1 Samueli 3:19 - U TIENU MAAMA TILI 2013

¹⁹ Samueli den fandi ki pugidi, ke o Diedo mo den ye leni o. Wani o Diedo ki den tuo ke Samueli n maadi o po yaa maama kuli, ba mayenma n tua fanma.

Gourmanchéma Bible

¹⁹ Samueli den fandi ki pugidi, Li Miali Diedo mo den ye leni o, waa den tuo ke Samueli n maadi opo yaa maama baa mayenma n tua fanma.

1 Samueli 3:19 ပူးပေါင်းရင်းမြစ်များ

Mi cilima 21:22

Lanyogunu, Abimeleki den yegi leni o guudikaaba yudaano Pikoli, ki gedi ki maadi leni Abalahama yaa maama n tie ne: «U Tienu ye leni a, ŋan tiendi yaala kuli nni.

Mi cilima 28:15

Diidi, n ye leni a, n baa yaa ŋua ŋa ŋan caa naani kuli, ki guani a mi naa diema nni, kelima n kan ŋaa ŋa ba waamu, hali min baa tieni a po min yedi a yaala kuli ki gbeni yaa yogunu.»

Mi cilima 39:2

O Diedo den ye leni Josefi, ke li bonla kuli cuoni o po bonŋanla o canbaa Ejipiti yua diegu nni.

Mi cilima 39:3

O canbaa den laa ke o Diedo den ye leni o, ke o Diedo den teni ke Josefi n moandi ki tiendi yaala kuli cuoni bonŋanla.

1 Bi Badiba 8:56

«N jaandi ki kpiagi o Diedo yua n puni o niba Isidayeli yaaba mi yanduanma nani wan den niani maama. Wan den teni ke o naacemo Musa soagini yaa maama kuli, mi siiga ba mayenma naa poadi kaa tieni.

2 Bi Badiba 10:10

Yin bandi ke o Diedo n yedi ke o baa tieni Akabi diegu yaala yeni n tieni, ba mayenma ki bia. O Diedo den kuani wan den teni ke o naacemo Elia yedi yaama.»

2 Bi Badiba 15:12

Li den tua nani o Diedo n den maadi Jehu maama ki yedi: «N baa teni a yaabila n yaa di li bali Isidayeli nni, hali nifiiminaa.» Li den tua yeni.

2 Bi Badiba 22:16

«O Diedo yedi mi naa maama: ‹N baa teni o falabiado n baa u dogu na leni yaaba n ye u niinni, nani fini Juda bado n cogi li tili ke li yedi maama.

Esayi 43:2

Yi yaa baa duodi mi ñincianma, N baa yaa ye leni yi. Yi yaa baa duodi i kpenciami, i kan milini yi, Yi yaa baa cuoni u mu nni, U kan juu yi, U mupienu mo kan sia yi.

Esayi 44:26

N saagi o naacemo maama po i moamoani. N tonda n pua saawali yaali yaa po mo, N tiendi la. N yedi Jerusalemi dogu po: ‹U baa guani ki baa bi niba,› Ki go yedi Juda diema dogi mo: ‹Bi baa guani ki maa bi diebuona nni.›

Esayi 55:11

N maama yaama n ñani n ñoabu nni moko tie yene. Mi kan lebidi ki guani n kani Kaa tieni n yanbuama, Ki naa go tieni min den soani ma Man tieni yaala kuli.

Matie 1:23

«Diidi, li puowandiali baa punbi ki maa bonjaga. Bi baa yini o Emanueli.» Laa yeli bundima n tie “U Tienu ye leni ti.”

Luki 1:28

Maleki yeni den cua o kani ki yedi o: «N fuondi a, fini yua n baa li ŋanbili U Tienu kani. O Diedo ye leni a.»

Luki 1:80

Ki biga yeni den kpedi ki go fandi bonŋanla, ki ye li fuali nni hali yaa daali ke o den ti doagidi o yuli Isidayeli yaaba po.

Luki 2:40

Ki biga den fandi ke o gbanmanu pugidi. O den pia mi yanfuoma boncianla, U Tienu ŋanbili mo den ye leni o.

Luki 2:52

Jesu den fandi ki go kpedi ke o yanfuoma pugidi. U Tienu pali leni bi niba yaa pala kuli den mani o po.

2 Korenti 13:11

N kpiiba, n majuodikaama tie mine: Yin yaa mangidi mani yi pala. Moandi mani ki ŋanbi ki dagidi cain, baagi mani yiyaba, ki yaa pia mani yantiayenli, ki yaa mani leni yiyaba. Lanwani, mi buama leni mi yanduanma Tienu baa ye leni yi.

Mi Tiadima 18:22

O saawalipualo yaa maadi Li Miali Diedo yeli nni, ke wan yedi yaala yeni naa tieni, li kan yaa tie o Diedo n yedi yaala. O saawalipualo yeni paagi o pale ki maadi. Yin da jie o.»

2 Timote 4:22

O Diedo n yaa ye leni a. U Tienu ŋanbili n yaa ye leni yikuli. Amina!

Josue 21:45

Yeni, o Diedo n den niani Isidayeli yaaba yaa ñoaniani kuli den kua. Ba yendu ki den tua fanma.

Bi Bujiaba 13:24

Li yaa puoli, Manoa pua den mali bonjaga, ki yini o Samison. Bi biga yeni den fandi, ke o Diedo mo seligi o.

1 Samueli 10:7

Laa sinankeeninba kuli yaa tieni ki gbeni, ŋan tieni ŋan sua ke li pundi ŋan tieni yaala, kelima U Tienu ye leni a.

1 Samueli 12:2

Moala diidi mani, o bado yua n baa yaa gobidi yi nno. Mini wani ji kpeligi ke n yudi mo pendi, n bijaba mo fandi nani yinba. N den gobidi yi hali n panma yogunu ki pundi hali dinla.

1 Samueli 16:18

Bi siiga nni yendo den yedi: «Diidi ki le, n den laa Betelemi yua Isayi bijua ke o bani li gogidipuali, ki go pia u paalu leni li papaali ki tie jakoando, ki bani mi maama, ki pia mi jawaama. O Diedo moko ye leni o.»

1 Samueli 18:12

Sayuli den jie Davidi, kelima o Diedo den ŋaa wani Sayuli ki ye leni Davidi.

1 Samueli 18:14

Wan den tuogi leni yaaba kuli, o den paadi ba kelima o Diedo den ye leni o.

1 Samueli 18:5

Sayuli yaa den soani Davidi naankani kuli, o yen gedi ki paadi. Lani, Sayuli den teni ke o diedi bi toatieba. Bi niba kuli pala den mani Davidi po. Ba Sayuli koanbala moko yaa pala den mani o po.

1 Samueli 2:21

O Diedo den nuali ki laa Anna po ki puni o ti madi, ke o go mali bonjalataa leni bonpolalie. Ki biga Samueli den fandi ki pugidi ki tuuni o Diedo po.

1 Samueli 2:26

O jawaalo Samueli den fandi ki pugidi. O Diedo leni bi niba kuli pala den magidi o po ki pugidi.

1 Samueli 9:6

O naacemo den yedi o: «Diidi ki le, U Tienu nilo ye u dogu yu tie na niinni. O tie nikpiagili. Wan yedi ke yaala n baa tieni kuli baa tieni. Lanwani, tin gedi o kani. Daalinba o baa waani ti tin baa tagini naani ki lingi ki le ba.»