1 Samueli 7:3 - U TIENU MAAMA TILI 2013

³ Samueli den yedi Isidayeli yaaba kuli: «Yi yaa guani Li Miali Diedo kani leni yi pala kuli, yin ñani yi siiga o bulo Asitate leni bi nilanba n ŋua yaa buli kuli. Yin ŋoadi mani Li Miali Diedo leni yi pala kuli, ki yaa tuuni wani bebe yaa po. Lani, o baa faabi yi Filisiti yaaba nuu nni.»

Gourmanchéma Bible

³ Samueli den yedi Isalele yaaba kuli: «Yi yaa guani Li Miali Diedo kani leni yi pala kuli, yin ñani yi siiga o bulo *Asitate leni bi nilanba n ŋua yaa *buli kuli. Yin ŋoadi mani U Tienu leni yi pala kuli ki yaa tuuni wani bebe yaa po, lani o baa faabi yi Filisiti yaaba nuu nni.»

1 Samueli 7:3 ပူးပေါင်းရင်းမြစ်များ

Mi cilima 35:2

Jakob den yedi o diegu nni yaaba leni yaaba n den ye leni o kuli: «Lu mani yaa nilanbuli n ye yi siiga, ki ŋanbi yi baa, ki lebidi yi tiadi.

1 Bi Badiba 11:33

N baa tieni la kelima Isidayeli yaaba ŋaa nni ki pugi Sidon yaaba bulo Asitate, Moabi yaaba bulo Kemosi leni Anmoni yaaba yaa bulo Milikom. Baa cuoni n sani nni ki tieni yaala n tiegi n po, baa kubi n bali maama leni n mabilikaama nani Salomon baa Davidi n den tieni maama.

1 Bi Badiba 8:48

Bi yaa guani a kani leni bi pala kuli leni bi yantiana kuli, bi yibalinba diema nni, ban gedini ba ti yonbidi naani yeni, bi yaa diidi ŋan den puni bi yaajanba yaa diema, ŋan den gandi yaa dogu leni min maa a po yaa diegu ne po ki jaandi a,

2 Bi Badiba 17:39

Ama yin fangi Li Miali Diedo yi Tienu. Lane o baa gaa yi yibalinba kuli nuu nni.»

2 Bi Badiba 23:15

O den tudi ki luni Nebati bijua Jeroboami, yua n den kuani Isidayeli yaaba ti tuonbiadi nni, n den maa yaa padibinbinli Beteli juali yuli po. O den mudi li tana hali ke a tua yoma, ki juu ban den caani yaa dafoagidigu o bulo Akera po.

1 Bi Badiba Jama 22:19

Moala yin lingi o Diedo yi Tienu leni yi yantiana leni yi pala kuli, ki fii mani ki maa o Diedo yi Tienu kaangagidiŋamu, ki nan fidi ki ban taa o Diedo ŋantaadikpaku leni yaa tiadi n gagidi U Tienu po, ki kuani yaa diegu n baa maa o Diedo yeli po yeni niinni.»

1 Bi Badiba Jama 28:9

Lanwani, fini, Salomon n bijua, ŋan bandi a baa Tienu, ki yaa tuuni o po leni payenli leni yantiayenli, kelima o Diedo bani a pala kuli, ki diidi a yantiana kuli. A yaa lingi o, o baa tuo ŋan le o. Ama a yaa ŋaa o, omo baa lu ŋa yaa yogunu kuli po.

2 Bi Badiba Jama 19:3

Ba leni lani kuli, yaala n ŋani baa ki ye a niinni, kelima a ñani Akera buli daadi yaadi n den ye mi diema nni. A go baa ki ŋua U Tienu leni a pali kuli.»

2 Bi Badiba Jama 20:33

Ama waa den bolini yaa buli yaa padibinbina n den ye a juana po. Li yaa po den teni ke bi niba naa den ŋoadi bi yaajanba Tienu leni bi pala kuli cain.

2 Bi Badiba Jama 30:19

«O Diedo ti yaajanba Tienu, a ŋanbili po, tieni sugili yaaba n moandi leni bi pala kuli ki bua ki bandi a yanbuama, ba ke baa gagidi ki ŋanbi bi baa.»

Mi Kpanjama 16:1

O nisaalo pia o pali nni a jaga, Ama o Diedo n die mi majuodikaama.

Esayi 55:7

O nibiado n ŋaa o tagibiadu, Fanma miali mo n ŋaa o yantiabiadili, Ki lebidi ki guani o Diedo kani. Wani yua n baa gbadi o po mi ninñima Leni ti Tienu yua n puuni sugili Leni ti bulicindi kaa cedi yeni kani.

Jeremi 24:7

Bi yaa guani n kani leni bi pala kuli, n baa pa ba mi yanfuoma, ki teni ban bandi ke n tie Li Miali Diedo. Bi baa yaa tie n niba, nmo baa yaa tie bi Tienu.»

