1 Timote 1:5 - U TIENU MAAMA TILI 2013

⁵ Laa tundi n baa cuani yaala tie mi buama, yaama n ña li papienli, yaa pali siedi n ŋani leni li dandanmoanli nni.

Gourmanchéma Bible

⁵ Laa tundi n baa cuani yaala tie yaa buama n ña yaa pali n pieni niinni, leni yaa pali siedi n ŋani, leni li dandanmoanli.

1 Timote 1:5 ပူးပေါင်းရင်းမြစ်များ

Pisomi 24:4

Se yua yaa nii n ki joagini, Ke o pali mo pieni. Yua n ki puuni o yuli fanma bonla po. Yua kan pua faama ki poli.

Pisomi 51:10

Teni min le li pamancianli. Teni ŋan mudi n kpaba ya yeni mo N le li pamankandikaali, ki jeli ki ciaga.

Jeremi 4:14

Jerusalemi, ñani a pali nni mi biadima, Lani n tie ŋan baa mi faabima. Hali u laa yogunu yo, ke a baa waagi Ki kubi a pali nni ti yantiabiadi?

Sofoni 3:7

N den tama ke li yaa puoli, N niba baa fangi nni ki tuo n tundi, Ke n kan bolini bi dogu. Ama likani yaaba pugini Ki tiendi yaala n bia bebe.

Matie 12:35

O niŋamo ñandi yaala n ŋani, o paŋanli nne. O nibiado mo ñandi yaala n bia, o pabiadili nne.

Matie 5:8

Li pamanli ye leni bi papiendanba, kelima bi baa le U Tienu.

Jesu Tondiba Tuona 15:9

Waa den tieni gagidimiba tinba leni bani siiga. Ban den daani yeni po, o den ŋuudi ki ŋanbi bimoko yaa pala.

Jesu Tondiba Tuona 23:1

Poli den noanli bi cancantieba taancianli ki yedi ba: «N kpiiba, n ye U Tienu nintuali leni yaa pali siedi n ŋani hali dinla.»

Jesu Tondiba Tuona 24:16

Lani n teni ke n moandi yogunu kuli, ke n pali siedi n da bu leni nni, kelima tagiliba po U Tienu kani leni bi niba kani kuli.

LOMA YAABA 10:4

Kelima Kilisiti n teni ke li bali maama kua, ke yaaba n daani kuli n baa li moamoansaali.

LOMA YAABA 12:9

Yin da bua yi lieba mo leni palalie. Yin yaa nani yaala n bia, ki yaa kubi yaala n ŋani ke li pa.

LOMA YAABA 14:15

Ŋan di yaa jiema yaa yagini a kpiilo yama, ŋaa go cuoni leni mi buama. Da tuo ke ŋan di yaa jiema n teni a kpiilo, Kilisiti n kpe yua yaa po, n bodi.

LOMA YAABA 9:1

N maadi moamoani Kilisiti nni mii pua faama. U Tienu Fuoma Yua nni, n pali moko saa n po i moamoani.

1 Korenti 13:1

Ba n yaa bi maadi bi nisaaliba mabuoli Leni malekinba yaa mabuoli kuli, Ki naa pia mi buama, N baa yaa tie nani yaa kudi n mua, Bi nani ban pua yaa longa yeni.

2 Korenti 1:12

Tin jigini ti yula yaala yaa po tie ke ti pala siedi doagidi, ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni, yimoko yaa siiga. Tii den pia laa tagiŋamu, kelima o nisaalo yanfuoma po ka, ama kelima U Tienu ŋanbili po.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima leni li yukubili.

Galati 5:6

Jesu Kilisiti nni, ki kua ku koanciagu, bi ki da kua ka pia mayuli, kali li dandanli yaali n doagidi mi buama nni.

Mi Tiadima 10:12

Musa den yedi: «Moala Isidayeli yaaba, o Diedo yi Tienu mia yi be yo? Naani laa tie ke yin yaa fangi o Diedo yi Tienu ka? Naani laa tie ke yin yaa cuoni o sani nni ka? Naani laa tie ke yin yaa bua o Diedo leni yi pala kuli, ki go yaa tuuni yi Tienu po leni yi yantiana kuli ka?

1 Timote 1:18

N biga Timote, n teni a yaa ñoamabonli n tie ne, nani ban den kpa pua a po yaa saawali ki yedi maama: Ŋan yaa koani li dandanli koanŋanli.

