1 Samueli 24:11 - U TIENU MAAMA TILI 2013

¹¹ Dinla a laa leni a nunceli ke o Diedo bi taa ŋa ki tieni n nuu nni ku tanlongu nni. Bi bi tigini nni ke min kpa ŋa, ama n bi cedi a ki yedi ke n kan tandi n nuu ki sii fini n daano, kelima o Diedo n gandi a.

Gourmanchéma Bible

¹¹ Dinla a laa leni a nunceli ke Li Miali Diedo bi taa ŋa ki teni n nuu nni ku tanlongu nni. Bi bi tigini nni ke min kpa ŋa, ama n bi cedi ŋa ki yedi ke n kan tandi n nuu ki sii fini n daano, kelima Li Miali Diedo gandi a.

1 Samueli 24:11 ပူးပေါင်းရင်းမြစ်များ

2 Samueli 1:14

Davidi den yedi o: «Be n teni ke a tandi a nuu ki kpa o Diedo n gandi yua ki naa jie?»

2 Bi Badiba 5:13

Ama o naacenba den nagini o kani ki maadi leni o ki yedi: «Ti baa, naani o saawalipualo yaa bi yedi ŋan tieni yaa bonla n pa, a kan bi tieni la? Lanwani, wan yedi a ŋan wali ke a baa ŋanbi yeni, lani yaa tienma ka baa yaa dingi ki cie?»

Jobi 10:16

N yaa tuo ki yaadi n yuli, Se ŋan ŋoadi ki deli ki cuo nni, Nani o yangbanlo yeni. A baa mudi nni yomi yomi leni a paalu.

Pisomi 119:161

Bi badijaba faligidi nni fanma fanma, Ama mii jie liba kuli, Li yàá tie a maama bebe yaa ka.

Pisomi 140:11

A mukuanmoana n yaa wuliti bi po, Ban pieni ki lu ba u mu nni leni i kuli nni, Naankani ke bi kan go fii.

Pisomi 35:7

Kelima bi wuoni ki gbini ku buogu, Ki dia nni ti cuadi, Bi gbini ku ki bua ki ñani N miali fanma fanma.

Pisomi 59:3

Faabi nni leni yaaba n tiendi Yaala n ki tiegi. Faabi nni leni yaaba n wuliti mi soama.

Pisomi 7:5

N yaa tieni n danli biadima, Ki cedi ke yibali sani ki cia,

Mi Kpanjama 15:1

Yaa maguankaama n dingi jiindi li pali, Ama mi mapaama fiindi li.

Jeremi Bubula 4:18

Bi den ŋua ki bolindi ti taaboe kuli, Ki baa yie ti po ke tin da go guani ti kaani po. Ti miana juodima nagini, ti dana tuoni! Yeni de! Ti kuuma nagini!

Esekieli 13:18

Ŋan yedi ba ke mini o Diedo n yedi: ‹Fala n baa yaa puoba n lu a biana, ki pilindi bi niba nibiana kuli, ki lu a cabilibinkaana bi niba kuli po, ki dia ki bua ki ñani bi miana, ki bua ki fie n buolu niba miana, ama ki nan bua ki yaa kubi bi yaa miana.

Mise 7:2

Bi niteginkaaba kuli bodi mi diema nni, Ba niteginkayendo ki go ye bi niba siiga. Bikuli lingi ki bua ki wuli mi soama. Yuakuli dia o kpiilo ku diagu ki bua ki cuo o.

Jan n diani U Tienu Laabaaliŋamo maama 15:25

Li tieni yeni ke yaa maama n diani bi bali maama nni na, n tieni ki dudi: ‹Bi den nani nni fanma fanma.›

1 Samueli 12:3

To, mini nna. Yin doagidi mani ki waani o Diedo leni wan gandi yaa bado nintuali min tieni yaa tagili. N fie ŋme yaa naatonle? N fie ŋme yaa ŋunbo yo? N boandi ŋme? N mabini ŋme? N gaa ŋme yaa kane li suuli ki pii n nuni ke min da le o tagili? Waani nni mani, n baa guani yi la.»

1 Samueli 18:27

Davidi den fii leni o toatieba ki gedi ki kpa Filisiti yaaba kobilie, ki jia bi punjuodi ki cuani ki teni o bado, ke wan tua o cuado. Lanwani, Sayuli den teni o o bisalo Mikali ke o tua o pua.

1 Samueli 23:14

Davidi den ye mi fanpienma nni, ki wuo ti joamabidi nni. O den waagi ki ye a juana kani, Sifi dogu yaa fanpienma nni. Sayuli den lingi o yogu kuli, ama U Tienu naa den tuo ke o baa o nuu nni.

1 Samueli 23:23

Yin lingi mani ki bandi bonŋanla wan wuondi naankani kuli. Yi yaa bandi cain, yin guani ne, lanwani n baa yegi leni yi. O yaa ye mi diema nni kuli, n baa lingi o Juda niba kuli siiga.»

1 Samueli 25:28

N mia ŋa ŋan tieni mini a puotuado tagili po sugili. O Diedo baa ti bili fini n daano buolu wun yaa ye, kelima a kubi o Diedo toabu, ban da le a kani bonbiadiliba kuli mo hali a miali banlu.

1 Samueli 26:18

Davidi go den yedi: «Be n teni ke fini n daano ñani ki ŋua ki deli min a naacemo? N tieni be? N pia be yaa tagili yo?

1 Samueli 26:20

N soama n da wuli yaa kaanu n foagi ki piadi leni o Diedo yekaanu. Fini Isidayeli bado ñani ki ŋua ki lingi mini li canfundili nani ban ŋua ki deli ki ñuñuuga a juana nni maama yeni.»

1 Samueli 26:23

O Diedo n guani yuakuli nani o teginma leni o moamoani n da maama. O Diedo bi taa ŋa ki tieni n nuu nni dinla, ama mii bi tuo ki tandi n nuu ki sii o Diedo n gagidi ki dini yua li bali.