1 Samueli 8:7 - U TIENU MAAMA TILI 2013

⁷ O Diedo den yedi Samueli: «Cengi bi maama ki tieni ban yedi yaala kuli, kelima laa tie ke bi yie fini ka, bi yie mine, ke min da go die ba.

Gourmanchéma Bible

⁷ Li Miali Diedo den yedi Samueli: «Cengi bi maama ki tieni ban yedi yaala kuli. Kelima laa tie ke bi yie fini ka, bi yie mine, ke min da go die ba.

1 Samueli 8:7 ပူးပေါင်းရင်းမြစ်များ

Mi Ñama 16:8

Musa den yedi: «O Diedo baa pa yi ti nandi yin ŋmani ku yenjuagu, ki go pa yi dupen ku tiŋaagu yin ŋmani ki guo, kelima o Diedo gbadi yin den yenbidi o po yaa yenbidi, timo tie ŋmenba? Laa tie tinba yaa po ka ke yi yenbidi, li tie o Diedo po yo.»

Esayi 66:4

Mini moko baa mangi n pali bi fala po, Ki teni yaala n baa cie bi jigi n cua, Kelima n yini ba ke oba kuli naa tuo. N maadi, ke bi naa cengi. Ama bi den tieni n po yaala n bia, Ki den mangi bi pala leni yaala n gundi n po.»

Jeremi 34:14

Ne leni binalele, yi siiga yuakuli baa cabi o kpiilo Hebilu yua, yua n cua ki kuadi o yuli o po. O baa soani o po binaluoba, li yaa puoli a baa cabi o. Ama yi baanba naa den gaa n maama, baa den diadi bi tuba ki cengi n maama.› »

Esekieli 2:3

O den yedi nni: «Fini nisaalo biga, n baa soani a Isidayeli yaaba buoli kani, bani yaaba n fiini n po mi yiema yeni po. Bani leni bi yaajanba kuli den tie n po niyiekaaba, ki taa ki pundi hali dinla.

Esekieli 3:7

Ama bani Isidayeli yaaba, bi kan cengi a, kelima baa bua ki cengi nni. Bikuli tuli pa, ke bi pala mo juagi.

Mi Coadima 22:20

U Tienu den cua Balaam kani ku ñiagu, ki yedi o: «Nani bi jaba ne n cua ki baa yini a yeni, ŋan fii ki yegi leni ba ki gedi. Ama a li baa yaa maadi, min baa yedi a yaale.»

Matie 10:40

Yua n gaa yi cangu, gaa mini yaa cangu yo, yua n gaa n cangu mo gaa yua n soani nni yaagu yo.

Luki 10:16

Jesu go den yedi o ŋoadikaaba: «Yua n cengi yi maama cengi n yaama, yua n yie yi mo yie mini, yua n yie mini mo yie yua n soani nni.»

Luki 19:14

Ama o dogu nni yaaba den nani o ki yuandi ki soani o puoli bi tondiba ke ban ban yedi o: ‹Tii bua yaa joa n tie ne n yaa die ti.›

Luki 19:27

N yibalinba mo, bani yaaba n kaa den bua nni leni li bali yeni, cuani ba mani ki kpa ba n nintuali.› »

Jan n diani U Tienu Laabaaliŋamo maama 13:16

N yedi yi i moamoani, o naacemo kan cie o canbaa, o tondo mo kan cie yua n soani o.

Bi Bujiaba 8:23

Gedeon den yedi ba: «N kan tua yi bado ki yaa die yi, n bila mo kan tua. Li Miali Diedo n baa yaa tie yi bado, ki die yi.

1 Samueli 10:19

Dinla yi yie ki ŋaa mini yi Tienu, yua n faabi yi leni yi fala leni yi yepaama kuli, ki yedi nni: Dini ti po o bado. Lanwani, yin nagini mani o Diedo nintuali ki sedi ki caligi caligi, buolu buolu leni diegu diegu.› »

1 Samueli 12:1

Samueli den yedi Isidayeli yaaba kuli: «Diidi mani, n den tuo yin yedi nni yaala kuli ki dini yi po o bado.

1 Samueli 12:12

Ama yin den laa ke Anmoni yaaba bado Nahasi tuogi leni yi bu toabu, yi den yedi nni: ‹Aa-a, ti bua ki baa o bado wan yaa die ti.› Yi den yedi yeni ba ke o Diedo yi Tienu den tie yi bado.

1 Samueli 8:22

O Diedo den yedi Samueli: «Cengi ban yedi a yaala, ki dini bi po o bado.» Samueli den cabi Isidayeli yaaba ki yedi ba, yuakuli n guani o dogu po.

1 Samueli 8:8

Bi tieni a nani ban tieni mini maama hali min ñani ba Ejipiti nni ki cuani ba ne, ki pundi hali moala. Bi ŋaa nni ki ŋoadi tientoe.