1 Timote 1:17 - U TIENU MAAMA TILI 2013

¹⁷ U Tienu, yua n tie o Badiciamo hali yaa yogunu kuli kaa pia kuuma, tin ki nua yua, wani yua bebe n tie U Tienu, n yaa baadi ti jigidi leni ti kpiagidi yaa yogu n tuu yaa yogu. Amina!

Gourmanchéma Bible

¹⁷ U Tienu, yua n tie o Badiciamo hali yaa yogunu kuli kaa pia kuuma, tin ki nua yua, wani yua bebe n tie U Tienu n yaa baadi ti jigidi leni ti kpiagidi yaa yogu n tu yaa yogu. Amina.

1 Timote 1:17 ပူးပေါင်းရင်းမြစ်များ

1 Bi Badiba Jama 29:11

Fini o Diedo n die u yabinu, u paalu, ti kpiagidi, u yogunu leni ti jigidi. O Diedo, fini n die yaala n ye tanpoli leni ki tinga po kuli leni li bali, fini yua n kpedi ki cie li bonla kuli.

Nehemi 9:5

Lane Levi buolu yaaba Josue, Kadimieli, Bani, Hasabinia, Selebia, Hodiya, Sebania leni Petaya den yedi: «Fii mani! Pagi mani o Diedo yi Tienu yaa yogu n tuu yaa yogu.» Ti Diedo, nilo kuli n pagi a yeli yaali n pia ti kpiagidi, Yaali n cie seli leni pagidi kuli.

Pisomi 10:16

O Diedo tie bado hali yaa yogu N tuu yaa yogu, Yaaba n ki ŋua U Tienu kuli, Baa bodi o diema nni.

Pisomi 106:48

O Diedo Isidayeli yaaba Tienu, N baa ti pagidi yaa yogu n tuu yaa yogu! Yaaba n taani kuli n yedi: «Amina, o Diedo n baa ti pagidi!»

Pisomi 145:13

A bali tie yaa bali n ye yaa yogu n tuu yaa yogu, A diema mo ye nifiima n tuu nifiima kuli nni.

Pisomi 41:13

A kubi nni n papienli nni. A teni ke n ye a nintuali yogunu kuli.

Pisomi 45:1

Bi yanyinba yudaano yani siiga yanbu ban yiini yaabu leni ti gogiditi. Kore buolu yanbu. Mi buama yanbu.

Pisomi 45:6

A piemi sondi ki mani. A baa guli i nilanbuoli boncianla, I piemi yeni baa muu o bado yibalinba pala.

Pisomi 57:11

Kelima a ŋanbili ban pundi hali tanpoli. A moamoani mo pundi hali ti tawadi.

Pisomi 90:2

Hali ke a juana daa den ye, Ke fini mo daa tagi ki tinga leni ŋanduna, A li tie U Tienu yaa yogu n tuu yaa yogu kuli po yo.

Jeremi 10:10

Ama Li Miali Diedo tie U Tienu i moamoani, Wani yaa Tienu n fo tie yaa bado n ki pia juodima. O pabienli nni ki tinga digibi, I nibuoli kan fidi ki sedi o pabiencianli nintuali.

Danieli 2:44

Mi diema yeni badiba yogunu, Tanpoli Tienu baa fiini dietoama, yaama n kan bodi abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Danieli 4:34

Moala mini Nebukanesa, n pagi ki go kpiagi tanpolijoma Tienu ki jigini o yeli. O tuona kuli tiegi moamoani, O bontienkaala kuli dagidi. O fidi ki jiini yaaba n cuoni leni ti japaadi.»

Danieli 7:14

O den dini o nisaalo yeni li bali, ki puni o ti kpiagidi leni mi diema. I nibuoli, mi diema leni i mabuoli yaaba kuli den tuo ki ŋua o. O bali baa yaa ye hali yaa yogunu kuli, li kan baa gbenma, o diema mo kan bodi abada.

Mise 5:2

Lani yaa po, U Tienu baa ŋaa O niba bi yibalinba nuu nni, Hali yaa pua n baa maa ki bonjaga yeni, Yaa mali ka yaa yogunu. Lanwani, ki biga yeni kpiiba yaaba n sieni, Ki ye foagima baa guani ki kpeni, Bi kpiiba Isidayeli yaaba diema nni.

Malaki 1:14

U nufanu n pua yua n pia o yankulu nni ki yantonga, ki niani ke o baa padi ka o Diedo po, ama ki nan kandi ki ŋaa kani ki taa ki yanyianga ki padi. Bandi mani ke mini Li Miali Diedo U Paaciamu Kuli Daano tie Badiciamoe. I nibuoli kuli fangi n yeli.»

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba! Gaa mani wan den ŋanbi yi po yaa diema hali ŋanduna cilima!

Matie 28:20

N baa yaa ye leni yi yaa yogunu kuli, hali ŋanduna juodima.»

Matie 6:13

Da tuo tin baa mi tulinma nni, Ama ŋan gaa ti o Biado kani.