Jeremi 36:3

Yeni, li fidi ke Juda yaaba n fangi min jagi ki baa tieni ba yaa bonbiadila kuli, ki ŋaa bi tuadibiada. Bi yaa tieni yeni, n baa pa ba sugili bi tagili leni bi tuonbiadi po.»

Jeremi 4:1

Isidayeli, mini o Diedo n yedi a: «A yaa lebidi ki guani n kani, Ki ñani a cagindi kuli n nintuali, Yeni, a kaa go puagi.

Esekieli 14:6

Lani yaa po, ŋan yedi Isidayeli buolu ke o Diedo U Tienu yedi mi naa maama: «Lebidi mani yi pala ki ŋaa yi buli leni yi cagindi kuli.

Esekieli 18:31

Yin foagidi mani leni yin den tiendi yaa biadima. Lebidi mani yi pala leni yi yantiana. Be yaa po ke yinba Isidayeli yaaba baa kpe?

Ose Tili 14:1

U Tienu baa waani Samari yaaba fala, Kelima bi yie o. Bi yibalinba baa kpa ba leni mu jugisiemu. Bi baa ŋmaa ki midi bi biwaala, Ki lidi bi puotugupunba mo.

Matie 15:8

‹Bi naa niba jigindi nni leni bi ñoacuuna, Ama bi pala foagi leni nni.

Matie 4:10

Jesu den yedi o: «Fuadi likani Sutaani, kelima li diani: ‹A baa kpiagi o Diedo a Tienu, ki yaa jaani wani bebe.› »

Matie 6:24

Oba kuli kan fidi ki yaa tuuni canbaanbilie po, kelima o yàá baa nani o canbaankpialo ki bua o canbaanlielo, o nan baa yaa taabi o kpialo ki fali o lielo wani. Yi kan fidi ki yaa taa ki tuuni U Tienu leni ŋalimani po.

Luki 4:8

Jesu den guani ki yedi o: «Li diani: A baa jigini o Diedo a Tienu, Ki yaa kpiagidi wani bebe.»

Jan n diani U Tienu Laabaaliŋamo maama 4:24

U Tienu tie fuoma. Lani yaa po, li tie tiladi ke yaaba n baa yaa kpiagi o kuli n yaa kpiagidi o bi pala nni leni i moamoani.»

Mi Tiadima 10:20

Yi baa fangi Li Miali Diedo yi Tienu, ki yaa kpiagidi o, ki kuani yi yama o niinni, ki go yaa polini o yeli nni.

Mi Tiadima 13:4

Yin da cengi laa saawalipualo bi laa baabuulo maama, kelima li tie o Diedo yi Tienu n biigi yi, ki bua ki bandi yi yaa bua o Diedo yi Tienu leni yi pala kuli leni yi yantiana kuli.

Mi Tiadima 4:29

Lankane, ke yi baa lingi o Diedo yi Tienu. Yi baa le o, li yaa tie ke yi lingi o leni yi yantiana kuli.

Mi Tiadima 6:13

Yi baa yaa fangi Li Miali Diedo yi Tienu, ki yaa kpiagidi o, ki go yaa polini o yaa yeli nni.

Josue 13:31

Bani Manase bijua Makiri buolu yaaba boagidima go den die Galaadi diema boagidima leni Basan bado Ogi dociankpeliedi Asitaroti leni Edreyi.

Josue 24:14

Lanwani, Josue go den yedi ba: «Moala yin fangi o Diedo, ki yaa ŋua o leni payenli leni yaa yantiali n ki pia janbi. Yin ñani yi siiga yi yaajanba n den ŋua yaa tieni Efrati kpenciamu duoli po leni Ejipiti po, ki yaa ŋua Li Miali Diedo.

Josue 24:23

O go den yedi ba: «Lanwani, yin ñani bi nilanba buli yii n ye yi siiga, ki ŋanbi ki tabini Li Miali Diedo, Isidayeli Tienu leni yi pala kuli.»

Bi Bujiaba 10:16

Lani, bi den ñani i buli bi siiga ki guani ki ŋoadi Li Miali Diedo. Ban den ye leni yaa fala den cuo o Diedo mi ninñima.

Bi Bujiaba 10:6

Isidayeli yaaba didi go den tieni yaala n ki mani Li Miali Diedo. Bi den ŋoadi i buli Baali leni Asitate, Siiri diema buli, Sidon diema buli, Moabi diema buli, Anmoni buolu buli leni Filisiti yaaba buli. Bi den ŋaa Li Miali Diedo, kaa go ŋua o.

Bi Bujiaba 2:11

Lani, Isidayeli yaaba den tieni yaala n ki mani Li Miali Diedo, ki ŋoadi yaa buli n yi Baali.

Bi Bujiaba 2:13

Bi den ŋaa Li Miali Diedo, ki ŋoadi yaa buli n yi Baali leni Asitate.

1 Samueli 31:10

Li yaa puoli, bi den kuani Sayuli toatiadi ban den kpiedi ki sieni o bulo Asitate nannana yaa dieli nni, ki joani Sayuli o kpiemo bi dogu Beti-Sani bilinciamu po.