1 Samueli 5:8 - U TIENU MAAMA TILI 2013

⁸ Lane bi den soani ke bi yini Filisiti yaaba koanbala kuli ke bi taani bi kani ke bi yedi ba: «Ti baa tieni mani Isidayeli Tienu kpaku lede?» A koanbala den guani ki yedi ba ke ban gedini ku Gadi dogu nni. Lanwani, bi den gedini ku lipo.

Gourmanchéma Bible

⁸ Lane bi den soani ke bi yini Filisiti yaaba koanbala kuli ke bi taani bi kani ke bi yedi ba: «Ti baa tieni mani Isalele yaaba Tienu ŋantaadikpaku lede?» A koanbala den goa ki yedi ba ke ban gedini gu Gada dogu nni. Lanwani bi den gedini gu lipo.

1 Samueli 5:8 ပူးပေါင်းရင်းမြစ်များ

1 Bi Badiba Jama 7:21

Sabadi leni Sutela. Eseli leni Eleadi moko den tie Efrayimi yaa bijabe. Bani n den jagi ke bi baa fie Gati diema yaaba yangola, ke laa diema niba mo den kpa ba.

Amosi 6:2

Gedi mani ki ban diidi Kaline dogu, Ki ña lankani ki gedi hali Hamati u dociamu, Li yaa puoli, yin gedi Filisiti yaaba dogu Gati po. Naani laa dociami pia mi piama ki cie mi dieliedima ne? Naani bi diema yabi ki cie yi yaama yo?

Sakari 12:3

Lanyogunu, n baa teni Jerusalemi yaaba n tua i nilanbuoli po tankpiagili. Yaaba n baa bua ki yua li kuli baa poagili bi yula boncianla. Ki tinga nibuoli kuli baa taani ki fii ki sedi li po.

Josue 13:3

ki cili Sikoli kpenu yuu n ye Ejipiti banlu, ki yaa caa hali nujienu po, Ekiron dogu bianu kani. Laa diema kuli tie Kanana yaame. Filisiti yaaba badimuudiba yaaba n die likani tie Gasa, Asidodi, Asikalon, Gati leni Ekiron badiba. Bani leni Aviti

Josue 15:11

U den pendi ki teli Ekiron dogu ganu po, ki gondi ki cubini Sikaron dogu. U den ñani Baala juali po, ki teli Yabineeli, ki gedi ki ban dagini Mediterane mi ñincianma.

1 Samueli 17:4

O jakoando den ñani Filisiti yaaba toanagili nni. O den tie bi dogu Gati yua, ki yi Goliati. O foaginu den tie nukpanduna luoba leni nubadiyaagu.

1 Samueli 17:52

Lanwani, Isidayeli leni Juda toatieba den fii ki yiedi ki ŋoadi ki deli Filisiti yaaba ki pundi hali Gati dogu leni Ekiron yaa buliñoana kani. Filisiti yaaba, yaaba n den poagili den baa ki kpe u sanu nni ki cili Salayim dogu, ki pundi hali Gati leni Ekiron.

1 Samueli 29:6

Lani, Akisi den yini Davidi ki yedi o: «Hali o Diedo po a tie niteginka, li bi baa yaa mani n po min bi le ke a yegi leni nni tin gedi bu toabu ki go ban guani. Mii laa a kani bonbiadiliba kuli hali ŋan cua n kani, ki pundi hali dinla. Ama yaa toatieba yudanba n sieni pala naa mani a po.

1 Samueli 5:11

Lane bi den soani ke bi yini Filisiti yaaba koanbala kuli ke bi taani ke bi yedi ba: «Yin guani mani Isidayeli Tienu kpaku ku denpo, kun da kpa ti, tinba leni ti niba kuli.» Bi den yedi yeni kelima u dogu nni yaaba kuli den ye leni ti jawaandi boncianla, kelima U Tienu nuu den miabi ba hali hali boncianla.

1 Samueli 5:7

Asidodi yaaba n den sua ke li tie yeni, bi den yedi: «Isidayeli Tienu kpaku kan yaa ye ti kani, kelima o mabini tinba leni ti bulo Dagon kuli.»

1 Samueli 6:2

Filisiti yaaba den yini bi kopadicianba leni a lingida ki yedi ba: «Ti baa tieni o Diedo kpaku lede? Waani ti mani tin baa tieni maama ki guani gu ku kaanu.»