Jan n diani U Tienu Laabaaliŋamo maama 1:18

Oba kuli daa laa U Tienu. Ama ki Bonjayenyenga, yua n tie U Tienu ki ye Baa kani yogunu kuli, n teni ke ti bandi o.

Jan n diani U Tienu Laabaaliŋamo maama 5:44

Yi tuo ki baadi ti kpiagidi yiyaba kani, ama yii lingi yaa kpiagidi n ñani U Tienu yua n ki pia lielo kani. Yin tiendi maama yeni, yi baa gaa lede ki dugi n po?

LOMA YAABA 1:20

U Tienu paalu yuu n ki pia gbenma leni wan tie maama, naa tie bi nisaaliba n baa fidi ki le yaala. Ama hali ŋanduna tagima yogunu, laa bonla kuli doagidi wan tagi yaala yaa niinni. Lani n teni ke baa pia ban baa fidi ki tabi yaala, ki gaa bi yula.

LOMA YAABA 1:23

Bi lebidi U Tienu yua n kan kpe yaa kpiagidi, ki kpiagidi a nannana, ya n naani leni o nisaalo yua n baa kpe, ti bonyugiditi, ti yandi leni li bonbalinkaala.

LOMA YAABA 11:36

Li bonla kuli ñani o kani, wani n kubi likuli, likuli mo ye o yaa po yo. Wani n yaa baadi ti kpiagidi, hali yaa yogunu kuli. Amina!

LOMA YAABA 16:27

Jesu Kilisiti po, tin yaa kpiagidi U Tienu, kelima wani bebe n pia mi yanfuoma kuli. Tin yaa kpiagidi o hali yaa yogu n tuu yaa yogu. Amina!

LOMA YAABA 2:10

Ama yua n tiendi yaala n ŋani, ki cili Jufinba, ki ŋoadi bi nilanba, U Tienu baa pa ba ti kpiagidi, ti jigidi leni mi yanduanma.

LOMA YAABA 2:7

Yaaba n tiendi yaala n ŋani kaa cedi, ki lingi U Tienu kani ti kpiagidi, ti jigidi leni yaa miali n ki pia kuuma, U Tienu baa pa ba yaa miali n kan gbeni.

Kolosi 1:15

Wani Kilisiti n tie U Tienu, Tin kaa fidi ki nua yua yaa nannanli, Ki go tie o Bijakpiaga, Yua n den ye hali ke bonliba kuli daa tagi.

Hebilunba 11:27

Li tie li dandanli yaa po ke o den fii ki ñani Ejipiti nni, kaa jie o bado pabienli. O den juuni ki se ke li pa, kelima o nua oba kuli n ki nua yua.

Hebilunba 2:7

A den jiini o u yogunu waamu, Ke malekinba cie o, Ki yilini o ti pagidi Leni ti kpiagidi bonyilikaala.

1 Pieri 5:11

Wani U Tienu n yaa die u paalu hali yaa yogunu kuli. Amina!

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa ŋanbili nni leni o yaa bandima nni, ki pugidi. Wani n yaa baadi ti kpiagidi moala leni yaa yogunu kuli. Amina!

1 Jan 4:12

Oba kuli daa laa U Tienu, ama ti yaa bua tiyaba, U Tienu ye ti niinni, o buama moko ye ti niinni ki dagidi cain.

Jude 1:25

Wani U Tienu bebe yua n tie ti Candaano, kelima Jesu Kilisiti ti Diedo po, n yaa baadi ti kpiagidi, ti jigidi, u paalu leni li bali, yaa yogunu n pendi, moala leni yaa yogunu kuli! Amina!

Mi Doagidima 15:3

ki yiini U Tienu naacemo Musa yanbu, buni, ki Pebiga yanbu, ki tua: «Li Miali Diedo U Tienu U Paaciamu Kuli Daano, A tuona yabi ki pia mi ñuadima. A sani tiegi ki tie moamoani, Fini yua n tie i nibuoli kuli bado.

Mi Doagidima 17:14

Bi baa tuogi bu toabu leni ki Pebiga, ama ki Pebiga baa paadi ba, kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»

Mi Doagidima 19:1

Li yaa puoli, n den gbadi ke ku fuugu tieni tanpoli nani yaa niligu n yabi yaa fuugu, ke bi tua: «Aleluya! Ti Tienu n die mi tindima, Ti kpiagidi leni u paalu,

Mi Doagidima 19:16

O yeli yaali n tie ne, diani ki taabi o kpalibu leni o panli kuli po: “Bi badiba Bado Leni bi diediba Diedo.”

Mi Doagidima 19:6

Lani n den gbadi ku fuugu ke ku tie nani yaa niligu n yabi yaa fuugu, ki go tie nani mi ñincianma yaa fuugu leni i tatantanciami yaa fuugu yeni, ke ku tua: «Aleluya! Li Miali Diedo U Tienu, U Paaciamu Kuli Daano cili o diema.

Mi Doagidima 7:12

«Amina! Ti Tienu n die ti pagidi leni ti kpiagidi, Mi yanfuoma leni i tuondi, Ti jigidi, u paalu leni u fidu Hali yaa yogunu kuli. Amina!»