1 Samueli 4:2 - U TIENU MAAMA TILI 2013

² Filisiti yaaba den caligi ki baa tuogi leni Isidayeli yaaba bu toabu. Bu toabu den cili. Filisiti yaaba den paadi Isidayeli yaaba ki kpa yaa jaba n bua ki pundi tudanaa (4 000) laa toabu nni.

Gourmanchéma Bible

² Filisiti yaaba den caligi ki baa tuogi leni Isalele yaaba bu toabu. Bu toabu den cili. Filisiti yaaba den paadi Isalele yaaba ki ku yaa jaba n bua ki pundi tudanaa (4 000) laa toabu nni.

1 Samueli 4:2 ပူးပေါင်းရင်းမြစ်များ

Jeremi Bubula 3:40

Tin diidi mani ti sani bonŋanla, Ki guani o Diedo kani.

Levi 26:37

Bi niba yeni baa tuudi ki baali biyaba po, ki bua ki sani ki cia, nani ki jugisiega n deli ba yeni, ke oba kuli naa deli ba. Yi kan fidi ki sedi yi yibalinba nintuali.

Mi Coadima 14:45

Lanwani, Amaleki buolu leni Kanana yaaba, yaaba n den kaa laa juali po, den jiidi ki baa Isidayeli yaaba, ki paadi ba. Bi den ŋoadi ki deli ba, ki pedi ki jia jia ba, ki ban pundi hali Horima dogu kani.

Josue 7:12

Lani yaa po n teni ke Isidayeli yaaba kan fidi ki tuogi leni bi yibalinba lan gedi kaanu. Bi baa yaa lebidi ki tiini, kelima ban taa yaala n den baa bodi yeni teni ke bi kua mi bodima nni. Yi yàá ñani min den yedi ban bolini yaala yeni, ki bolini la, n kan go yaa ye leni yi.

1 Samueli 17:21

Isidayeli yaaba leni Filisiti yaaba den sedi caga caga, toacagili kuli den tiegi liyali.

1 Samueli 17:8

O den sedi ki kpaani ki yedi Isidayeli toatieba: «Be yaa po ke yi cua ne, ki caligi ki baa tuogi bu toabu leni ti? Mii tie Filisiti yua ka? Yimo ki tie Sayuli yonbi ka? Lanwani, yin gandi mani yi siiga niyendo wan jiidi ki tuogi leni nni.

1 Samueli 4:1

Samueli mo den soagindi laa maama Isidayeli yaaba kuli po. Isidayeli yaaba den ñani ki baa tuogi bu toabu leni Filisiti yaaba. Bi den kpaa bi toanagili ki kuu leni Eben-Eseri dogu, Filisiti yaaba mo den kpaa bi yaa toanagili Afeki dogu nni.

1 Samueli 4:10

Lanwani, Filisiti yaaba den fiini bu toabu. Isidayeli yaaba den gbali. Yuakuli den sani ki kuni ki ban kua o gbandieli nni. Bi den paadi Isidayeli yaaba cain hali ke bi toatieba siiga taacenda tuda piitaa (30 000) den kpe.

1 Samueli 4:3

Isidayeli toatieba n den guani bi toanagili nni, a nikpela den yedi: «Be n teni ke o Diedo cedi ke Filisiti yaaba paadi ti dinla? Tin gedi Silo ki ban taa o Diedo ŋantaadikpaku ki cuani gu ti siiga kun gaa ti ti yibalinba nuu nni.»