1 Samueli 5:6 - U TIENU MAAMA TILI 2013

⁶ O Diedo den mabini Asidodi yaaba. O den luni bani Asidodi yaaba leni u dobila yaaba kuli dankannuama.

Gourmanchéma Bible

⁶ Li Miali Diedo den mabini Asidodi yaaba. O den luni bani Asidodi yaaba leni u tinkundogi yaaba kuli a sinakpina.

1 Samueli 5:6 ပူးပေါင်းရင်းမြစ်များ

Mi cilima 41:31

Mi baa jugi mi diema hali bi niba n ban sundi yaa guoli n den tieni Ejipiti diema nni.

Jobi 31:3

Naani mi yebiadima ki tie Ti tuonbiadi daano po ka? Siiga nni yema mo yaaba n tiendi Yaala n ki tiegi po.

Pisomi 145:20

O Diedo kubi yaaba n bua o kuli, Ama o bolindi bi nibiadiba.

Pisomi 147:6

O Diedo kubi bi yumiindanba, Ama o jiindi bi nibiadiba hali tiipo.

Pisomi 32:4

Kelima u yensiinu leni ku ñiagu kuli, A nuu den pua nni. N gbanandi den fuagi Nani ku tontongu n gbadi yua yeni. Joma

Pisomi 78:66

O den ŋoadi ki deli o yibalinba, Ki fiagi ba yaa fe n ki pia gbenma.

Mi Ñama 9:3

o Diedo nuu baa bolini a yangola, ya n ye i kuani nni. O baa teni u yianbiadu n baa i taami, i ŋunbi, ti yuoyuodi, i ne leni i pe kuli. Yaaba n baa kpe baa yaa yabi hali boncianla.

Jesu Tondiba Tuona 13:11

Moala, o Diedo baa pua ŋa, ŋan tua juamo ki kan le u yienu hali danaba.» Lanyogunu liga, Elimasi nuni den biigi, ke o juani cain. O ji den baaliti ki lingi yaaba n baa dadi o.

Mi Tiadima 28:27

O Diedo baa ŋaa yi wan den soani Ejipiti yaaba po yaa sinakpina. O baa ŋaa yi dankannuama, li ŋmaali leni ki nunfufuuga, yin kan fidi ki buu yaala.

1 Samueli 5:11

Lane bi den soani ke bi yini Filisiti yaaba koanbala kuli ke bi taani ke bi yedi ba: «Yin guani mani Isidayeli Tienu kpaku ku denpo, kun da kpa ti, tinba leni ti niba kuli.» Bi den yedi yeni kelima u dogu nni yaaba kuli den ye leni ti jawaandi boncianla, kelima U Tienu nuu den miabi ba hali hali boncianla.

1 Samueli 5:7

Asidodi yaaba n den sua ke li tie yeni, bi den yedi: «Isidayeli Tienu kpaku kan yaa ye ti kani, kelima o mabini tinba leni ti bulo Dagon kuli.»

1 Samueli 5:9

Ama ban den taa ki gedini ku, o Diedo nuu den mabini laa dogu yaaba ke ti jawaanciandi cuo ba. O den luni bimoko dankannuama, a bila leni a nikpela kuli.