1 Samueli 4:18 - U TIENU MAAMA TILI 2013

¹⁸ Wan li taa U Tienu kpaku yeli, Eli n ña o bonkalikaala po ki baa yanyanli o buliñoabu kani. O bunkpanli den mudi ke o kpe, kelima o den podi ki go kpiagi mo. O den gobidi Isidayeli yaaba hali bina piinaa.

Gourmanchéma Bible

¹⁸ Wan li taa ku ŋantaadikpaku yeli, Eli n ña o bonkalikaala po ki baa yanyanli o buliñoabu kani. O bunkpanli den mudi ke o kpe, kelima o den podi ki go kpiagi mo. O den gobidi Isalele yaaba hali bina piinaa.

1 Samueli 4:18 ပူးပေါင်းရင်းမြစ်များ

Pisomi 26:8

O Diedo, n bua ki yaa ye a diegu nni Leni a kpiagidi n ye naankani kuli.

Pisomi 42:10

N yedi U Tienu n tie n tangu: «Be n teni ke a sundi n po? Be n teni ke n cuoni leni li paboanli, Kelima yibali mabinli po?

Pisomi 42:3

U ñuñuunu pia nni U Tienu po, Wani yaa Tienu n fo yeni po. N baa fidi ki gedi ki sedi U Tienu nintuali u laa yogunu yo?

Pisomi 69:9

N kpandi ki tua caano n kpiiba po. N tua nilamo n naataani po.

Levi 10:3

Musa den yedi Alono: «U Tienu o Diedo den tuodi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Bi Bujiaba 15:20

Samison den tua Isidayeli yaaba gobidika hali bina piilie, Filisiti yaaba n den die ba yaa yogunu.

1 Samueli 4:13

Eli den kaa li bonkalikaala po ki kuu leni u sanu, ki guu kelima o yama den yagini U Tienu kpaku po. O joa yeni n pundi ki kua u dogu nni ki puni bu toabu po laabaali, u dogu yaaba kuli den buudi.

1 Samueli 4:17

Yua n den cua ki puni laabaali yeni den guani ki yedi o: «Isidayeli yaaba gbali Filisiti yaaba ki sani. Bi paadi ti cain. Bi kpa ba a bijaliediba Ofini leni Finea. Bi fie U Tienu kpaku mo.»

1 Samueli 4:19

Li den sua ke o biyuaga, Finea pua, punbi ke o maayogunu pundi. Wan den gaa laabaali ke bi fie U Tienu kpaku, ke o calo baa leni o calo kuli kpe, u maditugukoanu den cuo o ke o gbaani ki mali lanyogunu.