1 Samueli 26:6 - U TIENU MAAMA TILI 2013

⁶ Davidi den yedi Hititi yua Ahimeleki leni Tiseruya bijua Joabi waalo Abisayi: «Ŋme n baa yegi leni nni tin gedi Sayuli toanagili po?» Abisayi den guani ki yedi: «N baa yegi leni a.»

Gourmanchéma Bible

⁶ Dafidi den yedi Heta yua Ahimeleki leni Seliya bijua Joabi waalo Abisayi: «Ŋme baa yegi leni nni tin gedi Sayula toanagili po?» Abisayi den goa ki yedi: «N baa yegi leni a.»

1 Samueli 26:6 ပူးပေါင်းရင်းမြစ်များ

Mi cilima 10:15

Kanana mo den mali o bijakpelo Sidon, Hititi,

Mi cilima 15:20

Hititi, Perisiti, Refayimi,

Mi cilima 23:3

Abalahama den fii ki ŋaa o kpiemo Sala, ki maadi leni Hititi bijaba ki yedi ba:

Mi cilima 26:34

Esayu n den pia bina piinaa yaa yogunu, o den taa puobilie, Hititi yua Beeri bisalo Juditi leni Hititi yua Elon bisalo Basimati.

2 Samueli 11:21

Ŋme den kpa Jelubeseti bijua Abimeleki, pua ka den se u dogu bilinciamu yuli po ki lugidi o li bindicabili? Laa poagilima ka den kpa o Tebetisi dogu nni? Be yaa po ke yi nagini u bilinciamu?› Lanwani, ŋan yedi o: ‹A naacemo Uri, Hititi buolu yua yeni moko kpe!› »

2 Samueli 11:24

A dabantuada den sedi u bilinciamu yuli po ki toani ti ke fini o bado naacenba siiga bi nitianba kpe. A naacemo Uri, Hititi buolu yua yeni moko kpe.»

2 Samueli 11:6

Lani, Davidi den soani Joabi po li ñoamabonli ki yedi: «Ŋan teni ke Hititi buolu yua Uri n kpeni ne.» Joabi den teni ke Uri kuni Davidi po.

2 Samueli 12:9

Lanwani, be teni ke a fali mini o Diedo maama, ki tieni yaala n joagini n nintuali? A pedi ki kpa Hititi buolu yua Uri leni ki jugisiega. Yeni de! A teni ke Anmoni yaaba kpa o leni mu jugisiemu, ki taa o pua mo ke o tua a yaa pua.

2 Samueli 18:5

O bado den teni Joabi, Abisayi leni Itayi kuli yaa ñoamabonli n tie ne ki yedi: «N mia yi, yin da tieni mani o jawaalo Abisalomi yaala n bia.» Bi toatieba kuli den gbadi o bado n teni bi toatieba yudanba yaa ñoamabonli Abisalomi po.

2 Samueli 2:13

Tiseruya bijua Joabi leni Davidi yaa toatieba moko den fii ki taa u sanu. Bi den tuogi Gabaon boangu kani. Bine den sedi napo yaa jaali, bine mo napo yaa jaali.

2 Samueli 2:18

Tiseruya bijataadiba Joabi, Abisayi leni Asayeli den ye likani. Asayeli gbanu den yua ke o pa mi nuama nani o pialo yeni.

2 Samueli 23:18

Joabi naataanu Abisayi, Tiseruya bijua den tugi bi nitaadiba yeni yuli. Wani n den yua o kpaanli niba kobitaa po, ki kpa ba. O yeli mo den ñani bi nitaadiba yeni siiga.

2 Samueli 23:34

Maaka yua yaa yaabili Elifeleti, Ahasibayi bijua Gilo yua Ahitofeli bijua Eliam,

2 Samueli 23:39

leni Hititi yua Uri. Bikuli den taani ki tie piitaa n bilele.

1 Bi Badiba 10:29

Toateligu yaa ñani Ejipiti, ku dunga tie kujapiena kobiluoba, taamo mo kujapiena kobiga n piimuu. Laa kpenda n yen kpendinni Hititi badiba kuli po leni Siiri badiba po laa bonla kuli.

2 Bi Badiba 7:6

O Diedo den teni ke Siiri yaaba gbadi bi toanagili nni ti toateliti, i taami leni toagocianli fuugu. Bi den yedi biyaba: «Isidayeli diema bado gedi ki ban suu Hititi leni Ejipiti yaaba badiba, ke ban ti tuogi leni ti.»

Josue 3:10

Yaala n baa teni yin bandi ke U Tienu yua n fo ye yi siiga, ke o baa deli yi po Kanana yaaba, Hititi, Hiviti, Perisiti, Giligasi, Amori leni Jebusi yaaba tie line:

1 Samueli 26:7

Lanwani, Davidi leni Abisayi den gedi Sayuli toagoli po ku ñiagu. Sayuli den dua ki goa li toanagili siiga, ke o kpaanli caa o yuli kani. Abineri leni bi toatieba kuli den dua ki lindi o ki goa.