1 Timote 1:19

Ŋan yaa kubi li dandanli leni yaa pali siedi n ŋani. Bi nitianba den ŋaa laa bonla ke bi dandanli bodi.

1 Timote 3:9

Ban yaa kubi li dandanli moamoani, yii n doagidi leni yaa pali siedi n ŋani.

2 Timote 1:3

N tuondi U Tienu min tuuni yua yaa po leni yaa pali siedi n ŋani, nani n yaajanba n den tuuni o po maama. U yensiinu leni ku ñiagu kuli, n yaa jaandi U Tienu, n miadi o a po ki tuondi o kaa cedi.

2 Timote 1:5

N go tuondi U Tienu kelima n tiadi a dandanmoanli po. N bani cain, ke a naa Yunisa leni a yaa Lowisa n den kpa pia yaa dandanli, fini moko pia laa dandanle.

2 Timote 2:22

Ŋan sani ki ŋaa bi nipanba bonbuaka-biadila, ki yaa lingi mi teginma, li dandanli, mi buama, mi yanduanma, ki taani leni yaaba n jaandi o Diedo leni li papienli.

Titi 1:15

Li bonla kuli ŋani cain, yaaba n ŋani cain po. Ama liba kuli ki ŋani cain yaaba n joagini po, bani yaaba n kaa daani yeni po, kelima bi yantiali leni bi pala siedi kuli joagini.

Hebilunba 10:22

Lani kuli yaa po, tin yaa nagidi U Tienu kani leni li payenli leni li dandanmoanli, ki yaa pia yaa pala n ŋuudi ki ñani yaa pali siedi n bia leni yaa gbanandi n ŋuudi leni mi ñinŋanma.

Hebilunba 13:18

Yaa jaandi mani ti po, kelima ti bani cain ke ti pala siedi ŋani, ki go bua ti tagi n yaa tiegi li bonla kuli nni.

Hebilunba 9:14

Lanwani li yaa tie yeni, laa pia kuli tama, ke Kilisiti yaa soama n baa ŋanbi ba ki cie. U Tienu Fuoma yaama n ye yaa yogunu kuli paalu po, wani Kilisiti den puni o yuli U Tienu, nani yaa padili n ki pia joagindi yeni. O soama yeni baa ŋuudi ki ŋanbi ti pala siedi leni yaa tuona n baa cuani mi kuuma, ke tin yaa tuuni U Tienu yua n ye ki fo po.

Jaki 4:8

Yin nagini U Tienu kani, omo baa nagini yi kani. Yinba ti tuonbiadi danba, nidi mani yi nii. Ŋanbi mani yi pala, yinba yamilie danba.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Pieri 3:16

Ama lan yaa tie leni mi dingima leni li fangili. Yaa pia mani yaa pali siedi n ŋani, lani, ba bi yaa sugidi yi ki kuli yi ke yi tie i tagili danba, yaaba n sugidi yin pia yaa tagiŋami Kilisiti nni yeni, n le i fe.

1 Pieri 3:21

Mi ñima yeni den tie yaa batisima n faabi yi moala yaa nannanli. Laa tie ke mi batisima ŋuudi ki ñani ti gbanandi joagindi ka. Ama mi baa teni o nilo n pa o yuli U Tienu leni yaa pali n ki pia joagindi. Yi baa ki faabi kelima Jesu Kilisiti fiima bi tinkpiba siiga yaa po.

1 Pieri 4:8

Yaala n cie likuli tie ke yin yaa bua yiyaba leni yi pala kuli, kelima mi buama doagini ti tuonbiadi boncianla.

2 Pieri 1:7

ki yaa pugidi U Tienu tuoma po mi buama yi kpiiba po, ki go yaa pugidi mi buama yi kpiiba po mi buamoanma.

1 Jan 3:10

Line n doagidi U Tienu bila leni Sutaani yaa bila n paadi leni biyaba maama: Yua n kaa tiendi yaala n tiegi kuli, bi kaa bua o kpiilo kuli, waa tie U Tienu biga.

1 Jan 3:23

O bali maama n tie mine: Tin yaa daani o Bijua Jesu Kilisiti, ki yaa bua tiyaba nani wan bili ti po yaa bali maama n yedi maama.

1 Jan 3:3

Yua n pia laa dugidi kuli baa yaa ŋanbidi o yuli, nani wani o Diedo n ŋani maama yeni.