1 Samueli 22:8 - U TIENU MAAMA TILI 2013

⁸ Be yaa po yo ke yi kuli taani ki fii ki sedi n po, ki bua ki janbi nni? Li gaa lede ke yi siiga oba kuli naa waani nni ke n bijua leni Isayi bijua kuani o ŋantaado bi siiga? Be yaa po ke yi siiga oba kuli ki gbadi n po ninñima, ki waani nni ke n bijua fiini n naacemo ke o sedi n po, ki dia nni ti dadi, ki bua ki cuo nni nani wan ko tiendi maama dinla ne?»

Gourmanchéma Bible

⁸ Li yaa tie yeni, be yaa po ke yikuli taani ki bogini ki sedi npo ki bua ki janbi nni? Li ga lede ke yi siiga oba kuli naa waani nni ke n bijua leni Isayi yaa bijua bili mi buama *ŋantaado bi siiga? Be yaa po ke yi siiga oba kuli ki gbadi npo niñima ki waani nni ke n bijua tigini n naacemo ke o sedi npo ki dia nni ti diadi ki bua ki cuo nni nani wan ko tiendi maama dinla ne?»

1 Samueli 22:8 ပူးပေါင်းရင်းမြစ်များ

2 Bi Badiba 6:11

Siiri bado yama den yagi laa bonla po boncianla, ke o den yini o toatieba yudanba, ki yedi ba: «Yi kan waani nni ti siiga yua n taa Isidayeli bado po?»

Jobi 33:16

Lanwani, o yen doagidi bi niba po li bonla, Ki waani ba ke ban faami bonŋanla,

1 Samueli 18:1

Davidi n den maadi leni Sayuli ki gbeni, lanyogunu Jonatan yama den kua Davidi niinni, ke o den bua o nani o yuceli yeni.

1 Samueli 18:3

Jonatan mo den kuani o ŋantaado leni Davidi, kelima o den bua o nani o yuceli yeni.

1 Samueli 20:2

Jonatan den guani ki yedi o: «Li kan tua yeni, a kan kpe. N baa kan tieni bonliba, li yaa yabi leni li yaa wa kuli, ki kan waani nni. Be n baa teni wan wuoni nni laa bonla? Li kan tuo.»

1 Samueli 20:42

Lanwani Jonatan den yedi Davidi: «Ŋan gedi leni mi yanduanma. Nani tin poli ki niani tiyaba o Diedo yeli nni yeni, wani o Diedo n yaa ye mini leni fini siiga, ki tie siedi. Wan go yaa ye a puoliŋuani leni n yaa puoliŋuani siiga, hali yaa yogunu kuli.»

1 Samueli 20:8

Ŋan doagidi mini a naacemo po a buama, kelima a den tieni leni nni o ŋantaado nianli o Diedo nintuali. I tagili yaa ye n kani mo, ŋan kpa nni fini a ba. Be yaa po ke a baa gedini nni a baa po?»

1 Samueli 22:13

Sayuli den yedi o: «Be yaa po ke yi janbi nni, fini leni Isayi bijua? A puni o li bonjekaala leni ki jugisiega, ki go mia o po U Tienu ki buali o o po, ke o se n po ki dia nni nani wan ko tiendi maama dinla ne.»

1 Samueli 23:21

Sayuli den yedi: «O Diedo n seligi yi kelima yi gbadi n po mi ninñima.