1 Samueli 6:4 - U TIENU MAAMA TILI 2013

⁴ Filisiti yaaba den guani ki yedi: «Ti baa pa be yo ki baa U Tienu ti candandi?» Bi den guani ki yedi ba: «Yin duadi a sinakpina nannana bonamuu, ŋan yaa tie wula leni a dapola yaa nannana bonamuu, ŋani moko n yaa tie wula, nani Filisiti yaaba koanbala n da maama. Li tie ke falabuoliyendu cuo yinba leni yi yudanba kuli.

Gourmanchéma Bible

⁴ Filisiti yaaba den goa ki yedi: «Tin pa U Tienu be yaa paabu buolu?» Bi den goa ki yedi ba: «Yin duadi a sinakpina nannana bona muu ŋan yaa tie wula, leni a dapola yaa nannana bona muu ŋan moko n yaa tie wula, nani Filisiti yaaba koanbala n de maama, kelima falabuoliyendo cuo yikuli, taliginba leni a koanbala kuli.

1 Samueli 6:4 ပူးပေါင်းရင်းမြစ်များ

Mi Ñama 12:35

Isidayeli yaaba den tieni Musa n den yedi yaala. Bi den mia Ejipiti yaaba, ŋanjilifa leni wula tiadi leni ti tiayiekaadi.

Josue 13:3

ki cili Sikoli kpenu yuu n ye Ejipiti banlu, ki yaa caa hali nujienu po, Ekiron dogu bianu kani. Laa diema kuli tie Kanana yaame. Filisiti yaaba badimuudiba yaaba n die likani tie Gasa, Asidodi, Asikalon, Gati leni Ekiron badiba. Bani leni Aviti

Bi Bujiaba 14:19

O Diedo Fuoma den kua Samison niinni, ke o gedi Filisiti yaaba dogu, yuu n yi Asikalon po. O den kpa likani jaba piitaa, ki taa bi tiadi ki teni yaaba n den bundi u telimu bi baditiadi. O pali den beni boncianla ke o lebidi ki kuni o baa denpo.

Bi Bujiaba 3:3

Wan den ŋaa yaaba mi diema nni den tie Filisiti badimuudiba, yaaba n den tie Kanana, Sidon leni Hiviti yaaba, yaaba n den ye Liban juana po, ki cili Baali-Herimoni juali, ki yaa caa hali Hamati dogu buliñoabu.

1 Samueli 5:12

Yaa niba n ki den kpe, dankannuama den cuo ba. U dogu yeni yaaba bubula den pundi hali tanpoli.

1 Samueli 5:6

O Diedo den mabini Asidodi yaaba. O den luni bani Asidodi yaaba leni u dobila yaaba kuli dankannuama.

1 Samueli 5:9

Ama ban den taa ki gedini ku, o Diedo nuu den mabini laa dogu yaaba ke ti jawaanciandi cuo ba. O den luni bimoko dankannuama, a bila leni a nikpela kuli.

1 Samueli 6:5

Yin duadi mani a sinakpina nannana leni yaa dapola n bolindi yi diema yaa nannana. Yin go kpiagi Isidayeli Tienu. Daalinba o baa faabi yi leni o nuu n miabi yi maama, yinba, yi tieni leni yi diema kuli.

1 Samueli 6:8

Lani, yin taa U Tienu kpaku ki maani ku teligu po, ki taa yin duadi yaa nannana ke a tie wula, yi candanbaani padili po yeni, ki kpieni ki kpagibiga nni ki bili ki balini U Tienu kpaku. Li yaa puoli, yin cedi ku kun gedi.