1 Samueli 9:5 - U TIENU MAAMA TILI 2013

⁵ Ban den pundi Tisufi diema, Sayuli den yedi o naacemo yua n den yegi leni o: «Tin lebidi ki kuni ke n baa n da ti sundi i ŋunbi po ki yagi o yama ti po.»

Gourmanchéma Bible

⁵ Ban den pundi Tisufi diema, Sayula den yedi o naacemo yua den yegi leni o: «Tin lebidi ki kuni ke n baa n da ti sundi i ŋunbi po ki yagi o yama tinba yaa po.»

1 Samueli 9:5 ပူးပေါင်းရင်းမြစ်များ

Matie 6:25

Li tie lani yaa po ke n yedi yi, da yagi mani yi yama yi miana yema po, li bonjekaala leni li bonñokaala po leni yi gbanandi bonyiekaala po. Yii bani ke li miali cie mi jiema, ke ti gbanandi mo cie ti tiayiekaadi?

Matie 6:28

Lanwani, be yaa po ke yi bangi li bonyiekaala po? Diidi mani mi moapuuma n ye maama. Maa tuuni, maa pia gaali,

Matie 6:34

Lanwani, da yagini mani yi yama saala po, kelima saala baa yaa pia o yanyagidi o yuli po. Daali kuli pia li yaa fala, ke li dagidi.

Luki 12:11

Bi yaa gedini yi li bali maama bangima diena nni, yaa ka bi bujiaba kani, yaa ka paatietoaba kani, ki baa jia yi buudi, yin da yagi mani yi yama leni yin baa maadi maama ki baa gaa yi yula leni yin baa yedi yaala kuli po,

Luki 12:22

Li yaa puoli, Jesu den yedi o ŋoadikaaba: «Li tie lani yaa po ke n yedi yi, da yagi mani yi yama yi miana yema po, yin baa yaa di yaala po leni yi gbanandi po yin baa yie yaala.

1 Samueli 1:1

O joa den ye ki tie Ramatayim-Tisofim yua. Laa dogu den ye Efrayimi juana nni. O joa yeni den yi Elikana ki tie Efrayimi buolu yua. O den tie Yerohami bijua, Yerohami mo den tie Elihu bijua. Elihu mo den tie Tohu bijua, Tohu mo n yaa tie Tisufi bijua.

1 Samueli 10:2

A yaa ñani ne ki kuni ki ban pundi Selisa dogu yuu n ye Benjamen tinga bianu, a baa le jabilie Raseli takuli kani. Bi baa yedi a: ‹Ŋan den fii ki gedi ki baa n lingi yaa ŋunbi yeni, bi laa ba. A baa naa go yagini o yama i ŋunbi wani yaa po. O yama ji yagini yi yaa po yo, ke o buali o yuli wan baa tieni maama ki le o bijua.›