1 Samueli 26:10 - U TIENU MAAMA TILI 2013

¹⁰ Davidi go den yedi: «Hali o Diedo po, wani o Diedo n baa kpa o, o daali yaa pundi, yaa ka o yaa gedi toabu.

Gourmanchéma Bible

¹⁰ Dafidi go den yedi: «Hali Li Miali Diedo po, wani Li Miali Diedo n baa kpa o, o daali yaa pundi, yaaka o yaa gedi toabu.

1 Samueli 26:10 ပူးပေါင်းရင်းမြစ်များ

Mi cilima 47:29

Isidayeli n den sua ke o kuuma yogunu bua ki pundi, o den yini o bijua Josefi ki yedi o: «Li yaa tie ke a pali mani n po, n mia ŋa, ŋan soali a nuu n panli tiipo, ki poli ke n baa fidi ki dugi a buama po. Ŋan da piini nni Ejipiti diema nni.

Jobi 14:14

Naani yaa nisaalo n kpe, Go baa faadi ki guani ki fii? N yebiadima kuli nni n baa yaa guu, Hali ŋan baa cua ki faabi nni yaa yogunu.

Jobi 14:5

Fini n bili o miali dana, Leni o ŋmaali coali kuli, O kan fidi ki pendi laa dana bianu.

Jobi 7:1

O nisaalo yema ki tinga nni, Pa hali boncianla. O yema pa nani o tuonsoanlo yaama yene.

Pisomi 37:10

Li kan waagi, o nibiado kaa go ye. A yaa ti diidi wan den ye naani, A kan go le oba kuli.

Pisomi 37:13

O Diedo laa o ti laadi, Kelima o nua ke o daali kpendi.

Pisomi 94:23

O teni ke bi tagili guani ki jiidi bi yula po, Ki teni ke bi sundi bi po, Kelima bi biadima po. O Diedo ti Tienu baa bolini ba.

O Yanfuodaano 3:2

Ti madi yogunu ye, Mi kuuma mo yaa yogunu ye. Li tiŋuuli yogunu ye, Li tiŋabili mo yaa yogunu ye.

Luki 18:7

N buali yi, naani U Tienu kan tuu wan gandi yaaba po bi panli, bani yaaba n kpaani ki miadi o u yensiinu leni ku ñiagu kuli? Naani o baa waagi ki kan todi ba?

LOMA YAABA 12:19

N buakaaba, da tuu mani mi biadima panpaani yi yula po. Ama yin cedi mani U Tienu pabienli daali n cua, kelima li diani: «Mini n tie o pantuulo, mini n baa tuu mi biadima panpaani,»

Mi Tiadima 31:14

O Diedo den yedi Musa: «Diidi ŋan baa kpe yaa yogunu nagidi. Yini Josue, yin kua ki sedi u Kadikaanu Gbandieli nni, ke n baa teni o n ñoamabona.» Musa leni Josue den gedi ki ban sedi u Kadikaanu Gbandieli nni.

Mi Tiadima 32:35

Mini n tie o pantuulo, mini n ba tuu i biadipanpaani, Yaa yogunu ke bi taana digibi Kelima bi fala daali nagini, Bi juodima mo n tiini ki kpendi yeni.»

Hebilunba 10:30

Ti bani yua n den yedi: «Mini n tie o pantuulo, mini n baa tuu i biadipanpaani,» wani n go yedi: «Li Miali Diedo U Tienu baa jia o niba buudi.»

Hebilunba 9:27

Nani lan bili ke nisaalo kuli baa kpe yenma maama, li yaa pendi ti buudi n cua,

Mi Doagidima 18:8

Lani kuli yaa po yaa falabiadi n tie ne baa baa upo dayenli: Mi kuuma, li paboanli leni mi konbiadima. Bi baa buoni u leni u mu, kelima U Tienu, yua n jia u buudi ki cuo u, pia u paalu.

1 Samueli 24:12

Diidi ki le, n baa, a kpalibu bonjenga n no. N bi jia ŋan le ki bandi ke n bontienkaala kuli nni mii kubi a po janbi, mii yie a bali mo, mii pia a po tagiliba kuli. Ama fini a dia nni ti dadi ki bua ki ñani n miali.

1 Samueli 24:15

Fini Isidayeli bado, a ñani ki baa tuogi leni ŋme bu toabu? A ŋua ki deli ŋme? Mini o sangbankpiemo, mini li canfundili?

1 Samueli 25:26

Moala, n poli hali o Diedo leni hali fini yaa po kuli, ke o Diedo n yie a po ki cuo a nuu ŋan da wuli mi soama. A yibalinba leni yaaba n bua ki tieni fini n daano yaala n bia kuli, ban tua nani Nabali yeni.

1 Samueli 25:38

Lan den pundi nani dana piiga yeni, o Diedo den pua o ke o kpe.

1 Samueli 25:39

Davidi n den gbadi ke Nabali kpe, o den yedi: «N jaandi ki pagi o Diedo yua n den koani ki gaa nni Nabali n den fali nni yaa yogunu. Wani o Diedo n yie ke mini o naacemo n da tieni yaala n bia. O Diedo teni ke Nabali biadima guani ki baa o yuli po.» Li yaa puoli, Davidi den soani ke bi waani Abigayili ke o bua wan tua o pua.

1 Samueli 31:4

Lane Sayuli den yedi yua n tugi o toatiadi: «Noadi a jugisiega ki muu ki kpa nni, ke a jifola ne n da cua ki muu nni, ki yuali nni.» Ama yua n den tugi o toatiadi naa den bua ki kpa o, kelima omoko den jie hali boncianla. Lanwani, Sayuli den noadi o yaa jugisiega ki sieni ka, ki baa ki po.

1 Samueli 31:6

Li tie yeni ke Sayuli leni o bijataadiba, yua n den tugi o toatiadi leni o toatieba kuli den taani ki bodi yenma landaali.