanli tie jigidi yinba yaaba n daani po. Ama yaaba n kaa daani po wani, li tie: «Bi tanmaaba n den yie yaa tanli, Lini n tua li tanpuukaali.»

1 Pieri 3:20

Hali yogu, bi den fiini mi yiema U Tienu po, ke o den juuni leni ba ke li waagi. Li den tie Nowe n den kpie ku ñinbiaciangu yaa yogunu. Niba waamu, lani n tie nibinii, yaaba n den kua ku ñinbiaciangu yeni niinni ki faabi leni mi ñima.

1 Pieri 4:18

Nani i Diani n yedi maama: «O niteginka yaa faabi leni fala, yua n yie U Tienu leni ti tuonbiadi daano mo te?»

Jude 1:15

O baa jia bi niba kuli buudi, ki cuo yaaba n yie o kuli, kelima ban yie o ki tieni yaala yaa po. O go cuo ti tuonbiadi danba yaaba n yie o yeni, kelima ban sugidi o yaa sugidi po kuli.»

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i buli danba, yaaba n bua mi faama ki go pua ma kuli, baa yaa ye niinpo.