1 Samueli 23:6 - U TIENU MAAMA TILI 2013

⁶ Li den sua ke Ahimeleki bijua Abiatari n den sani ki gedi Davidi kani Keyila po yeni, o den kubi ki kopadician-liadibiga yaaga n tie bencabili yeni.

Gourmanchéma Bible

⁶ Li den sua ke Ahimeleki bijua Abiata n den sani ki gedi Dafidi kani Keyila po yeni, o den kubi ki kopadician-liadibiga yaaga n tie *benŋuunu yeni.

1 Samueli 23:6 ပူးပေါင်းရင်းမြစ်များ

1 Bi Badiba 2:26

Li yaa puoli, o bado den yedi o kopadiciamo Abiatari: «Li pundi ŋan kpe. Ama n kan kpa ŋa dinla kelima a den bugi o Diedo U Tienu kpaku n baa Davidi yogunu. A go den taani leni n baa o fala kuli nni.» Lanwani, fii ki gedi Anatoti a tinga po.

Mi Ñama 28:6

Ban tieni li cabilakaali yeni leni wula, yaa gaali n moani ki suudi, ki ŋmadi leni yaa gaali n moani colicoli. Ban tieni li leni len caba ya luni bonŋanla.

1 Samueli 14:18

Lane Sayuli den yedi Ahiya: «Cuani U Tienu kpaku ne.» Landaali li den sua ke U Tienu kpaku ye Isidayeli yaaba siiga.

1 Samueli 14:3

Ahitubi bijua Ahiya moko den ye leni o. Ahitubi yeni den tie Ikabodi kpelo, ki go tie Fineya bijua. Fineya mo den tie Eli bijua, yua n den tie U Tienu kopadiciamo Silo dogu nni. Ahiya den la bi kopadicianba bado n yen la yaa liadibiga. Bi toatieba naa den bani ke Jonatan fii ki gedi.

1 Samueli 22:20

Ama Ahitubi bijua Ahimeleki bila siiga yendo den sani ki cia. O den yi Abiatari. O den sani ki ŋoadi Davidi,

1 Samueli 23:2

Davidi den buali o Diedo: «Min gedi ki baa Filisiti yaaba yeni bi?» O Diedo den guani ki yedi o: «Gedi ki baa ba ki gaa Keyila yaaba.»

1 Samueli 23:5

Lane Davidi leni o niba den fii ki gedi Keyila dogu ki tuogi leni Filisiti yaaba bu toabu. Davidi den paadi ba cain, ki fagi bi yandi. Yeni Davidi den faabi Keyila yaaba.

1 Samueli 23:7

Bi den waani Sayuli ke Davidi cua Keyila. O den yedi: «U Tienu taa o ki teni nni, kelima o cua ki luoni o yuli yaa dogu n pia a buliñoana leni ti bonluoditi nni.»

1 Samueli 23:9

Davidi n den bandi Sayuli n jagi o po yaa jagibiadili, o den teni ke o kopadiciamo Abiatari cuani li cabilakaali yeni,

1 Samueli 30:7

Davidi den yedi o kopadiciamo Ahimeleki bijua Abiatari: «Taa o kopadiciamo cabilakaali ki cuani ne.» Abiatari den taa li cabilakaali yeni ki cuani Davidi kani.