1 Timote 1:14 - U TIENU MAAMA TILI 2013

¹⁴ Ti Diedo den ŋanbi n po hali ke li kandi, ki puni nni yaa dandanli leni yaa buama n ñani Jesu Kilisiti kani.

Gourmanchéma Bible

¹⁴ Ti Diedo den ŋanbi npo hali ke li kandi, ki puni nni yaa dandanli leni yaa buama n ñani Jesu Kilisiti kani.

1 Timote 1:14 ပူးပေါင်းရင်းမြစ်များ

Mi Ñama 34:6

O Diedo den pendi Musa nintuali ki kpaani: «O Diedo, Li Miali Diedo mi ninñima Tienu, yua n tiendi mi ŋanma, ke o pali mo ki be tontoni. O ŋanbili leni o dugidi mo ki pia bianu.

Matie 20:9

Yaaba n den kua ke u yienu bua ki baa yeni, den cua ki gaa kujapienyenli yenli.

Jesu Tondiba Tuona 15:11

Ama, ti daani ke ti faabi kelima ti Diedo Jesu ŋanbili po, nani bani moko yeni.»

LOMA YAABA 16:20

Li kan waagi ke mi yanduanma Tienu baa paadi Sutaani, ki midi o yi taana tiipo. Ti Diedo Jesu yaa ŋanbili n yaa ye leni yi.

1 Korenti 15:10

U Tienu ŋanbili po yo, ke n tua min tie yua na. O ŋanbili n po naa tua fanma, li teni ke n soani ki cie Jesu tondiba kuli. Laa tie mini n ba ka soani yeni, ama U Tienu ŋanbili n tuuni leni nni.

1 Korenti 3:10

Nani U Tienu n puni nni yaa ŋanbili po, n den puu li tanpuuli nani o diemaa-yanfuodaano yeni, ke nitoa mo ŋuandi lipo. Die yuakuli n fangi o yuli leni wan ŋuandi lipo maama.

2 Korenti 4:15

Tin laa yaa yema kuli tie yi yaa po yo, ke U Tienu ŋanbili n yaa pugidi niba boncianla po, ki teni ban yaa tuondi ki pugidi boncianla o kpiagidi po.

2 Korenti 8:9

Yi bani ti Diedo Jesu Kilisiti ŋanbili, wani yua n den tie piado den tua luodo kelima yi yaa po, ke o luoma yeni teni ke yimo n baa lan kandi.

Galati 1:13

Yi den gbadi n tagu n den tie maama min den ŋua Jufinba jaanma yaa yogunu. N den wangi U Tienu niba fala hali ki bua ki bolini ba.

1 Tesaloniki 1:3

Ti tiani yogunu kuli ti Baa U Tienu kani yi dandanli leni yi buama ti Diedo Jesu Kilisiti po, n teni ke yi tuuni maama leni yi suginma n se bonŋanla maama.

1 Tesaloniki 5:8

Ama tinba, yaaba n tie u yensiinu yaaba, tin yaa kubi ti yula. Tin yaa la li dandanli leni mi buama yaa kudi liadili, ki go ciibi mi tindima yaa suginma nani li kusanli yeni.

1 Timote 2:15

Ba yeni, o baa faabi kelima o maalu po, li yaa tie ke o se li dandanli nni leni mi buama, mi gagidiŋanma leni li yukubili kuli nni.

1 Timote 4:12

Ŋan da tuo niloba kuli n fali a kelima a tie nipaano. Ama ŋan tua li bontogidikaala bi nidugikaaba po a maama nni, a tagu nni, a buama nni, a dandanli nni leni a yantugupiengu kuli nni.

1 Timote 6:11

Ama fini U Tienu nilo, ŋan sani ki ŋaa laa bonla, ki yaa ŋua mi teginma, U Tienu tuoma, li dandanli, mi buama, li juunli leni mi dingima.

2 Timote 1:13

Ŋan den gbadi n kani yaa mamoanma baa yaa tie a po li bontogidikaala. Ŋan yaa ŋua ma, ki se ke li pa li dandanli leni mi buama nni, tin pia yaala Jesu Kilisiti nni.

2 Timote 2:22

Ŋan sani ki ŋaa bi nipanba bonbuaka-biadila, ki yaa lingi mi teginma, li dandanli, mi buama, mi yanduanma, ki taani leni yaaba n jaandi o Diedo leni li papienli.

Titi 2:2

Ŋan yaa wangi a jakpela ke ban yaa kubi bi yula, ki yaa tie bi niba n jigindi yaaba, ki pia li yantiaŋanli, ki se ke li ŋani li dandanli nni, mi buama leni li juunli nni.

1 Pieri 1:3

U Tienu ti Diedo Jesu Kilisiti yaa Baa n baa ti pagidi! O ninñingbadicianma po teni ke ti pia li miapanli leni yaa suginma n fo kelima Jesu Kilisiti fiima bi tinkpiba siiga yaa po.

1 Jan 4:10

Mi buama yeni naa tie ke tinba ka den bua U Tienu, ama mi tie ke wani n den bua ti, ki soani o Bijua ke o tua i candanbaani padili ti yaa tuonbiadi po.

Mi Doagidima 22:21

O Diedo Jesu yaa ŋanbili n yaa ye leni yikuli.