1 Samueli 6:20 - U TIENU MAAMA TILI 2013

²⁰ Lane Beti-Semesi yaaba den yedi: «Ŋme n baa fidi ki yaa ye ki fo o Diedo U Tienu Yua n Gagidi ki ŋani nintuali? Ku kpaku baa gedi le ki foagidi ti kani?»

Gourmanchéma Bible

²⁰ Lane Beti-Semesi yaaba den yedi: «Ŋme baa fidi ki yaa ye ki fo Li Miali Diedo, U Tienu Yua n Gagidi ki ŋani nintuali? Ku ŋantaadikpaku baa gedi le ki foagidi ti kani?»

1 Samueli 6:20 ပူးပေါင်းရင်းမြစ်များ

2 Samueli 6:7

Lani yaa po, o Diedo pali den beni Usa po ke o den kpa o lankani kelima o tagili po. Usa den kpe lankani ki kuu U Tienu kpaku.

2 Samueli 6:9

Davidi den jie o Diedo landaali ki yedi: «O Diedo kpaku baa gaa lede ki kua n deni?»

Pisomi 76:7

Jakob Tienu, ŋan funi leni ba yaa yogunu, I taami leni bi tanjagiba kuli den wabi.

Levi 11:44

N tie Li Miali Diedo yi Tienu, yi baa gagidi ki ŋanbidi yi yula, ki yaa ŋani cain, kelima n gagidi ki ŋani cain. Yin da joagini yi baa leni yaa bonfuoda n balini tiipo yeni.

Levi 11:45

N tie Li Miali Diedo yua n den teni ke yi ñani Ejipiti diema nni, ke min yaa tie yi Tienu. Yi baa gagidi ki ŋanbidi yi yula, kelima n gagidi ki ŋani.»

Malaki 3:2

Ŋme n baa fidi ki yaa ye o cuama daali? Ŋme n baa fidi ki sedi o yaa doagidi yaa yogunu? O baa yaa tie nani ban duadi ti kudi leni yaa mu yeni. O baa yaa tie nani a tiaŋuuda ciebu yeni.

Luki 5:8

Simon Pieli n den laa lani, o den gbaani Jesu nintuali ki yedi: «N Daano, foagidi n kani kelima n tie tuonbiadi daano.»

Luki 8:37

Lani, Gerasi yaaba leni u dobila yaaba kuli den taani ki mia Jesu, ke wan ña bi kani kelima ti jawaanciandi den cuo ba. Jesu den kua ku ñinbiagu nni ki baa guani ki duodi.

Mi Doagidima 6:17

kelima bi pabienli dacianli pundi. Ŋme n baa fidi ki yaa ye?»

1 Samueli 5:7

Asidodi yaaba n den sua ke li tie yeni, bi den yedi: «Isidayeli Tienu kpaku kan yaa ye ti kani, kelima o mabini tinba leni ti bulo Dagon kuli.»