1 Samueli 9:16 - U TIENU MAAMA TILI 2013

¹⁶ «Saala, u naa yogunu, n baa soani a kani Benjamen diema yua. Ŋan wuli o yuli po li bali kpama ki gagidi o wan tua n niba Isidayeli yaaba yudaano. O baa faabi bani n niba yeni Filisiti yaaba nuu nni, kelima n noanli ki laa n niba fala, bi bubula mo pundi hali n kani.»

Gourmanchéma Bible

¹⁶ «Saala, u naa yogunu, n baa soani a kani Benjamina diema yua. Ŋan wuli o yuli po li bali kpama ki gagidi o wan tua n niba Isalele yaaba yudaano. O baa faabi bani n niba yeni Filisiti yaaba nuu nni, kelima n noanli ki laa n niba fala, bi bubula mo pundi hali n kani.»

1 Samueli 9:16 ပူးပေါင်းရင်းမြစ်များ

2 Samueli 3:18

Yin ji dini o mani moala, kelima o Diedo den maadi o maama ki yedi: ‹N baa taa n naacemo Davidi yo, ki faabi n niba Isidayeli yaaba Filisiti yaaba leni bi yibalinba kuli nuu nni.› »

2 Bi Badiba 20:5

«Guani ki ban yedi Esekiasi wani n niba gobidika yaa maama n tie ne: ‹O Diedo a yaaja Davidi Tienu yedi mine: N gbadi a miabu, ki go laa a nunsiidi. Lani yaa po, n baa paagi a. Li dataali ŋan gedi o Diedo diegu nni.

Pisomi 102:1

O ninñinnilo cua ki jaandi ki mia o Diedo todima o paboanli yogunu.

Pisomi 106:44

O Diedo den gbadi bi bubula Ki laa bi paboanli.

Pisomi 25:18

Diidi ki le n fala leni n duoli, Ki pa nni n tuonbiadi kuli sugili.

Mi Kpanjama 16:9

O nisaalo kpaagi o pali nni o tagu po, O Diedo mo n tie yua n puuni o u fidu.

Jeremi 32:8

Lanwani, Anameeli n yiado bijua den cua n kani nani o Diedo n den maadi maama yeni li kpaadidieli luolu nni, ki yedi nni: «Daa n kuanu yuu n ye Anatoti Benjamen diema yeni nni, kelima a pia u sanu ki daa u, ki go diedi u moko.» Lanwani, n den bandi ke li tie o Diedo yaa maame.

1 Samueli 10:1

Samueli den taa yaa tiagu n pia mi kpama ki wuli Sayuli yuli po. O den gobini o ki yedi: «O Diedo gagidi ki dini a li bali ŋan tua o niba yudaano.

1 Samueli 14:20

Lanwani, Sayuli leni yaaba n den ye leni o kuli den taani ki gedi bu toabu po. Bi den sua ke Filisiti yaaba muudi bi ŋmiali nni, ki kpaani biyaba, kelima mi gangima den yabidi bi siiga.

1 Samueli 14:23

Lani n tie o Diedo n den faabi Isidayeli yaaba maama landaali. Bu toabu den suagi hali ki pendi Beti-Afeni.

1 Samueli 15:1

Samueli den yedi Sayuli: «O Diedo den soani mine ke n wuli a yuli po li bali kpama ke a tua o niba Isidayeli yaaba bado. Lanwani, ŋan cengi o Diedo n yedi yaala.

1 Samueli 16:1

O Diedo den yedi Samueli: «A baa yaa yagini a yama Sayuli po ki pundi u laa yogunu? N yie o, o kan go yaa tie Isidayeli bado. Lani, ŋan gbieni a yinli mi kpama ki fii. N baa soani a Betelemi yua Isayi kani, kelima n laa o bila siiga yua n dagidi n po, ke n baa dini o li bali.»

1 Samueli 16:3

Ŋan yini Isayi wan cua u padikaanu kani. N baa waani a ŋan baa tieni yaala. Min baa waani a yua, ŋan wuli o yuli po li bali kpama ki gagidi o n po wan tua bado.»