1 Samueli 29:4 - U TIENU MAAMA TILI 2013

⁴ Ama Filisiti yaaba toatieba yudanba pala den fii Akisi po boncianla, ke bi den yedi o: «Guani o joa yeni, wan lebidi ki guani ŋan den puni o ke wan yaa ye naani. Wan da yegi leni ti ki gedi bu toabu po, ke wan da ti tua ti po yibali tin togidi bu toabu yaa yogunu. O baa guani ki baa ki nunmanga o canbaa kani lede, li yàá tie ke o jendi ti niba yula ki teni o yaa ka?

Gourmanchéma Bible

⁴ Ama Filisiti yaaba yudanba pala den fii Akisi po boncianla ke bi den yedi o: «Guani o ja yeni, wan lebidi ki goa ŋan den puni o ke wan yaa ye naani. Wan da yegi leni ti ki gedi bu toabu po, ke wan da ti tua tipo yibali tin togidi bu toabu yaa yogunu. O baa goa ki baa ki nunmanga o canba kani lede, li yaa tie ke o jendi ti niba yula ki teni o yaaka?

1 Samueli 29:4 ပူးပေါင်းရင်းမြစ်များ

1 Bi Badiba Jama 12:19

Lanwani, U Tienu Fuoma den jiidi Amasayi, i nipiitaadi yudaano yeni po, ke o yedi: «Isayi bijua Davidi, Ti ye leni fine, Ti ye a yaa kane! Mi yanduanma bebe n yaa ye leni a. Mi yanduanma n yaa ye leni yaaba n todi a, Kelima a Tienu todi a.» Davidi den biali ba, ki kuani ba o toacagili yudanba siiga.

1 Bi Badiba Jama 12:20

Davidi n den taani leni Filisiti yaaba ki baa tieni bu toabu leni Sayuli, Manase buolu niba den taani o po. Ama baa den todi Filisiti yaaba, kelima Filisiti yaaba badijaba n den taani ki juogi, ki cabi Davidi ki yedi: «O baa taani o canbaa Sayuli po, ki kpa ti.»

Mi Ñama 1:10

Tin taa bi po yaa jagili n baa teni ke bi kan go yabidi, yeni yàá ka, toabu yaa ti fii, bi baa taani leni ti yibalinba ki koani leni ti, ki yuandi ki ña mi diema nni.»

Luki 16:8

O canbaa den pagi laa ŋalimankubilo yua n kaa tiegi, kelima o den tieni u fanu.» Jesu den pugini ki yedi: «Ŋanduna yaaba fani leni bi lieba ki cie yaaba n tie mi yenma yaaba.

1 Samueli 14:21

Li den sua ke Hebilu yaaba bi tianba ye Filisiti yaaba siiga ke li waagi ki ciani ba bu toabu. Bi den lebidi ki ŋaa Filisiti yaaba ki goa ki taani leni Isidayeli toatieba, yaaba n den ye leni Sayuli leni Jonatan.

1 Samueli 27:6

Landaali liga Akisi den puni o Tisikilagi dogu. Li tie lani yaa po ke Tisikilagi tie Juda badiba dogu hali dinla.

1 Samueli 29:9

Akisi den guani ki yedi Davidi: «N bani, a dagidi n po nani U Tienu maleki yeni. Ama Filisiti yaaba toatieba yudanba yie ki yedi ke a kan yegi leni ti ki gedi bu toabu.

1 Samueli 30:1

Davidi leni o toatieba n den pundi Tisikilagi li dataali daali, bi den sua ke Amaleki yaaba baa Filisiti yaaba diema ganu po leni Tisikilagi kuli. Bi den cuo bi puoba leni yaaba n den ye lienni kuli, a nikpela leni a bila kuli, ki mudi Tisikilagi ki juu u. Baa den kpa ba niyendo. Bi den cuo bikuli, ki guani ki taa bi sanu.