1 Samueli 28:3 - U TIENU MAAMA TILI 2013

³ Li den sua ke Samueli kpe ke Isidayeli yaaba buudi o po ki piini o Rama, o dogu nni. Li go den sua ke Sayuli ñani yaa ñoagidanba n maadi leni bi tinkpiba leni a baabuula kuli mi diema nni.

Gourmanchéma Bible

³ Li den sua ke Samueli kpe ke Isalele yaaba buudi opo ki piini o Lama dogu nni. Li go den sua ke Sayula ñani yaa ñoagidanba n maadi leni bi tinkpiba leni bi baabuuba kuli mi diema nni.

1 Samueli 28:3 ပူးပေါင်းရင်းမြစ်များ

Mi Ñama 22:17

Yin da ŋaa yaa pua n pia ñoagibiadi leni miali.

Mi Ñama 22:18

Yua n taani leni yanga kuli, yin kpa o.

Levi 19:31

Yin da lingi mi lingima, yin da ŋoadi ma, kelima laa bonla baa joagini yi. N tie Li Miali Diedo yi Tienu.

Levi 20:27

Joa, yaa ka pua, yua n baa fidi ki maadi leni bi tinkpiba, bi ki bu ku baagu, bi baa kpa o. Bi baa lugidi o a tana ki kpa o. Laa niba soama baa guani ki jagini bi yula po.»

Levi 20:6

O nilo yaa gedi yaa niba n maadi leni bi tinkpiba kani, bi a baayuadiida kani, ki cagini o yuli leni ba, n baa buli n nunga laa nilo po, ki paadi ki ñani o o buolu nni.

1 Samueli 15:23

Mi yiema bia nani u bayuadiidu yeni, U tupaalu mo bia nani i buli ŋoadima yeni. Nani ŋan yie o Diedo yedima yeni, omoko yie ŋa. A kan go yaa tie o niba bado.»

1 Samueli 25:1

Samueli den kpe. Isidayeli yaaba kuli den buudi o po. Bi den piini o o diegu nni Rama dogu nni. Li yaa puoli, Davidi den fii ki gedi Paran fanpienma nni.

1 Samueli 28:9

O pua den guani ki yedi o: «A bani Sayuli n den tieni yaala. A bani ke o den deli yaa ñoagidanba n maadi leni bi tinkpiba leni a baabuula, ki ñani ba mi diema nni. Be yaa po ke a dia nni ku diagu ki baa teni ban kpa nni?»

1 Samueli 7:17

Li yaa puoli, o yen guani Rama, o diegu n den ye naani. Lankani moko o den gobidi Isidayeli yaaba. O den maa likani li padibinbinli o Diedo po.