1 Samueli 6:7 - U TIENU MAAMA TILI 2013

⁷ Moala yin tagi mani telipangu ki taa ki maani naamadilie po. Yaaba ke teligu daagu daa maani bi po, yin taa ku teligu yeni ki doali ba, ki cuo bi bila yaaba n ŋua ba yeni, ki kuani ba u naapagu nni.

Gourmanchéma Bible

⁷ Moala yin tagi mani teligupangu ki taa ki maani naamadi lie po. Yaaba ke teligu daagu daa maani bipo, yin taa teligu ki doali ba, ki cuo bi bila yaaba n ŋua ba yeni, ki kuani ba u naapagu nni.

1 Samueli 6:7 ပူးပေါင်းရင်းမြစ်များ

2 Samueli 6:3

Ku den ye Abinadabi diegu nne li juali po. Bi den taa ku ki maani ku telipangu po, ki ban caa. Abinadabi bijaba Usa leni Ahiyo den gobidi ku teligu yeni.

1 Bi Badiba Jama 13:7

Hali Abinadabi diegu kane ke bi den maani U Tienu kpaku ku telipangu po. Usa leni Ayo n den gobidi ku teligu yeni.

Mi Coadima 19:2

«Mini o Diedo, n diani ki bili yaa bali maama, n yedi yaala nno: Maadi leni Isidayeli yaaba ki teni ban cuani a kani naañuamoano, yua n ki pia poadoba kuli, ke bi daa kpa lani o ku naakpakpaadi-daagu.

Mi Tiadima 21:3

Bi yaa ban sua yaa dogu n kuu leni o tinkpilo yeni ki cie, laa dogu nikpela baa taa naasalo, yua n daa soani tuonli, ki daa lani naakpakpaadi-daagu mo.

Mi Tiadima 21:4

Laa dogu nikpela baa teni o naasalo yeni, n jiidi yaa kpenu n kan ñuudi kani, ban ki ko, ki naa go coagi yaa kpenu yaa boanjaana po. Lankane bi baa mudi o naasalo yeni bunkpanli, u kpenu yeni niinni.