1 Samueli 6:5 - U TIENU MAAMA TILI 2013

⁵ Yin duadi mani a sinakpina nannana leni yaa dapola n bolindi yi diema yaa nannana. Yin go kpiagi Isidayeli Tienu. Daalinba o baa faabi yi leni o nuu n miabi yi maama, yinba, yi tieni leni yi diema kuli.

Gourmanchéma Bible

⁵ Yin duadi mani a sinakpina nannana leni a dapola yaa nannana, yaa dapola n bolindi yi diema. Yin go kpiagi Isalele yaaba Tienu. Daalinba o baa faabi yi leni o nuu n miabi yi maama, yinba leni yi *buli leni yi diema kuli.

1 Samueli 6:5 ပူးပေါင်းရင်းမြစ်များ

1 Bi Badiba Jama 16:28

Yinba mi diema nibuoli kuli, pagi mani o Diedo! Pagi o mani kelima o kpiagidi leni o paalu po!

1 Bi Badiba Jama 16:29

Kpiagi mani o Diedo yeli, Cuani mani bu paabu, ki nagini o nintuali, La mani yaa tiadi n gagidi U Tienu po, Ki gbaani o Diedo nintuali ki pugi o!

Pisomi 18:44

A faabi nni leni bi niba janjanma. A tuni nni i nibuoli yuli, Min kaa den bani yaa nibuolu, tua n yonbi.

Pisomi 32:4

Kelima u yensiinu leni ku ñiagu kuli, A nuu den pua nni. N gbanandi den fuagi Nani ku tontongu n gbadi yua yeni. Joma

Pisomi 39:10

N ŋmini suo, n kan yaadi n ñoabu, Kelima fini n tieni nni laa bonla.

Pisomi 66:3

Yedi mani U Tienu: «A bontienkaala pia i jeje!» A yibalinba gunbi a kani leni ti ñoamamandi, Kelima a paalu n yabi maama po.

Mi Ñama 12:12

Laa ñiagu, n baa ña ki gaani Ejipiti diema nni kuli. N baa pua Ejipiti diema bonjakpiala kuli, ki cili leni bi niba, ki ban taani leni ti yandi kuli. N baa jia ti buudi leni Ejipiti yaaba tieni kuli. Mini n tie Li Miali Diedo.

Mi Ñama 8:17

A yaa yie ke n niba kan gedi, n baa soani i sibiadi, fini, a naacenba, a niba leni a diedi kuli kani. Ejipiti yaaba diena baa gbie leni i sii, i sii baa pini ki tinga kuli.

Mi Ñama 8:24

Faraon go den yedi: «N baa tuo yin gedi ki padi a pada Li Miali Diedo yi Tienu po mi fanpienma nni, ama bonyenla bebe n ye. Yin da gedi naankani n foagi boncianla. Jaandi mani n po U Tienu.»

Mi Ñama 8:5

Musa den yedi Faraon: «Bili nni ŋan bua min jaandi fini, a naacenba leni a niba po yaa yogunu, ki teni a loanda ne n ña a kani leni a diedi nni, ki ji yaa ye u kpenciamu nni bebe.»

Esayi 19:1

Yaa saawalo n ye Ejipiti yaaba po. Li Miali Diedo jagi yaa tawaligu n jaligi po. O kpendi Ejipiti nni. Ejipiti yaaba buli digibi o nintuali, Ejipiti yaaba jigi kuli cie.

Esayi 42:12

Bikuli n yaa kpiagidi o Diedo, Ki yaa kpaani ki pagi o a kpendega po.

Jeremi 13:16

Kpiagi mani o Diedo yi Tienu Hali ke o daa teni ke li biigili cua, Ke yi taana mo daa tuudi li biigili juali. Yi bi daani mi yenma, Ama o lebidi ma ke mi tua kuuma biigili. O baa teni man tua tawaligu Yaagu n biigi boncianla.

Jeremi 3:13

Ŋan li tuo a tagili bebe, Kelima a yiema kuli Taa ki sedi o Diedo a Tienu po yo. A den ŋoadi bi nilanba buli, Ki ban conbi yaa tibu n bundi kuli yaa tinga, Ki naa den cengi n nialu mo. O Diedo n yedi yeni.›

Joeli 2:25

N baa lebidi yi po yaa bina Ke n den soani mu tobiñaanmu yaamu n daa pudi fiabi, A dondoba, a tobiñaana, I naaci leni a sidibila, Ke bi ŋmani ti kpaandi yeni.

Jonasi 3:9

Li fidi ke yeni, U Tienu baa ti lebidi o yanjagili, ki jiini o pali ti po, ki kan bolini ti.»

Malaki 2:2

Yi yàá teni ke yi bontienkaala kpiagidi n yeli, kaa cengi min yedi yaala, kaa kuani la yi pala nni, n baa soli yi bonbaakaala. Ba moala n soli la, kelima yii kuani n bali maama yi pala nni.

Mi Coadima 33:4

Li den sua ke Ejipiti yaaba da piindi o Diedo n den pua bi siiga yaa bonjakpiala. O Diedo den jia ti buudi leni bi tieni moko.

Jan n diani U Tienu Laabaaliŋamo maama 9:24

Farisieninba go den yini yua n den kpa joa yeni miliema, ki yedi o: «Kpiagi U Tienu li po. Tinba wani bani ke laa nilo tie tuonbiadi daano yo.»

Josue 7:19

Josue den yedi Akan: «N bijua, ŋan kpiagi o Diedo Isidayeli Tienu ki pagi o, ki waani nni ŋan tieni yaala, ki da wuoni nni liba.»

Mi Doagidima 11:13

Lanyogunu liga, mi tindigibicianma den tieni. U dogu yeni kaanpiiga kuli, kaanyendu den baa ki mudi mudi. Niba tudalele mo den kpe, kelima mi tindigibima yeni po, ke ti jawaanciandi den cuo yaa niba n sieni kuli, ke bi kpiagi U Tienu yua n ye tanpoli po ki die.

Mi Doagidima 14:7

O den kpaani leni u nialu, ki tua: «Yin fangi mani U Tienu ki kpiagi o, kelima o bujiali yogunu pundi. Yin gbaani ki kpiagi wani yua n den tagi tanpoli, ki tinga, mi ñincianma leni a ñinbuna kuli.»

Mi Doagidima 16:9

Ku tontonbiadigu den fulini ba ke bi sugidi U Tienu yeli, wani yua n die laa falabiadi yeni. Baa den lebidi bi pala ki kpiagi U Tienu.

1 Samueli 5:11

Lane bi den soani ke bi yini Filisiti yaaba koanbala kuli ke bi taani ke bi yedi ba: «Yin guani mani Isidayeli Tienu kpaku ku denpo, kun da kpa ti, tinba leni ti niba kuli.» Bi den yedi yeni kelima u dogu nni yaaba kuli den ye leni ti jawaandi boncianla, kelima U Tienu nuu den miabi ba hali hali boncianla.

1 Samueli 5:9

Ama ban den taa ki gedini ku, o Diedo nuu den mabini laa dogu yaaba ke ti jawaanciandi cuo ba. O den luni bimoko dankannuama, a bila leni a nikpela kuli.

1 Samueli 6:8

Lani, yin taa U Tienu kpaku ki maani ku teligu po, ki taa yin duadi yaa nannana ke a tie wula, yi candanbaani padili po yeni, ki kpieni ki kpagibiga nni ki bili ki balini U Tienu kpaku. Li yaa puoli, yin cedi ku kun gedi.